2 Timothy 2:3 - Ohiatonhseratokénti

³ Sahtiátaren ne karonhiakénsera, neh tsi niʼsariwahtóken tsi tiaʼtherí꞉iose ne Kerístos Ié꞉sos.

2 Timothy 2:3 ပူးပေါင်းရင်းမြစ်များ

Acts 23:31

Neh ronterí꞉ios thóh nahatí꞉iere tsi nihonwathináʼon. Iahonwénnonke ne Kór tánon neh siwasónta iahonwahiaténhawe tsi nióre ne Antipatris.

1 Corinthians 13:7

Kanoronkwátshera iáh nonwénton tehiotsiaʼkwaríshion; iáh ó꞉ni tsi nitsiawetákwen, iáh ó꞉ni nahoskanéktsera, tánon tekawhiʼshástses iáh tehioʼriwanórons.

1 Corinthians 9:7

Ónhka ne shóh꞉tar nonwénhton rahónʼa ahokariákon tsi nihatʼkarónniskwe né shohtárahke? Ónhka ne rahʼiéntʼtos ne iáh nonwénhton tahohiákon ne oniénhare ne rahónha ronhiaiénton? Ónhka ne sakónonʼne ne tehiotinatʼkarontónha iáh nonwénhton tahóston nonónta ne rahónha rahotshenenhókon nitsawénon?

2 Corinthians 1:6

Ionkwaronhiá꞉ken tsi niiakwaská꞉neks ní꞉se ne aiesewaʼnikonhrén꞉taʼne, ó꞉ni ne aiesewaʼniá꞉kenʼne. Tsi ní꞉ʼi niionkhiʼnikonhraieʼwén꞉thos, í꞉se ó꞉ni tho ní꞉ioht tsi aiesewaʼnikonhriió꞉hake, tsi kwáh skén꞉nen tsi aiesewahkátsteke tsi ní꞉ʼi ní꞉ioht ne onkwatiaʼkéhshon.

1 Timothy 1:18

Timothy, akheksátha, Í꞉se wahkonniáhese kí꞉ken ahontaseniarótarohke, tsi teskaieróntare nowennasónhas neh iekariwáken tsi nikataráh꞉kwen tsi nòkwa níse. Í꞉sas thíken owennasónhas nahioianeréhake nasatherí꞉iosʼte,

2 Timothy 1:1

Kór kíʼnon nitsawénon, rotheriwanotánis ne Kerístos Ié꞉sos tsi ehʼnihonikonróten ne Ní꞉io, thowathórion nahatʼróri tsi niwahrarátston natónnhets tsi natehionkwateriwasóntere ne Kerístos Ié꞉sos—

2 Timothy 1:8

Tóhsa satehénsek, káti, natierihwanirátʼtie ne Sonkwaiáner; tóhsa ó꞉ni takathéʼhens, kenóton ne Kerístos rahorihónniat. Khék, sahtiataren ne karonhiakenserakon ne karihwi꞉io ahorihwahke, tsi nentʼthion ne Rawenni꞉io ne kasastensera.

2 Timothy 2:10

káti orihwaʼkwékon wahkatakastáton neh akoriwáhke tsi nihiákon ne Rawenni꞉io sakohiatarákwen, ehnahontáwe rohnónha ó꞉ni ahatiʼiéna ne kaiatakenáh꞉tsera tsi nítewes rahonháke ne Kerístos Ié꞉sos ó꞉ni ne ionhehónʼwe kahiatanerakwátsera.

2 Timothy 2:9

Tsioríhwa tsi katerihwanótʼtha ne kariwí꞉ios, wahkeronhiáken tánon ó꞉ni kwáh oronkwása ìkneren tsi ní꞉ioht ne sohterihwatewáton. Onk ne Rawenni꞉io rahowénna iáh nèn꞉ne oronkwása tèken,

2 Timothy 3:11

tsi nihionkʼkenronníʼon, tánon nakeronhiakénseras. Sateriéntareh akwékon kíʼ éhʼthoh niwahtiatawén꞉en thóh nonwe ne Antioch, Iconium, ó꞉ni ne Lystra, neh ioronhiakenseratʼtsani wahkatakátsʼtaton! Nók kíʼ Roiá꞉ner tiókonte sakeniakénton.

2 Timothy 4:5

Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

Philemon 1:2

tánon ne tsi ionterennahientáhkwa non nihatihiatáhre tsi shanónskon nón꞉we nihontiataró꞉ros, ó꞉ni ne onhkwahtenhosénha Apphia, ó꞉ni ne Archippus ne skátne tewahshohtár:

Hebrews 10:32

Sashewehiaran tsi nisewahiatawenskwe ne tsi nitsawénon. Ne tóh tewenhnisherathenionkwe, né nónen ne Rawenni꞉io rahoswatʼthétshera wahtishewahswatʼtethe, wéso iorihwahke tsi ní꞉ioht tsi weshewahronhiaken, onk iáh ki teshewahsenhion tsi ní꞉ioht tsi sewahtatiatakenen.

Hebrews 11:27

Tewehtákwen seh wahahónnien ne Mahís nahonsahanakeráko ne Egypt kwáh tósa thènen ahoteronníhake ne Ronontí꞉io rahonakwáhtshera. Tsi síken ní꞉ioht ne wahóken ne iáh theohiatáken Rawenni꞉io, iáh theothontáton nahosahókton.

Hebrews 6:15

Ronʼnikonkátsthekwe ne Abraham, tánon káti wahaiéna tsi nahóten rohrahrátston ne Rawenni꞉io.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

Judges 3:2

Nék kíʼ aoríhwa thóh nahá꞉iere né nashakorihónhnien ne niaʼteiewatsirákes ne Israerró꞉nonhke tsi nòkwah nateriʼiosʼseráke, sénha tsi niháti ne iáh arèko nonhweton tehonateriʼiosehronhnónhne.