2 Samuel 8:4 - Ohiatonhseratokénti

⁴ Ne Táwit washakoienenháton énska tewenhniawehetsheráhsen tánon tsá꞉ta tehonhnienhniáwe nihá꞉ti ne rotisátens, tánon tewáhsen tehonhnienhniawehetsheráhsen niháti ne thakésons tsi ronterí꞉ios. Ne Táwit waharehniá꞉nion ne raotiʼtsinonhiátons ne ratiʼtsirahokwáhkes ratiʼkwékon ne kosátens ronwatiʼiatanihiónt꞉tha notsiónkwas, ók washakáwenhre iatekaiéri tsi nihá꞉ti nénska tewenhniáwe nikaseréhtakes notsiónkwas.

2 Samuel 8:4 ပူးပေါင်းရင်းမြစ်များ

Genesis 49:6

Aiá꞉wens tóhsa nonwén꞉ton akheiatiaʼtáhrhahse; Iáh ó꞉ni thakheiatiaʼtáhrhahse ne tsi rontkennisaʼáhtha— Aseʼkénh raotinaʼkwahtsherá꞉kon tsi shakonaʼwénthohs nonkwehshón꞉ʼa, tánon atswaʼtahtsherá꞉kon tsi tenhatitsinonhiáhtiaʼke nohná꞉ken ratihsinà꞉keʼs ne tehotiná꞉kareʼs tiohnhónskwaronʼs ratí꞉tsiʼn ne nahatiiaʼtakénheie.

1 Kings 10:26

Ne Solomon wahanitsiokónhni né kaiéri-iawénhre tewenhniáwe nikaseréthakes notsónhkwahs tánon tekeniʼiawénhre-tewenhniawehetserásen niháti ne rotisháthens nónenh enhonterí꞉io. Kwáh thóh tsi niháti Jerusalem nónhwe nashakóteron tánon ne ronátsakes tsik né nonhwéson ne tsi kanatowánens washakóteron.

1 Chronicles 18:4

Né Táwit énska tewenniawehretsheráhsen nikaseréthakes wahaiéna ne rahotíseres otsónkwahs, tsáta tewenniawehetserásen nihá꞉ti ne rotisátens tsi ronhterí꞉ios, tánon tewá꞉senh tewenniawehetsherásen nihá꞉ti ne takhéson niehonnétha tsi ronhterí꞉ios. Iatekaiéri tsi nihá꞉ti ne koshá꞉tens washakotiénawasʼte né enskatewenhniá꞉we nikasheráthakes otsónkwahs ahonwatiʼiatanihiónhten tánon onerhóʼkwah washakahónhni ne ronátiakes.

Psalms 20:7

Ótiakes ne teiakothaterenhsaronkwáhton ne otsiónkwas, tánon ótiakes koshá꞉tens nenhné꞉e teiakothaterenhsaronkwáhton, ók nonkwanaieséhra né꞉ne raosénhnakon ne Roiá꞉ner onhkwahNí꞉io.

Deuteronomy 17:16

Ne ronhnonhtí꞉io iáh tehiówenk ne wé꞉so ahonaskwaiéntake ne koshátens ne raotióhkwakon ne ronhterí꞉ios, tánon iáh tehohianerenhserá꞉ien ne Egypt nón꞉we iashakoténiehte nonhkweshón꞉a nahatinaskwaʼninónhra ne koshátens, tiorí꞉wa ne Roiá꞉ner tsi ráwen iáh nonhwénton nonhkweshón꞉as thóh tiahonsahón꞉ne.

Joshua 11:6

Ne Roiá꞉ner wahawénhase ne Joshua, “Kwáh tó꞉sa sehtshà꞉nik. Thóh ki nenkaháwike nenhiórenhne kwáh ratikwé꞉kon enkhenonhwarià꞉konhke né꞉ne Israerʼró꞉nons rahotirihwà꞉ke. Ensehsinakaré꞉waʼte ne rahotitshenenhó꞉kons koshá꞉tens tánon satsáhat ne rahotíseres notsónhkwas.”

Joshua 11:9

Ne Joshua thóh nashakoié꞉raʼse tsi ki nihotró꞉ri ne Roiá꞉ner: washakokarewathánion ne raotitshenenhó꞉kons koshá꞉tens tánon wahontsáhathe ne rahotisereʼshón꞉as otsónhkwas.