Acts 1:13 - Ohiatonhseratokénti

¹³ Hiahatinatáraʼne tánon hionsahathirátʼten ne tsi tionákʼthaien tsi nónwe nihathitheróntaʼkwe neh꞉ne Tiér, Sán, Sák, tánon ne Andrè, Philip tánon ne Atónwa, Bartholomew tánon ne Wátio, Sák Alphaeus ne roiénha, Simon Rahontsanónstats, tánon ne Jude neh꞉ne Sák roiénha.

Acts 1:13 ပူးပေါင်းရင်းမြစ်များ

Matthew 9:9

Sekon isiniiore niionsare ne Iesos, eh iahoken ne ronkȣe, Ȣatio ronȣaiasts, renstskȣahere are tsi rakarotasiatha, iahatati, ȣahenron: taknonteratiesek. Tontahatenstatsi nok ȣahosere.

St. Mark 14:15

Kanonsoharake tionaktoȣanon tkanaktaien eh niienhtsiseniiatenhaȣe; etho nonȣe nasenikȣatako tsiniiot tsi teiotonȣentsiohon.

St. Mark 14:33

Tier ok tanon Sak oni San iasakoiatenhaȣe ethone onen tontasaȣen tsiniiot nahoteronhienten oni ȣahoiatishonkȣe.

St. Mark 2:14

Tsiniiohaes eh ȣahoken Levi Alphe roienha, tsi iekarotasiata eh rentskȣahere, ȣahaȣenhase; Taknonteratie. Tontahatane ne Levi nok ȣahosere.

St. Mark 5:37

Ȣasakotiaȣenratse notiake naonȣasere neok ne Simon Tier, sak tanon San ne sak iatatekenha.

St. Mark 9:2

Iaiakhaton nonta onakenke, onontoharake niiasakoiatenhaȣe ne ne Tier, Sak tanon San eh nonȣe iathatteni rahotihenton.

Luke 22:12

Tionaktoȣanen tionaktaien oni kanonsaseronni tsi nonȣe nentsiseninatonhase; etho kati nonȣe nasenikhonni ne Shotonnhestston.

John 11:16

Ethone nʼAtonȣa Didyme ronȣanatonkȣa, ȣasakaȣenhase ne rontenro: Etho oni nʼii ieteȣe aontonseke enskatne aheteȣenheie.

John 14:22

Jude (iah Iskariot tehken) tahatati ȣahenron: Saianer! oh niiotieren tsi ontionhake ok ȣehne ensatatonni nok iah nonkȣene?

John 18:17

Nok ne kenh kannhatsera teȣatennhohanonne, ȣahaȣenhase ne Tier: iah kenh nise tesiatare raotiokȣakon ne kenh ronkȣe? tahenron: iah Ii tehken.

John 21:2

Simon Tier, nok Atonȣa Didyme ronȣanatonkȣa tanon Natanael Galile Cana thanakerekȣe, nok Zebede sakoienhokonha, tanon sekon teniiase ne raotiokȣa, enskatne ratiterontakȣe.

Acts 12:17

Ratsianáke wáraste wataieronnionháton ne sakʼtahontatónni, tánon wasakonikonraientáten tsi ní꞉ioht ne Roiá꞉ner tsi sahohiatínekenwe tsi tiontatenothónkwa. “Neh kíʼ tsi sewaróri ne Sák tánon ó꞉ni ne ronátsiakes ne thoʼnethákwens,” wahénron; ehʼthóhʼne ahéren sárete tánon ákte non nionsáre.

Acts 15:13

Nónen sanísa tsi iatretiáronskwe, Sák tahatáti: “Takwatahónsatat, tewatenrosónhas!

Acts 2:14

Ehʼthóhʼne ne Tiér wahtáthaʼne skátʼke ne énskat-iawénre ratikwekónʼne tánon tahakwísron tsi wasakotháraʼse nonkwesónha: “Sewaʼsitaerónons tánon ó꞉ni tsi nítsion neh Jerusalem nónwe nisewanákere, takwatahónsatat tánon takwaríhon nakwaróri tsi nahóten kí꞉ken kéntons.

Acts 2:38

Tiér wasakawénhaʼse, “Ónenk tsi kwáh tsi sewahiatát꞉tion theʼtsisewatʼkarathé꞉ni tsi nókwa nesewariwanerahákʼtsheras ó꞉ni ensewathenekwáheste rahoʼsénnakon ne Ié꞉sos Kerístos, neh nahonsakanikonrén꞉en ne sewariwanerahákʼtsheras; tánon ensewaiéna ne Rawení꞉io rahotathawítshera, neh꞉ne Ronikonratokén꞉ti.

Acts 20:8

Wéso kahaseróhthonkwe ne kanotʼtsioharáke tsi nónwe nihionkwatʼkennishónʼonʼne.

Acts 4:13

Ne ronaterihónthon ne Ratitsiénhaiens wahotineráko tsi nihotinikonrhatʼtshá꞉ni ne Tiér tánon ne Sán tsi nahotitókense kwáh thinonkwé꞉a iáh tehonatʼthiaʼtonseraweiénston. Ónenʼki wahonateriéntaraʼne tsi Ié꞉sos ratikwekonhátieskwe.

Acts 4:19

Nók ne Tiér tánon ne Sán wathowatiriwaserákwaʼse, “Í꞉se tionhá꞉a tesewaʼiatóret nahóten ne tkaʼriwaiéri rahohénton ne Rawení꞉io—tóhkaʼ kén í꞉se akwawénnaraʼkwe káton kén Rawení꞉io ensakeniwénʼnaraʼkwe.

1 Corinthians 15:7

Ehʼthóhʼne Sák nónwah shahototáshien, tánon onakènke ne rohnáhtiakes ne rahtikweʼkónne.

Galatians 1:19

Iáh ónhka nahkóren tetʼkhéken ne rathikwekónne nek khók ne Sák, nehne Roiá꞉ner iatatekénha.

Galatians 2:9

Sák, Tiér, tánon ne Sán, akénhake sakothihénthense, wahathiʼiéntherene ne Rawenni꞉io rakáwi kí꞉ken kahiotenseratóken; sók kíʼ wahonkhinéntʼtsa ní꞉i tánon ne Barnabas, neh nawenéhake tsi tionkwatenróʼon. Wahakwateriwaʼserónni Barnabas tánon ní꞉i nehne iáh tehathisitaeronons nón rahothitiókwakon non nenʼhionkenihióten nók neh ronnónha Sitaeró꞉non neh rahothitiókwakon non nenhothihióten.

Ne꞉ne Sák Rohiaton 1:1

Sák kíʼ nón nitsawénon, Rawenni꞉io rohiótense tánon ne Roiá꞉ner Ié꞉sos Kerístos: Thekenonweráthons kwáh rathikwékon ne Rawenni꞉io rahonkwetaʼsónha tsatehonariénion tsi ionwentsiáte.

2 Sawátis 1:1

Ratretsárons— Kih iesakohiatonhni ne iontatsatarakwen iakónkwe tanon né akohioʼokónha, tsi niká꞉ien ne kwáh tokén꞉en khenorónhkwa. Tanon iáh oni tewakonhákok tèken, nok ó꞉ni tsi niká꞉ien ne ronaterièn꞉tare ne tkariwaié꞉ri iesanorónhkwa nónhne

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos: