2 Samuel 7:7 - Ohiatonhseratokénti

⁷ Tsi nonwéʼsons nahtewakatahwénhrie tsi ratiterón꞉tons ratikwé꞉kon nonkweʼó꞉kons NʼIsreronónke, nonwénhton kén nahonkewenhninekénʼen raotihén꞉ton ne sakotihenténhses ne ón꞉kak tsi nihotitsiókwas ne Israerʼronónke, tsi ronónha khená꞉on ne nasakonahtenhnikonrá꞉ren nakonkweʼtashón꞉ahs NÍsraerʼronónke, nahón꞉ken, “Ónh nontiéren tsi iáh ní꞉se teskwanonshonniénhni ne onenhthaʼkwenhtétshera nahó꞉ten akénhake?”

2 Samuel 7:7 ပူးပေါင်းရင်းမြစ်များ

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

1 Chronicles 11:2

Tsi nitsawé꞉non, shé꞉kon ne Saul rahón꞉ʼa nonkwahnontí꞉ioʼkwe kènʼne, waʼsehén꞉tenhse nonkweʼshón꞉as Nisraeró꞉nonke nateriʼioseráke, tánon ne Roiá꞉ner Saní꞉io waʼiarahrátsten tsi í꞉se ensheʼiaʼsárihne ne rahonkwetaʼshón꞉as ó꞉ni ensehiatkóratste.”

1 Chronicles 17:6

Norihwakwé꞉kon tsi naʼtewaʼkatawén꞉rie skát꞉ke nónkweʼshón꞉as Nisraeʼró꞉nons iáh nonweton tekherihwaʼnontón꞉ni ne sakotiʼhéntense né kheiataʼráhkwen onhʼnontiéren tsi iáh tehionkenonsonhniénhni nononsatokentiʼkówa né onenhtaʼkwénhte akanonsonhniátonke.’

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Isaiah 66:1

Né aoríwa rá꞉ton ne Roiá꞉ner: Né tsi Karonhiáte né nakanitskwáhra í꞉ken tánon né tsi ionwenhtsáte né꞉ne tsi tekarashiʼtarákwah í꞉ken; nakanonshó꞉ten ní꞉se askenonsón꞉nien, tánon nakanatʼtóten tsi nón꞉we nakatorisenhtá꞉kwahke?

Jeremiah 23:4

Enkheʼhiatarahkwenʼháton ne ratikóras nashaʼkonatennikonhráren. Naʼkonkwetashón꞉a iáh ónenh tahonshaʼhotiterónsehke iáh ó꞉ni tahontahonátonnhe, tánon iáh shé꞉kon tahonsatkheréwahʼte. Tánon iáh ne shahiáta tahotiathaʼtónhake. Í꞉i, ne Watiá꞉ner, wakatáti.”

Jeremiah 3:15

Né entionkwethawíhon ne rahthikoráhsons ne ionkehwenhnahráhkwa, ó꞉ni kwáh enientʼtsihianerensehrónnien ne ne atenikonhratʼthokhatsherákon ó꞉ni kanikonhrahienthaʼtsherákon.

Ezekiel 34:15

Í꞉i iatetiáti enkhehiatenhnikonhráhren nakhitshenenhókonhs teiotinahkaronhtónha, tánon enkhenatʼthatshénriahse tsi nónhwe nakonhthó꞉rihsen. Í꞉i, ne Wakenonhtí꞉io Watiá꞉ner, wakatáti.

Ezekiel 34:2

“Rónhkwe iaiénha,” wahénron, “Sehrihontháko ne ratikoráhsonhs ne Israel. Iasehriwáhkens, sehró꞉ri tsi nahó꞉ten ne í꞉ih, ne Wakenonhtí꞉io Watiá꞉ner, kheró꞉ris: Ensehwatʼréwahthe, í꞉se ne katʼtshénen iettsinikónhrahre ne Israel! Sehwahthatenikonhráhrak, ók tó꞉sa kíʼ nonhwénton ietʼtsiʼiatstérists ne teiotinahkaronhtónha.

Ezekiel 34:23

Kwáh enkhenonhtiʼiotséron tsi ní꞉ioht nakenhátshera Táwit né káti ne énskat khók ahiotiʼiéntake ne ranónnhe, tánon kwáh rahónʼa ensakotenhnikonhráhren.

Micah 5:4

Tánon kwáh thóh tenhá꞉tane ensakonón꞉te thóh raoshatstenhserá꞉kon ne Roiá꞉ner, ó꞉ni rasoiatanerakwahtserá꞉kon ne Roiá꞉ner Raoní꞉io. Tánon enhiorihwí꞉ioke tsi enhonhnón꞉nheke, asè꞉ken nón꞉wa kwáh í꞉ken tsi enhasennowá꞉nenke né꞉ne kwáh tsi iehiotonhontioʼtaní꞉hon nió꞉re ienkanihá꞉rane;

Matthew 2:6

Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 21:28

“Sewahsitaeronons!” wathoʼthihénreʼte. “Takwaienáwas! Neh kí꞉ken ne rónkwe kwáh tsikʼnonwésons nierètha kwáh tsi niatehionkwétakes tsi sakorihonniénʼnis nahonwathíson ne Israerʼró꞉nons, ó꞉ni ne Mahís raoianerénsera, tánon kí꞉ken Ononsatokénti. Tánon ónen nónwa kwáh tasakohiathínionte ne iáh tehatiʼsitaeʼró꞉nons ne kén꞉en Ononsatokentíke ó꞉ni ahakarónni neh kén꞉en watenátaien!” (

Deuteronomy 23:14

Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

1 Tiér 5:1

Í꞉i ne katretiárons, kheretiárons ne ononsatokentíke ratiretiárons ne skátke sewakwékon. Kwáh Í꞉i wakatkáton tsi nihoronhiakén꞉en ne Kerístos, tánon enkatsʼniénon ne thóh kaiatanerakwátsera nenkarihotáshionke. Í꞉se kwaretiárons