2 Samuel 8:10 - Ohiatonhseratokénti

¹⁰ Ne Toi iahó꞉tori ne roién꞉ha Joram tsi thénteron ne Ronnontí꞉io Táwit, ne ne tahonónweron tánon tahorénhsaron tsioríhwa tsi ronaterí꞉io ne Hadadezer tánon rosénh꞉nion. Nón꞉wa ne Hadadezer iotkáte ronaterí꞉iokwe ne Toi. Joram tahohawíten niaʼtekonshón꞉ahs kawistará꞉kens, owistanó꞉rons, tánon ne athésa niwashokóten karístatsis;

2 Samuel 8:10 ပူးပေါင်းရင်းမြစ်များ

Genesis 43:27

Wahshakoriʼwanontonnión꞉hahse tsi ni꞉íoht tsi ronnónhnhe, tánon wahén꞉ron, “Ne tsi sewaʼníha rotaʼkarí꞉teʼ kenh, ne ne rokstén꞉ha tsi sewahtharáhkwen? Shé꞉ken nirónhnhe?”

2 Samuel 8:11

ne kí꞉ken ó꞉ni ne Ronnontí꞉io wahatonhnahérase raohénton ne Roiá꞉ner, tsi ne aónstonke nó꞉nen enonterénhnaien, skát꞉ne ne kawistaráken ó꞉ni nowistanó꞉ron ne sakhokwenháton ne thiononhontsaténions ne sakosén꞉nion.

2 Samuel 8:9

Nó꞉nenh ne Ronnontí꞉io ne Toi ne ne Hamathró꞉non waharihwáhronhke nètho Táwit tsi sakosénhnion ieshakosaháton ne Hadadezer raotsió꞉kwa ronterí꞉io,

1 Kings 1:47

Sénha kíʼ íshiʼnon tsi nahá꞉wenhne, ne teiehiathorethákwa ronaterihóntons iahónhne ne tahonwanonhweráton ne Ronhnonhtí꞉io Táwit tánon wahonhníron, ‘Aiáwens kíʼ ne Saní꞉io nahahiónhnien ne Solomon sénha ahasenhnowanénhke tsi ní꞉se niʼiohthónhne, tánon aiáwens ne Solomon tsi rononhtí꞉io íken sénha kíʼ ahokwahtsʼtónhake tsi niʼiohthónhne ní꞉se.’ Ethòne ki ne Ronhnonhtí꞉io Táwit watatʼtsákeʼte wahaterénhnaien rahonákʼthaʼke

1 Chronicles 18:10

Ká꞉ti roiénha Joram iahothénieʼte ne tahiatát꞉ken ne Ronnontí꞉io Táwit tánon ne tahorénhsharon tsi nihosénhnion ne Hadadezer, né꞉ne rahónha ne Toi wéso ioríhwake ronateriʼióhʼon. Né Joram iaʼohawíten ne Táwit nahá꞉wen nowistanóron nahó꞉ten ionhniáton, tánon ne kawistaráhken, ó꞉ni ne otsínekwar nikaristó꞉ten.

2 Chronicles 32:23

Iakotsiokowánen Jerusalem nón꞉we nonhtaiénhson, tahonwahawítaʼse nahonhwawí꞉hons ne Roiá꞉ner tánon ó꞉ni nahonwahwí꞉hon ne Hezekiah, né ká꞉ti né thóh iahontáshawenh akahontsakwéʼkons ahonwakwéniensʼte ne Hezekiah.

Psalms 129:8

Iáh ónhka né nónhwe nihiontohéstha ne kwáh aiaiéron, “Aiáwenhs ne Roiá꞉ner ahiaiatatérisʼthe! Wakwahiatatéristhe thóh raosénhnakon ne Roiá꞉ner.”

Isaiah 39:1

Ehʼsikahá꞉wikwe Ronnontí꞉io Merodach-baladan ne roiénha ne Baladan ne Babylonró꞉non iaʼsakotó꞉ri ne ratiʼrihwakarénies iahatihiaʼtonhserénhaʼwe tánon athatawítshera iahonwahawitáse ne Hezekiah, asèken rorihwarónhken tsi rononwaktaníhaʼkwe tánon shotʼkwahtákwen.

1 Samuel 13:10

Kwáh tsi niʼiostó꞉re wahá꞉sa tsi rotenatskwatsaʼáhtón꞉ne, Ne Samuel wàrawe; tánon ne Saul thóh niahá꞉re iatoterá꞉te tánon wathonónweron.