2 Timothy 3:2 - Ohiatonhseratokénti

² Nónkwe ahkahónwakʼkhok enhiontathehiárake, enhiakotetʼtséntahʼke, tenhiontatenrénsaron, ó꞉ni enhiontathónnike; kwáh ó꞉ni ensakotinikonratsáthake, iáh thasakotiwennarákwaʼke ne ronwahtiʼiénha, iáh thènen karihwatakénhake, iáh tahotiriwiʼiostónhake;

2 Timothy 3:2 ပူးပေါင်းရင်းမြစ်များ

Psalms 10:3

Asèken ne ronhkwetahétken ne tehaterenhsaronkwáhtha tsi nithaskáneks ne raweriá꞉ne tsi nikáien né ronwatinénskwas nakorénson rontewenhnaksátha tánon ronwakenrónhni ne Roiá꞉ner.

Psalms 49:6

né꞉ne ronhnonkwetahétkens né ratiniahésen tsi nihothikwátses tánon tehotirénhsaron tsi nihiawetowánen ne raotikwaséhtsheras?

Psalms 52:1

Nontsiéren tsi tesataterénhsaron, seniakátste shón꞉kwe, ne kariwahetkénseras tsi nisatserá꞉nion? Rawenni꞉io Tsi né nénhwe enhorihwatokénhake

Isaiah 10:15

Ne ató꞉ken ahónha ontèken tahonthaterénsaron tsi ní꞉ioht tsi nikáien ne rahróks, khés ne teiehswenkariákstha ahónha kén ahontatkówanate tsi ní꞉ioht tsi nikáien ne tehaswenhkaríaks? Tsi ní꞉ioht ne kánia ahónha kén ahokétsko tsi niʼkáien ne tehaniá꞉kwah, khés tsi ní꞉ioht nathénnits ne kén ahkakétsko nahó꞉ten ne iáh óiente tèken!

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Matthew 15:6

Iah neok teken tsi iah tasakokonnienstane ne ronȣaienha, akȣa ki iah tahonnhiseraientane. Et kati niteȣes tsi ise seȣariȣisahatsera iorioton ne Niio Raoriȣatahton.

Luke 12:15

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

Luke 16:14

Tsinihati ne Pharisian ronataonsatekȣe tsinahoten ȣahenron ok tahonȣaieron aseken rohnaskennhasene ne rononha.

Luke 6:35

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

Acts 5:36

Sewehiáre thí꞉ken Theudas rothotáshonʼne thoʼkàra nihioseráke tsi náhe thenhne, rathónhakwe ronkwethoʼwánenʼne, tánon kákʼnon neh kaiéri-tewenniáwe nihionkwétake wahonwatiátaraʼse. Nók kíʼ wahonwário, rathiʼkwékon tsi niháti ne ronwatiatará꞉ni watʼthonré꞉ni, tánon tsi nahóten rohteriwatentiathonhátieʼne iakénheie.

Romans 11:18

Kwáh káti, tóhsa ietʼtsikénron tsi niháti ne ronwanhasariákon tsi ní꞉ioht ne onhathesónhas. Onhʼní꞉ioht tsi ahskwéni? Nasatatonʼníheke kwáh nonʼníse nek khók nhoʼnénra íken; iáh tesenawáse ne ohtéras—nhotéras neh saiénawaʼse.

2 Corinthians 5:15

Kwáh kiʼ kanenhrakwé꞉kon tsi shonkwenheiá꞉se ne Kerístos. Ne iorihón꞉ni rawenhé꞉ion neh ne tóhsa iaʼtaonsaionkwaiaʼtíston tsi aonsetiónhnheke, tóhsa í꞉ʼi khók aitewatatehiá꞉rake, nok aitewaskéhnha ne raónha aontahtshitewaʼnikonhraié꞉rite. Nok tsi niká꞉ien ne rawenhé꞉ion káti shotonhnhé꞉ton ní꞉ʼi onkwarihwà꞉ke.

Philippians 2:21

Ne ronatsakhéson nek khók nènʼne ronʼnontónʼnions nahóten ne ahontatrákwase nók iáh nènʼne tsi nahóten roskènen ne Ié꞉sos Kerístos.

Colossians 3:5

Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

1 Timothy 1:20

Thóh nihiátare ne Hymenaeus ó꞉ni ne Alexander, tsi kerewáthon hiakehiátʼkhaʼwe thóh rahosatsʼtenserákon ne Ótkon; neh enhothirihónnien nahiátʼkaʼwe tsi nirihwaiesátha.

1 Timothy 1:9

Ónenk tsi enwehiárake, kwáh kíʼ nèn꞉ne, tsi kahsahánions ne kaianerénseras, iáh né꞉ne tionkwetaiéris tehiakoriwáhke, nók né꞉ne thehatí꞉iaks ne kaianerénseras ó꞉ni ne sohnateriwahtheʼwáton, neh꞉ne iáh tehotinihioseráien ó꞉ni rohtiriwáhneren, asèken tsi nihiákon ne iáh tehiakoriwiʼiostontseráien tóhka ó꞉ni iáh tehiakoriwiʼióston, nónka nenhononwahrhiákon ne rohníha tóka ó꞉ni ne sakotinisténha, rohnónha ne sakohnashé꞉tha,

1 Timothy 3:3

iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

1 Timothy 6:10

Ne iewistanorónkwa ne kaiatakweʼní꞉io ne iatehioriwáhke ne kariwáksen. Ótiakes thóh nióre tsi tehotisteríhens nahatiʼiéna kwáh ahéren ronéhthon ne tewetákwen tánon iawehthowánen ne kanikonrakséntseras né tehonerhiasharíhton.

1 Timothy 6:4

neh rothateweraʼten kanaiésera tánon kwáh iáh thènen tehotheriéntareh. Kwáh nek raskanéktha ne tahariwahkéna ó꞉ni tahariwahwénron tsi nókwa ne owennasónhas, tánon neh kí꞉ken tkáhas ne kanosástsera, aterihotarótʼtseras, ahiontatenikonráksaʼte, karihwáksen tsi tetsiakonikónrake,

2 Timothy 3:4

kwáh enhonnonkwetaʼhetkéntake, iáh tiatahonnonthónnionwe, kwáh enhontathonníheʼke; enhatinorónkwahke natenikonroriátsera tsi ní꞉ioht ne Rawenni꞉io.

Ne꞉ne Sák Rohiaton 2:8

Kwá entheʼshérite tóhka ensatewénnaraʼkwe ne Rawenni꞉io raohʼianerénsera, tsi nikahiáton ne kaiatonseratokentíke, “Senorónkwak ne tesanonsanéken tsi níse niʼsatatenorónkwa.”

Ne꞉ne Sák Rohiaton 4:16

Nók ónen kwáh íhken tsi satatón꞉ni, tánon tesathaterénsaron; kwá tsík nahiotónhake tsi tahiontaterénsaron tsi wahétken.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

2 Tiér 2:12

Nók kiʼonhkwesónha sahotiʼiéren tsi nihontíe꞉ra, tsi ní꞉ioht ne karahkónha kontírhios tsi ionahnakeráton neh꞉ne akonwatiʼiéna ó꞉ni akonwatírhio; tsi iesakonatiathónties neh nasakotikaréwathe kwáh tsi nahóten ne iáh tehotinikonraiéntas. Kwáh káti thoʼní꞉ioht tsi enhonwanahthónthe tsi ní꞉ioht ne karahkónha kontírhios,

2 Tiér 2:18

Rontathonniénnis ne kanaiésera ó꞉ni tehiotenonwaroríthonte tsi nahótens rontónnions, tánon rónsta ne ioteriwatéha ne ratiʼierónkes tsi sakonaskanekténnis tsi asakonaterístaien tsi nihiákon ne ónwak iakotasawátie nahonwanatékwase nónkwe neh thóh nónwe nihonónnhe ne aterientawenrhietserákon.

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

Jude 1:16

Ki nonkwesónhas tió꞉konte rothiriwakaténhen ó꞉ni akorénson tesakotiráwi né rathísere ne kariwáksen tsi nihonskáneks; tehonathaterensáron ó꞉ni sakotinikonrotákwas nakorénsons né꞉ne rononhak khók ahontahonnónthon.

Revelation 13:1

Tánon waʼhí꞉ken katsinoniowá꞉nen tahoteskokonhá꞉tie ne kaniatarakeʼkowáhne, oié꞉ri nateonaká꞉ronte tánon tsá꞉ta nihonontsístonte; tánon thóh ranakará꞉kes kaʼhé꞉re oié꞉ri niwanonwarotserá꞉kes, tánon thóh ranontsí꞉nes kasenhnarónhnions ne ronwanikonratsáta ne Ní꞉io.

Revelation 16:11

tánon wahonwasenhnaiésate ne rah Ní꞉io Karonhiá꞉ke thèn꞉teron ne waʼkarihón꞉ni raotironhiakénhsera ó꞉ni tsi nihonatkarewathánion, tánon iáh teshonatatʼrehwá꞉ton tsi nihatiweienó꞉tens.

Revelation 16:21

tánon kawishowá꞉nens wahowí꞉sonhti, ne skát꞉tions thó꞉wa énska tewenhniá꞉we nikakontserá꞉ke nihiótstes, tonsénhne karonhiá꞉ke ne watsakohiatorá꞉rake nonkwehó꞉kons, tsi nikarì꞉wes ronwakenhrenserónhnis ne Ní꞉io ne aorihwá꞉ke ne kannratarinéhtseras tsi wahowisónhti, thóh niió꞉re tsi ioteronhtón꞉ne né꞉tho kannratarinéhtsera.

Revelation 16:9

ne wahakonethentát꞉te ne kwáh í꞉ken ioʼtarí꞉hen, ók wahonwasenhnaiésate ne Ní꞉io, tsi niká꞉ien ne rokweniatsherá꞉ien tsi nokwáh kí꞉ken kanhratariné꞉tsheras, tánon iáh teshonatatrewá꞉ton ó꞉ni nahontahónhion kaiatanerakwáhtshera.