2 Timothy 2:2 - Ohiatonhseratokénti

² Iahásaf ne karihonniennítsera neh satʼthontéʼon wakatʼrórih akohénton ne iakotiokowánen ierihwanírats, tánon nasakonohesten ne iakorihwatóken, ronónha ó꞉ni enhatikwéni nasakotirihónnien nakorénsons.

2 Timothy 2:2 ပူးပေါင်းရင်းမြစ်များ

Ezra 7:10

Ezra wahaterihwatokénsthe ne tsi rónhnhe nahatéweiensthe ne Roiá꞉ner rahoianerénhseras, nahahioténsthe, tánon nashakorihónhnien oriwakwé꞉kons ne kaianerénhseras tánon tsi nikaianerenhseró꞉tens nonhkweshón꞉as Nisraerró꞉nonke.

Ezra 7:25

“Í꞉se, Ezra, shasthonhátie nateʼnikonhrathokhá꞉tshera ne Saní꞉io thiá꞉wi, ne nashehiatharakwenhá꞉ton ne shakonaterihwatsterísthase tánon ne rathirihwénhtas nashakonatkórasthe nonhkweshón꞉as ne tsi iaʼtewatséntos nokwá꞉ti ne Euphrates tsi niká꞉ien ne rathísere tsi nihoianerenhseró꞉te ne Saní꞉io. Ó꞉nenk tsi ensherihónhnien né꞉tho kaianerénhsera nónhka ne iáh tehiakoterièn꞉tare.

Nehemiah 7:2

eʼthó꞉ne tahí꞉ion ne iatiathateʼkénha Hanani, tánon Hananiah, ne rakó꞉rahkwe ne tsi ronón꞉shote ne ronnontí꞉io, nahontahaniarohtaró꞉ke ne Jerusalem; asè꞉ken rotonkwetakwahrí꞉shionkwe rónkwe tánon rotsá꞉niskwe ne Rawenni꞉io sénha tsi ní꞉ioht ne iakotiohkowá꞉nen.

Psalms 101:6

Kwáh enkherihwaʼníratʼtse tsi nihiákon ne iakorihwaʼtóken rahonháke ne Rawenni꞉io, ne káti nahónton skát꞉ne ahiakwenhterónhtake; ónhka thóh nón꞉we nenhiontahí꞉ta tsi ioháte ne tkarihwaʼiéri kwáh né enhiontióthenhse.

Proverbs 13:17

Nónhka ratirihwenhá꞉wi ne iáh tehsheniahé꞉sen, nek entkáhawe ne kaʼnikonhrharáhtshera, nok ne ónhka sheniahé꞉sen entkáhawe ne skén꞉nen.

Jeremiah 23:28

Ne rotó꞉kenhse ne rohteʼtshénʼen aówenhk nahénron nék khók thíken naʼtetshénsehra, ók ne rotó꞉kenhse ne rotthontéhon naʼkateriwahnhotátshera ahówenhk ne kwáh ahontaʼhawehthakwénhaʼke tsi ahakró꞉ri nètho ateriwahnhotátshera. Nahó꞉ten kástha ne kawáhe taiéron ne onátsia íken?

Leviticus 14:42

Tánon óia thiʼkanenhiathénions ensewátsʼtonhke tahonsahionatʼthákwen tsi nikáiens néhren kahawíton, tánon áse enskanawastháronhke nasonhthákes.

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 12:7

Iáh né ètho tetiéra tsi nó꞉kwah nakenátshera Mahís; rahónʼa riʼríhonte nashaʼkotenhnikónhraren nakonhkwetaʼshón꞉ʼas NʼIsraerʼró꞉nons.

Matthew 13:52

Nok ȣasakaȣenhase ȣahenron: ne kati ȣahonni ne Raiatons nakȣa rariȣaienteri ne Niio raoriȣasonha, neh teshiatieren tsiniiot ne ronkȣe raorontotserakon tatakȣas noriȣase oni noriȣakaionshon.

Matthew 24:25

Onen kati ȣahi nonȣa tahonenne takȣarori.

Luke 12:42

Tontahenron ne Roianer: Onka neh ne ronkȣe ne Roianer ahorihontake asakoststeriste ne kannhatsera, asakokariakse oni tsi natehonatenstson.

1 Corinthians 4:2

Énskat tsi nahóten kariwahnóntons tsi nòkwah nètho kanhátsheras né꞉ne ahotiriwahtokénhake tsi nòkwah ne rahiatakweʼní꞉io.

2 Corinthians 2:14

Tenhinonhwerá꞉ton ne Rawenni꞉io, ne se wáhi teionkwateriwashontere oh naiá꞉wen ne aietewakwé꞉ni ahtshitewaioʼténhse ne Kerístos. Rawenni꞉io tehshonkwá꞉wi ne taietewaterihwaré꞉niaʼte ne Kerístos raorihwà꞉ke kwáh ne neh wenhserakon.

2 Corinthians 3:5

Iáh teionkwaianerenhserá꞉ien ne aietewathró꞉ri oh nahò꞉ten aionkwaióʼten ne iaʼtetewaiá꞉ti. Rawenni꞉io tehshonkwá꞉wis tsi naʼteiotonhontsó꞉hon ne thé꞉nen naietewá꞉iere.

Colossians 1:7

Né꞉ne Epaphras etʼtsisewahrihotasién꞉ni ne Rawenni꞉io rahoténrat, onkwatenó꞉ron skát꞉ke ionkwahiò꞉the, né꞉ne kwáh rohriwahtó꞉ken tsi Kerístos rohiòtense nonkwariwáke.

1 Timothy 1:12

Tehinonwerátons ne Kerístos Ié꞉sos Sonkwaiáner, raónha takáwi ne kasatsʼténsera tsi nòkwa natioténsera. Tehinonwerátons tsi rahkanonthónnionse nakeriwastáton tánon ratiatarákwen nahiʼiótense,

1 Timothy 1:18

Timothy, akheksátha, Í꞉se wahkonniáhese kí꞉ken ahontaseniarótarohke, tsi teskaieróntare nowennasónhas neh iekariwáken tsi nikataráh꞉kwen tsi nòkwa níse. Í꞉sas thíken owennasónhas nahioianeréhake nasatherí꞉iosʼte,

1 Timothy 4:14

Tóhsa sewahkénron tsi nisewahriwiʼióston ne tionháke, thóhne nitietsihiáwi ne sahontáti ne rotitokenséhakwe tánon ne rathiretsárons sahtiesanisnonsáren.

1 Timothy 4:6

Tóhkaʼ enteséhion kí꞉ken karihonniennítsera ne tiakawetákwen, ensenatseriʼióhake tsi nòkwa ne Kerístos Ié꞉sos, tsi ensataténonthe ne ionnheʼónwe nahowennasónha ne tewetákwen ó꞉ni norihwí꞉io karihonniennítsera tsi nisáhseron.

1 Timothy 5:22

Kwáh tóhsa tesasteríhen ne tasehianisnonsahérase nónkwe nasehiataráko nahothihióten ne Roiá꞉ner rahohioténsera. Tóhsa ken nátier nakóren akorihwaneráktseras; kwáh iekénhak tsi satatennikonráhrak.

1 Timothy 6:12

Iatesatátʼtsahak tsi skát꞉ke tsi nathesaréron ne tewetákwen, tánon ne teshaténtsa ne ionnheʼónwe atónnhets ne iateshiá꞉ti; Asèken ne kí꞉ken ne iónnhe nètho Rawenni꞉io iahianáthon nónen kwáh thóh kén꞉en sahserihwanírathe tsi tisetákwen tsi nihiakotsiokowánen iakotahónsathekwe.

2 Timothy 3:10

Nók níse wátiereh nakerihhonniennítsera, tsi nikeweienʼnóten, tánon tsi nikatiérah ne tsi kónnhe; satkáton naketakwátsera, tsi wahkenikonrí꞉io, nakenoronkwátsera, tsi wahkenikonkátsthe,

2 Timothy 3:14

Nók níse, iasatasónteren ne kariwahkwarishióntsera iesarihonniénni tánon kwáh ioriwaníron tsi tisetákwen. Sateriéntare ónhka ne iesarihonniénni,

Hebrews 2:17

Ne kí꞉ken kéntons kwáh thóh nen ronnoténhne tsi ní꞉ioht ne rahonkwatasónha, ne nahónton nahoriwahtokénhake ó꞉ni nahotanitenrátskon tsi ratsihentowáhnen íken tsi nihoʼiótense ne Rawenni꞉io, nekáti nonkwesónhas nahonsahiontatenikónrense nakorihwahnerahákʼtshera.

1 Samuel 2:35

Ní꞉i kwáh tenhí꞉taste iaʼtetiá꞉ti ne roʼrihwatóken ratsihenstá꞉tsi, raʼónha kwáh ne enhateriwathéntsiaʼte ne entsioianénhaʼwe tsi nahó꞉ten í꞉wa nakwerhiá꞉ne tánon naʼkenikonrákon. Ní꞉i kwáh enhiʼwatsirónhnien ne iorihwatóken kawátsire, tánon ne raón꞉ha kwáh ienhataweiátʼthake ó꞉ni nienhaiakénhseʼke raoʼhénton ne riʼiatarákwen ne ne tsi nénhwe enkénhaʼke.