2 Sawátis 1:4 - Ohiatonhseratokénti

⁴ Tsi nahkaʼtsennónni tsi wakheiatatʼtsénri otià꞉ke ne ieʼtsiienokónha tkariwaié꞉rike non nionnonnhétie, kwáh tsi nishonkwariwanontón꞉nis ne Kaʼní꞉sera.

2 Sawátis 1:4 ပူးပေါင်းရင်းမြစ်များ

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Malachi 2:6

Norihwí꞉io karihonnienníhtshera rahshà꞉kon wá꞉tahkwe, tánon iáh oh thé꞉nen naterienʼtawenriéhtshera tekatshénrion ne rariʼtsà꞉ke. Skátne tsi waʼtiatiatekháhahkwe ne ne skén꞉non í꞉ken tánon ne tkarihwaié꞉ri, tánon iakentiohkowá꞉nen tonsahshakokahrhaté꞉ni naiónhtkaʼwe ne karihwané꞉ren.

1 Corinthians 13:6

Kanoronkwátshera iáh né tewahtsienʼnonniá꞉tha ne kariwáksen, ók ne wahtsienʼnonniathákwa ne kariwahkwahrishióntshera.

Galatians 2:14

Sakatʼkátho tsi iáh tehathísereʼne ne iotʼthahakwarísion ne oriwiʼiohhónwe ne kariwí꞉ios, waiʼhiénhase ne Tiér rahothihénton ne thonʼnethákwens, “Sasitaerónon tsi sanakeráton, shatiakwarísion ne Sitaeró꞉non rahotiʼianerénseras nók kíʼ thóh ní꞉ioht tsi sónnhe tsi ní꞉ioht ne iáh tehatisitaerónnon, onhkáti niʼiohtséren tsi satheniéntʼtha nasehiónʼnien kí꞉ken iáh tehatisitaerónons nahontewénnaraʼkwe ne Sitaeró꞉nons rahotiʼianerénsera neh níse satewentéton?”

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Ephesians 5:8

Í꞉se ó꞉ni tionháke tethisewakáraskwe, nók tsi náhe Roiá꞉ner rahonkwétha sewatónʼon, kaswatʼthetserákon nónwe nísewes. Kwáh káti sewateriwaiénʼni thóh nahitionʼnoténhake nahisewéneste tsi tesewaswatʼthéʼon,

Philippians 4:10

Ne Roiá꞉ner wahakónʼnien nekwatóken ahonkenrienthíʼione tsi sékon énskat ionsakáiente saskwehiárane. Nekiʼnèkwa aiohtokénhen, kwáseʼ tiókonte tsi thakwanontónʼnions, nók iáh kihtesewatesenʼnaiénthakwe naisewéneste.

1 Sawátis 2:6

tóhka entewénron thónon nihionkwataténron tsi teionkwateriwasóntere ne Rawenni꞉io, ne kíʼ teiontonʼontióhon thoʼní꞉ioht tsi aihtiónnheke tsi ní꞉ioht tsi rónnhekwe ne Ié꞉sos Kerístos.