Acts 1:14 - Ohiatonhseratokénti

¹⁴ Hiotʼkáte skátne ienhónton nahonterén꞉naien, skát꞉ke ne tsionatʼthonwésens ó꞉ni ne Onwári neh꞉ne Ié꞉sos ronisténha ó꞉ni skát꞉ke ne ronthatekénhas.

Acts 1:14 ပူးပေါင်းရင်းမြစ်များ

Matthew 12:46

Nok sekon ok sishakotarani nonkȣeokon, astste tontahatitane ne ronistenha oni ne tehontennontere, ronȣaiatisakonhatie tahatitharen,

Matthew 21:22

Tsiok nahoten entsiseȣaneken ne Niio Kaȣenniioki neok nʼakȣa teȣetakon, akȣekon entsitsion.

Matthew 27:55

Iohnentiokoȣanen tsionathonȣisen isiniha titkontinikonraratieskȣe, Galile niiore thonȣaseron ne Iesos neh oni Tehonȣasnietiene.

St. Mark 15:40

Tsionathonȣisen oni isih niiore tetkontikanerakȣe, neh eh kontiiatarakȣe Onȣari-ȣatere, nok Onȣari Sak niraha ronistenha tanon ne Sose, nok Salome.

St. Mark 16:1

Tsi ȣahententane, Onȣari-ȣatere, Onȣari Sak ronistenha tanon Salome ȣakonhnenhiehnaninon ȣenhienakon ahonȣaiatokaste ne Iesos.

Luke 11:13

Etho kati taeseȣaiatorete, seȣaȣeiente ise ne tsionkȣetaksens neioianere tsi naietsiiatierase ne ietsiienhokonha, toh kati onte senha nonshakaon ne Etsiseȣaniha Karonhiake thenteron ne raonikonratokenti onkaresson ronȣariȣanontonnis?

Luke 18:1

Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;

Luke 23:49

Kenh kaien ne ronȣaienterine, oni tsionathonȣisen neh ne Galile thonȣaseronton ihsi niiore thonnete tehatikaneronnion tsiniiaȣens.

Luke 23:55

Kenh kaien ne tsionathonȣisen Galile thonȣaseron ne Iesos, ȣahonȣasere ne Sose ȣakontikahenhion tsiniiossonhioten tsinonȣe nahaien ne Iesos raoieronta.

Luke 24:10

Onȣari-ȣatere, tsiann, tanon Onȣari Sak ronistenha ne skontiriȣenhaȣine oni saiakotirori neh nekarihotens ne Iesos Ratikȣekonne.

Luke 24:33

Nok tontanitane, Jerusalem niionsane, tsi thatiteron nenskat iaȣenre nihati, neh ne ronatiake;

Luke 24:53

Nok kenȣentatiesson ononsatokentike ronaterennaien tehonȣanonȣeronnions oni ronȣatsennonnia sne Niio. Amen!

Luke 8:20

Iahonȣarori kati, ȣahiron: sanistenha oni seȣatatekenhokonha kentho astste thonnete nok iesaiatisaks.

Acts 2:1

Siakáhewe tsi nihonʼnentanorónstha, akwékon ne thoʼnethákwen énskat khók tsi nónwe nihonakʼkenníson.

Acts 2:42

Kwa hiahathikóntaʼkwe wahontéweiensʼte tsi nahonwathirihónʼnien ne ratikweʼkónʼne, wahontsiátaren wathontatsenawase, tánon wathathiʼiéna tsi nahathikwáren, ó꞉ni skatne wahonterénʼnaien.

Acts 2:46

Kwáh niaʼtewenniseráke ononsatokentíʼke non naʼtehontátʼkenskwe, tánon skátʼke tsi tehonskáhonsʼkwe tsi rotinonʼshótons, kwáh ronathonʼnáheʼre ne rahonerianésons tsi tehonatskáʼon,

Acts 6:4

Nonkwátsiaks, neh káti, hiatenʼiakwatatʼtiáhate tsi nókwa ne aterénnaient ó꞉ni ne ateriwanothátsera ahohioténsera.”

Romans 12:12

Sewaskanektserákon non nahisewathonnárake, sewanikonkástek tsi tesewanikónrahre, tánon tiókonte tsi sewaterenʼnaiéntat.

1 Corinthians 14:13

Nónkwe ne iontátis ne ó꞉ia nikawenhnóten, káti, ónenk tsi enhionterénnahien nahieiéna nahtathawítshera nahienikonrahiéntathe tsi nihiónton.

Ephesians 6:18

Oriwakwékon kíʼ ahterenʼnaienthatserákon tsi nátiere, Tieriwanóntons ne Rawenni꞉io nahiaʼiénawase. Kwáh tsík nahoténson tsi saterenʼnaiéntʼsenk, thóh ne kasastenserákon nonikónra. Ne kíʼ aoríwa tiókonte tsi sahrárek tánon tóhsa nonwénton sahtiakwaríshi; tiókonte shehiaterenʼnaienʼníhek ne Rawenni꞉io rahonkwetaʼsónha.

Colossians 4:2

Teswisástek tsi saterén꞉naien, tánon senikonráh꞉rat tsi nahóten ensaterennaienthákwe, tsi nahthentienonwerá꞉ton ne Rawenni꞉io.