2 Samuel 7:24 - Ohiatonhseratokénti

²⁴ Tánon ní꞉se seriwasehronniénhni ne shonkwetashón꞉ahs Israerʼró꞉nons ne iateshiá꞉ti ne shonkwetashón꞉ʼahs akénhake; tánon í꞉se, Ó Saiá꞉ner, washá꞉ton ne raotí꞉ni꞉io akénhake.

2 Samuel 7:24 ပူးပေါင်းရင်းမြစ်များ

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

2 Samuel 7:23

Ónka nahonsahonwatiʼiéren ne shonkwetashónʼahs, tsi ní꞉ioht Israerʼronónke? Ónka kén nakóren akénhake nón꞉kwe ne tsi ionwenhtsá꞉te tsi niká꞉ien ne Ní꞉io sakohiatanónsthaton ne raonkwetashón꞉ha ahónton, tánon ní꞉se atsenhná꞉tatse, ioriowáhnen tsi nishé꞉ra ó꞉ni ioriwanerakwahténions ne raotirihwáhke, ne tsi shaseiatínekenwe raotihénton ne shonkwetaʼshón꞉ʼahs,

2 Samuel 7:25

Tánon ó꞉nenh Saiá꞉ner Ní꞉io, ne nowénhna ne thishatahtíhon nakerihawáhke ó꞉ni natwáhtsireh, serihwanírat ne ne tsi nènhwe akénhake; thóh ná꞉tier tsi kíʼ nisararátston.

1 Chronicles 17:22

Nisraeʼró꞉nons í꞉se sonhkwetaʼshón꞉as washeʼiónhni ne tsi nén꞉we enkénhake, tánon í꞉se, Saiá꞉ner, né Raotiní꞉io wasáton.

Psalms 48:14

Nètho né꞉ne Rawenni꞉io í꞉ken, né nonhkwaNí꞉io í꞉ken tsi nienhénwe tánon tsi nénhwe enkénhake. Rahónha enshonkwaʼsárihne né꞉ne tsi nénhwe enkénhake.

Exodus 15:2

Roiá꞉ner seh nʼakeshatsʼténsera ó꞉ni nʼakerénhna, tánon rahónʼa nʼatsiaʼthakenáhtshera; né kí꞉ken nakeʼNí꞉io, tánon kwáh tenhinonhweráhton, rakeníha raoʼNí꞉io, tánon kwáh enhiʼsenhnakaráhtaʼte.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Jeremiah 31:1

Ne Roiá꞉ner ráton, “Táweh ne tsi kawistáheks nónenh Í꞉i kheʼNí꞉io enkénhake ratiʼkwékon tsi nihotitharáhkes ne Israerʼró꞉nonhke, tánon rohnónha nakonhkweshón꞉a enkénhake.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 32:38

Ethóhʼne Í꞉i akonhkwetaʼshón꞉a enhónton, tánon Í꞉i ne raotiʼNí꞉io enkénhake.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

John 1:12

Nok tsiniiakon tehonȣarhoton, sakoȣi ne Niio sakoienhokonha aionton. Nehne tsiniiakon tiakaȣetakon ne raosennakon.

Deuteronomy 26:18

Ón꞉wa wenhniserá꞉te ne Roiá꞉ner watsisewaié꞉na tsi kwáh raónha rahonkweʼtashón꞉as í꞉ken, kwáh ki tsi nitsisewarahratstén꞉ni; tánon tsi sewahró꞉ris akwé꞉kon sewatewénhnarak ne raohianerénhseras.

Deuteronomy 27:9

Ethò꞉ne ne Mahís, skátke ne Levitical rotikhá꞉res, washakawénhase onkweʼtakwé꞉kon ne Israerʼró꞉nonhke, “Thaʼtesewató꞉tat, tsónhkwe ne Israerʼró꞉nonhke, tánon takwahtahónsatat. Ón꞉wa wenhniserá꞉te ne Roiá꞉ner sewaNí꞉io rahonkweʼtashón꞉a wesewá꞉ton;

Deuteronomy 32:6

Thóh ken ki ní꞉ioht tsi natsisewatié꞉raʼse ne Roiá꞉ner, tisewathonhnókthe, iáh tesewatotkhatsherá꞉ien? Raónha tsisewaní꞉ha í꞉ken, tsi sewahiatí꞉son, raónha tsi sewenhtiokonhnién꞉ni.

1 Tiér 2:10

Ieióhene iáh níse Rawenni꞉io rahonkwéta tekènne, nók ónen kíʼ rahónha rahonkwéta sewatónʼon; ieióhene iáh tesewateriéntarakwe ne Rawení꞉io raotaniténrat.