3 Sawátis 1:4 - Ohiatonhseratokénti

⁴ Iáh sénha nó꞉ia tewakaʼtsennonniaténnis nakáronke ne keienokónha thóh non niʼonnonnhetie ne tkariwaié꞉ri.

3 Sawátis 1:4 ပူးပေါင်းရင်းမြစ်များ

1 Kings 2:4

Tó꞉ka entsewénhnaraʼkwe, ne Roiá꞉ner enhatsénawasʼthe narahrátseras né rósons nó꞉nen sahatró꞉ri swatsiratátie enhonhtkórasʼthe Nisraerʼró꞉nonhke kwáh tsi nikaríhwes enhonthenhnikonhráren nahontewénhnaraʼkwe ne rahorihwatátʼtseras enhotirihwatoʼkénhake kwáh ronerhiasakwékon ó꞉ni rahonahthonnhetseraʼkwékon.

1 Kings 3:6

Solomon watharihwasehráko, “Tiókonte sés kowánen kanoronhkwáhtsera senéston tsi nòkwah ne rakeʼníha Táwit, ne sanhátsera, tánon thorihwaiérihkwe, rorihwató꞉kenhne, tánon roʼrihwakwahríhshonhne tsi naʼtetsaterihwasónhteraʼkwe. Tánon kíʼ iaskónhthaʼkwe waʼtsenathónhase ne kowánen iorihwató꞉ken kanoronhkwáhtsera tsi thá꞉tion wahonekenteronhtseraʼiéntaʼne tsi rahónha nónhwa wenhniseráte rotkoráston ne rahonákʼthaʼke.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

Proverbs 23:24

Tókaʼ tehsonkweʼtaié꞉ri, rotí꞉ien kiʼ né꞉ʼe iesaién꞉ʼa nahonatonhnhá꞉rake. Tánon enwá꞉ton nahshená꞉ieʼne tókaʼ sawí꞉raien ne rattokhahtsherí꞉io.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Isaiah 8:18

Satkátho, í꞉i tánon ne ratiksaokónhas tsi nikáiens ne Roiá꞉ner thaʼkáwi ne wenéstha tánon iakonerakwahténhnis Israerʼronónke tsi nithoteniéton ne Sakoiá꞉ner ne ronterí꞉ios ratironhiakeró꞉nons, thóh nón꞉we thénteron tsi tsionónhte ne Zion.

2 Corinthians 6:13

Tho ní꞉ioht tsi enkwatháhrhahse tsi ní꞉ioht tsi enkhetháhrhahse ne kheienʼokón꞉ʼa. Aiesewathontátsheke aiesewanakto꞉ten ne sewerià꞉ne ne onkenirihwà꞉ke.

Galatians 2:14

Sakatʼkátho tsi iáh tehathísereʼne ne iotʼthahakwarísion ne oriwiʼiohhónwe ne kariwí꞉ios, waiʼhiénhase ne Tiér rahothihénton ne thonʼnethákwens, “Sasitaerónon tsi sanakeráton, shatiakwarísion ne Sitaeró꞉non rahotiʼianerénseras nók kíʼ thóh ní꞉ioht tsi sónnhe tsi ní꞉ioht ne iáh tehatisitaerónnon, onhkáti niʼiohtséren tsi satheniéntʼtha nasehiónʼnien kí꞉ken iáh tehatisitaerónons nahontewénnaraʼkwe ne Sitaeró꞉nons rahotiʼianerénsera neh níse satewentéton?”

Galatians 4:19

Nók oh tekanóron kwaienokónha! Kwáh káti shékon ne teskaieróntare tsi ní꞉ioht ne kanisténsera iakowiraientásere, kwáh thóh ní꞉ioht tsi tewakawehéstha ne sewariwáke tsi nióre ienkáhewe níse naʼtsisewanonteratiéseke ne Kerístos.

1 Thessalonians 2:11

Sewahteriéntare kwáh thóh ní꞉ioht tsi watkwahriwásniese tsi ní꞉ioht ne rohtiwirahiénton tsi tesakotirihwásniese ne sakotiʼioʼokónhas.

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

2 Timothy 1:2

Timothy, konhnóron rihiénha: Aiáwens ne Ní꞉io ne Kanísera ó꞉ni Kerístos Ié꞉sos sonkwaiáner entʼión ne kenténrat, ahtaniténron, ó꞉ni skénʼnon.

Philemon 1:10

Ii káti wahkonrihwahnón꞉tonhse ne Onesimus raorihwà꞉ke, kwáh tsi ní꞉ioht ne í꞉i riiénha raonhà꞉ke ne Kerístos; tsi nikarì꞉wes ne tsi iontahthenhotónkwa nón꞉we í꞉i ne kaʼní꞉sera wahkáton tsi nokwáh ne karihwiiosthóntshera aorihwà꞉ke.

1 Sawátis 2:1

Neh kíʼ ne iakwaiáthonse, kwaienʼokónha, nekáti ne tóhsa aihsewariwánerake; nók kíʼ thóka ónkak aieriwánerake, ionkwáien nónkak ronwaniténtase ne kanísera nonkwariwáke—neh꞉ne Ié꞉sos Kerístos, neh꞉ne rotokénti.

2 Sawátis 1:4

Tsi nahkaʼtsennónni tsi wakheiatatʼtsénri otià꞉ke ne ieʼtsiienokónha tkariwaié꞉rike non nionnonnhétie, kwáh tsi nishonkwariwanontón꞉nis ne Kaʼní꞉sera.