2 Timothy 1:9 - Ohiatonhseratokénti

⁹ Rawenni꞉io shesonkwahiatakwen tánon tesonkwanathon ne rahónha rahonkwetaʼsónha aʼetewáhthon, iáh neh tehiorihónniat onhʼnahionkwatiéren, onk ne ahoríwah tsi nihotenikonrónʼni ó꞉ni ne rahoténrat. Kwáh raʼonháke ne Kerístos Ié꞉sos tsi tesonkwáhwi kí꞉ken kenténrat né꞉ne oʼhénton shontonthonhontsaʼtásawen.

2 Timothy 1:9 ပူးပေါင်းရင်းမြစ်များ

Matthew 1:21

Nok roskenraketa enkenhake nenhioȣiraientane; Iesos enhtsenatonkȣe: Asekenraonha sariȣatontane ne kariȣaneren.

Luke 10:21

Ethone ne Iesos ȣahatonnharen ne raȣeriane, nok ȣahenron: Konhiatsennonniase, O Rakeni, Seȣenniio ne karonhia oni nonȣentsia! tsi sheriȣasetenni neh nakarihotens ne iakohnikonroȣanens nok oni ne ionttokhas, nok eksaokonha sheriotasienni; Eh kati niiot, Rakeni! Aseken eh ki nitisanikonriiohon.

John 17:24

Rakeni! Kaskaneks ne tsinihati takonkȣetaȣi, ne tsinonȣe nikiteron etho oni neneh ahatiterontake aiakȣakȣekonhake; naontkatho nakiatanerakȣatsera, neh nise takaȣi aseken ok siskehnonȣehon ohenton saontontonȣentsiatasaȣen.

John 17:9

Kheiaterennaiennis; iah onkȣeokon tekheiaterennaiennis; ne tanon ne tsinihati takonkȣetaȣi, aseken iseki oni sonkȣeta.

John 6:37

Tsinikon rakaȣis ne Rakeniha, akȣekon enȣakrane, nok iah tahonsahiiatinekenȣe nenhakeniahese:

Acts 15:18

Tsi niháton ne Roiá꞉ner, tsi nihawenéston ne wahónnise tsi náhe tkènne.’

Acts 2:47

Ronwasénʼnaiens ne Rawení꞉io, ó꞉ni ronatʼtsenón꞉ni tsi nitsiakoriwaiéris nonkwesónhas. Tánon kwáh niaʼtewenniseráke ne Roiá꞉ner sehsakotiokwaʼiesthonhátie tsi nihiákon nentiakéthakwe.

Romans 11:14

Tóhkaʼ senónwa enkwéni ne nonkwesónha neh꞉ne sahakwaiáta nahathinósʼsa, nehʼne ahkarihónʼni tsi niwatiotenʼhen ne Rawenni꞉io ótsiake ensakonónsta꞉te.

Romans 11:29

Asèken ne Rawenni꞉io iáh nènʼne thateshoteriwateniénʼnis ónhka akénhake nen sakoiataráko tánon nasakoiatatériste.

Romans 16:25

Ánion tsi tewasénnaien ne Rawenni꞉io! Rokwénion nahiónnen nasesátsʼteke tsi tisetákwen, tsi ní꞉ioht tsi kateriwanhóta ne karihwí꞉ʼios ne Ié꞉sos Kerístos rahoriwáke ó꞉ni ne karihotasiónkwen tsi nikariwashétonʼne ne tkariwaiéri tsi nitsawénon.

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Romans 9:11

Neh nahontáwe tsi nihotinikonrón꞉ni ne Rawenni꞉io niahontasónterehke thoʼnahiontonhátie tsi ní꞉ioht tsi thotenikonrón꞉ni ne rahonháke, Rawenni꞉io waharóri, “Ne takowánen tenhoriwásniese neh rokénha.” Thóh ní꞉ioht tsi taróhri nohénton sahowiraiéntaʼne, nohénton thènen nahiátiere neh teniʼiáse ahioʼianeréhake tòhka ó꞉ni kariwahétken akénhake; Káti tsi nihorákwen neh Rawenni꞉io neh thohawíthon tsi nishakonáhon, iáh tòhka kén tsi nahonatiéren.

Romans 9:24

Asèken í꞉i nètho tsiónkwe neh tesonkwanáton, iáh tòhka kén nek khók tsi natehóntere ne Sitaeró꞉nons nók neh ó꞉ni neh iáh tehatisitaeronons.

1 Corinthians 1:18

Asèken naʼteriwahnothátshera tsi nòkwa ne Kerístos tsi tehonwahiáshonte ononkwarohríta íken tsi niháti ne rohtihiatatónʼon; onk nonkwatiakheshóns tsi tionkwahiakén꞉en né꞉ne íken ne Rawenni꞉io raoshatsʼténshera.

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:9

Ne Rawenni꞉io thóh naháiere tsi nihothenikonrón꞉ni, tánon wasonkwathokáten ne kariwaséthon tsi knáha hiatehoriwaiéntase ne iahontésa rahonháke ne Kerístos.

Ephesians 2:5

shé꞉kon kíʼ nonʼné꞉e nó꞉nen karihwanerahaktsherákon nónwe naionkwenhéionke, thonʼtashónʼtion nahtónnhets nó꞉nen sonshahokétsko ne Kerístos ne kenheiátʼne. Kwáh nek khók wahkarihónni tsi Rawenni꞉io thóh nontahanónwehne nahonshahianiákenthe.

Ephesians 3:11

Tsi naháiere ne Rawenni꞉io neh tahioianénhawe tsi ní꞉ioht tsi thoʼtenikonrónni ne kwáh tsi tiotásawen, neh káti iahaweienéntaste rahonháke ne Kerístos Ié꞉sos Sonwaiánere

Philippians 3:14

Katháke tsi nónwe iatewakóien, nekáti nakʼkwéni takathéntsia natiokowátsera tsi niʼhionkeríhonthe ne karonhiáke. Nekíʼ ne tekariwaserákwen ne Rawenni꞉io sakówis neh tsi nihoiéren ne Kerístos Ié꞉sos.

1 Thessalonians 4:7

Rawenni꞉io iáh tieshonkwenʼnónkon ne thóh nón naitiónnheke ne kanakwahieshatsherákon, nók thóh nónwe naitiónnheke noriwahtokentitsherákon.

1 Timothy 1:1

Kór nón nitiawénon, rohteriwahnotáni ne Ié꞉sos Kerístos tsi nihonháʼon ne Rawenni꞉io Sonkwaiathákwen ó꞉ni Kerístos Ié꞉sos nonkwarahrátʼtshera—

2 Timothy 1:1

Kór kíʼnon nitsawénon, rotheriwanotánis ne Kerístos Ié꞉sos tsi ehʼnihonikonróten ne Ní꞉io, thowathórion nahatʼróri tsi niwahrarátston natónnhets tsi natehionkwateriwasóntere ne Kerístos Ié꞉sos—

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 3:1

Tekanóronn Sewahriwiʼióstons onkwahtenrosónha, í꞉se ó꞉ni ne Rawenni꞉io ietsisehwennónkon! Ié꞉sos tsi sewahnonthónnionf, tsi raónha ne Rawenni꞉io thotórion tsi tókthe ratsihenstowáhnen tánon ne tewetákwen tewahriwahnírats.

1 Tiér 1:20

Rawenni꞉io roiatarákwen ne neh ohénton sontontonwentsiónni tánon onterihotashiónko kí꞉ken nonàken wenniseraténions níse sewariwá꞉ke.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 17:8

Ne katsinoniowá꞉nen ne wátsken né꞉ne rónhnekwe, iáh kíʼ ó꞉nen tesrón꞉nhe, tánon ó꞉nen thó꞉wa ahontaharákten tsi nón꞉we ne iáh tetkanón꞉kware iosonwakáronhte tánon thóh nón꞉we nienhénre nahahiatá꞉ton. Ó꞉ni ne ratinákeres ne tsi ionwenhtsá꞉te, né꞉ne ronón꞉ha ne iáh tehatisénhnare ne kaiatonhserá꞉kon ne iónhne ne sonnitskwáren ne tsi ionwenhsá꞉te, kwáh enhotiriwanerá꞉ko nó꞉nen enhón꞉waken ne katsinoniowá꞉nen, tiorì꞉wa tsi nirónhnhekwe tánon iáh ó꞉nen tesrónnhe tánon kíʼ shé꞉kon ensewathó꞉tasi.