2 Tiér 2:3 - Ohiatonhseratokénti

³ Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

2 Tiér 2:3 ပူးပေါင်းရင်းမြစ်များ

Job Tánon ne Raoronhiakensera 6:27

Ní꞉se kwáh kí ó꞉ni ohontsá꞉ke ensanenhiontséseron ne kanenhiató꞉kens tsi nasheiaʼtará꞉ko ne tehontonhnakáriaks, tánon enhsewaterihwaserón꞉ni ne raoteroseraʼshón꞉as.

Psalms 18:44

Saskeniá꞉kente tsi nòkwah ne ronteriʼioseranónwe onkweókons; waskatiénawaste í꞉i ohénton iatesét꞉taste tsi nòkwah ne ronhnonhontsakerónons; ne nonkwé꞉okons ne iáh tekheientérine wahontsió꞉tenhse.

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Psalms 81:15

Tsi nihiákon ne iónkʼsons kwáh tehonʼnón꞉saien natʼkénton, tánon né꞉ne tsi nénhwe tsi enkheréwaʼte.

Isaiah 5:19

Ónka iónton, “Anion ne Ní꞉io tehosterí꞉hen, ánion tehákats ne raohioténhsera né nahónton ahitewatkáto; Ánion ne rotenikonhrónhni ne Rotokénti Saiá꞉tat Israerʼronónke iostóre tahosteríhen nakánahne, ne nahónton ahionkwahteriéntaraʼne!”

Isaiah 56:11

Né éʼrhars kwáh í꞉ken tsi ratiʼkhowánen; iáh nonwénhton tsaʼtahotiʼiériʼse. Né teiotinakarontón꞉has sakotiʼnikónraʼre iáh nonʼné꞉e tehotiʼnikonraiéntas; kwáh ratiʼkwé꞉kon tsi nenhthaʼtinónweʼne thóh nenhatí꞉iere, ne niatehatiʼiáti khók ahotiʼianerásthen, kwáh ratiʼkwékon thóh nihatiʼiatóthens.

Isaiah 60:22

Né kwák kénk nenhatíhake né kenhtiókwah ienhónton, tánon né kénk nenhá꞉tike né enkanenhrasátsʼteke; Í꞉i ne Watiá꞉ner; thóh nenhkaháwiʼke kwáh kí enkerihwaié꞉rite iostó꞉re.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Ezekiel 13:19

Wasekʼkénron rahothihénton nakonhkwetaʼshón꞉ʼa né nahontséhsenhne nahsèhna tohʼkàra niwahtshánahke tehiotikonhstónhres tánon tohʼkàra níkon kanáhtaro. Sehnonhwarhiaʼkónhkon nonhkweshón꞉ʼa ne꞉ne iáh tatehonahténhtion nahonhníheie, tánon wasehnónhstahte nonhkweshón꞉ʼa nahiakónhnheke ne꞉ne iáh tehiówenhk nahónhnheke. Káti sehnhowenhténhni nakonhkwetashón꞉ʼa, tánon taieséhthakwe.”

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Habakkuk 3:3

Ne Rawenni꞉io tsi tiohontsá꞉ien ne Edom nón꞉we nitawè꞉non, né Roiatatokénti Rawenni꞉io tsi ionontahrónhnion ne Paran nón꞉we nonhtahawenonhátie. Raohiatanerakwáhtshera iororókston ne tsi karonhiá꞉tes, né iakahonhnién꞉nis niakahontsakwé꞉kon nonkweshón꞉a tahonwanonwerá꞉ton. Selah

Malachi 1:10

Weh, ónhka naionská꞉neke naienientháhrho ne tsi kahnhoká꞉ronte tánon aionté꞉kaʼte ne tsi ktsenhahráhkhwa ne iáh oh thé꞉non tshiaʼtákene? Iáh tewakerienʼtiióhstha ne tsonhá꞉ke, Rá꞉ton ne Sakoiá꞉ner ne ratironhiaʼkehró꞉nonʼs. Tánon kwáh iáh thatié꞉na naontesewá꞉iehste ne sewahtsaʼnà꞉ke naontá꞉we.

Matthew 23:14

Seȣententasere ise ne Seȣaiatons oni Pharisian Akonȣara! iestsinonskarihatons ne iakotereons neh seȣariȣakenserakȣa tsini seȣaterennaientaktseres; ne se ȣahonni senha kareȣatatseroȣanen enseȣatreȣatakȣe.

Luke 18:8

Ȣakȣarori, iah tehoniskohe tsi tentesakonnhe. Kenh oni kaien, nonen tentre nʼOnkȣe Roienha iseȣere ken enhatsenri ne teȣetakon tsi ionȣentsiate?

Luke 20:20

Onen senha ȣahonȣanehtentakte, neh nonȣa ionsahonȣanatori nakȣa karionnienni oni rontatonnis aontaionkȣetaierike, natahatiierekenha nahoȣennakarenrako nok neh ahostonte kaianerensera akonȣanaskon.

Luke 22:47

Sekon ok nihotaratie etho ȣahonenraketote, nok neh ranenrisere ne Sitas ronȣaiastskȣe, nok Iesos ȣahoteranentakten ne tahonoronkȣanion.

John 2:16

Nok ȣasakaȣenhase nʼOrite ronatenaskȣatkerontakȣe, ehren seȣahaȣit kehiken ne kenh nonȣe, tosa iontkerontakȣa seȣatatenonsonniaton ne Rakeniha raononsa.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

2 Corinthians 2:17

Iáh wáhi tho tetewaiaʼtò꞉ten tsi nihatiweiennò꞉ten ótiaʼke. Iáh thé꞉nen tekarì꞉wa tsi ní꞉iot tsi ratihá꞉wi ne Rawenni꞉io raowén꞉na tsi shiken niʼiot ne iáh satakenaske atkerontatshera꞉ Ók tsi Rawenni꞉io tehshonkwatenniéhton, oriwi꞉iohonwe tsi nahò꞉ten tewá꞉ton raohenton ne Kerístos, tsi raohnáhtsheras ne Kerístos.

Deuteronomy 24:17

“Tó꞉sa shenikonhráhten ne tihononhontsá꞉tes ó꞉ni ne tehontonhnakárias tsi nahotihianerenseraiéntake; tánon tó꞉sa ienshá꞉we ne ioteréhons ahotsherón꞉niat nahontkaraiéntaʼkwe tsi enswístani.

Deuteronomy 32:35

Ne Roiá꞉ner kwáh se enshakarià꞉ke tánon enshakorewáthe; ienkáhewe nó꞉nen enhatihiatiénenhne; ne raonenhnísera táwe nahonnateraswáksenʼne.

1 Thessalonians 2:5

Kwáh íken tsi sewahteriéntare tsi iáh thóh iséke tiehionkwénon ne karensarontsherákon tsi ní꞉ioht tsi ahionkwataráke, iáh ó꞉ni owennasónhas tehionkwáston naiakwaróhroke ne ahskenátshera—Rawenni꞉io ne sonkwariwaniráti!

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

1 Timothy 3:3

iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

1 Timothy 3:8

Nononsatokentíke rontsniénons ahówenk nahotihianerenserihióhake tánon ahothiriwahtokénhake; iáh thehiówenk ne wéso ahatinekhírake notsítsia tóhkaʼ ó꞉ni ahonatetʼtséntake tsi nòkwa nowístha;

1 Timothy 6:5

tánon tiókonte tehotirihwakénen tsi nikáien ne iáh tiehatinikonraiéri tánon iáh tesathíhawe ne karihwakwarishióntsera. Rónnereh ne kariwiʼiostóntsera thóh néntewe tsi enhotikwátseʼne.

Titus 1:11

Kwá tehiotonwentióʼon nahonwanáskweke, ne tsi kwá iewahtsirakwékon sakotinikonraksátha ne tsi ne sakotirihonniénnis tsi nahóten ne iáh tathehiothonwentióʼon, tánon akwékon ne karihónnis tsi nihiotéha tsi nihonahtéttien tsi ní꞉ioht tsi rontʼwistónnis.

Titus 1:7

Asèhken ne sakohéntense nononsatokentíke raónha roteriwatsʼteríston ne Rawenni꞉io rahohioténsera, kwá kíʼ tóhsa thènen ahonhíkonke. Iáh tehiówenk naronkwetatsénhake tóhka ó꞉ni ahanakwastó꞉reke, tóhka ó꞉ni ahanekahkátsthake tóhka ó꞉ni ronkwetátsen tóka ó꞉ni rotwistatékʼtien.

1 Tiér 2:8

Tánon nóia noriwatokénti wáton, “Onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko.” Watiakoniotáko tsioríhwa tsi iáh tethonetákwen nowénna; neh tsi nisakoriwisaháni ne Rawenni꞉io.

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

2 Tiér 1:16

Iáh neh teiakwaniahésenʼne ne watkaríson nakwaronkáten ne rosatsʼtenserowánen táreh neh꞉ne Sonkwaiáner Ié꞉sos Kerístos. Kwá í꞉i iakwakaráke hionkwakʼkáton tsi nihosastenserowáhnen.

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,

Jude 1:11

Tsi natehonaterientawenréhʼon! Ne wahathisere tsi nihoiéren ne Cain. Owísta wakarihón꞉ni tsi thóh nokwáh niahonʼne tsi natehoterientawenrhéon ne Balaam. Wathatirihoróke tsi ní꞉ioht tsi tehorihóron ne Korah, tánon tsi nioiatawénhen wahonwanáthonte.

Jude 1:15

nakwé꞉kon tasakotiʼiatorete, rathikwé꞉kon enhonwathirewáte ne tsi iáh Rawenni꞉io tehohioténseras tehothihioténhen tánon akwékon ne kawennatʼsens ne rothirihwanéren ahonwènni!”

Jude 1:16

Ki nonkwesónhas tió꞉konte rothiriwakaténhen ó꞉ni akorénson tesakotiráwi né rathísere ne kariwáksen tsi nihonskáneks; tehonathaterensáron ó꞉ni sakotinikonrotákwas nakorénsons né꞉ne rononhak khók ahontahonnónthon.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.

Jude 1:7

Seweiáre wáhi ne Sodom tanon ne Gomorrah, tanon náktha kanataienthonkwe, ne rahononkwetasónhas thóh nahathiweienʼnhoten꞉ne tsi niʼioht thí꞉ken ratironhiakerónons ó꞉ni tsiktiahatiʼieránion tsi nokwáh ne kentéhsera ó꞉ni naskanéktsheras; ne wahatiʼiéna ne karewathátshera ne iotekaʼonwe ne kí꞉ken ne kwáh onkweʼtakwé꞉kon tsi iakonronkaténnis.