2 Samuel 7:18 - Ohiatonhseratokénti

¹⁸ Ehʼthóhʼne ne Ronnontí꞉io Táwit iahatáweiaʼte tánon thóh wahanitskwáren raohénton ne Roiá꞉ner, tánon wahén꞉ron, “Ón꞉ka ní꞉i, Ó Saiá꞉ner, natwátsire, nètho ní꞉se tastsiaʼténhawe ne kén niió꞉re?

2 Samuel 7:18 ပူးပေါင်းရင်းမြစ်များ

Genesis 32:10

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Genesis 32:11

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.

2 Samuel 23:5

Ne kí꞉ken ne kwáh í꞉ken, tsi thóh ní꞉iot ne Ní꞉io tsi sakohiatateríston natwátsire, Asèken rakonhnienhni ne tsi nénhwen enkénhake ateriwaseronhniá꞉tshera, roriwasherónhni nètho tsi kwáh iáh thatahonsakahiákhon. Kwáh kén iáh ne taharikwakanónhni nakaiáneraste akwé꞉kon natsenawasetsheras ó꞉ni nakahkanéktshera.

2 Samuel 7:17

Thóh entsioianénhawe skát꞉ne akwé꞉kon kí꞉ken owenhnasón꞉ahs ó꞉ni skát꞉ne akwé꞉kon kí꞉ken tsi nonterihotaʼshión꞉ko, ne Nathan wahoró꞉ri ne Táwit.

1 Chronicles 17:16

Ethóhʼne ne Ronnontí꞉io Táwit Athohseráhkon iahatáweiaʼte tsi thén꞉teron ne Roiá꞉ner, wahá꞉tien, tánon wahaterén꞉naien, “Iáh thaʼtewakathéntion tsi nahoténsons ó꞉nen tsi niskatiérahse, Saiá꞉ner Sewenní꞉io, né sá꞉ka nakwátsire.

1 Chronicles 29:14

“Ethohʼsáne nakonkweʼtaʼshón꞉as tánon ní꞉i iáh seh taiakwahkwéni ne thènen ahonthakwáhion, tsioríhwa né thènen atathawatsira í꞉ken í꞉sehke kíʼ nitewé꞉tha, tánon nék khók kíʼ ietsakwahkátʼwáhs ní꞉se shiʼsawenhkónhwe.

Psalms 8:4

Nahóten ne nonkwesónha, O Ní꞉io, né꞉ne ashehianonthónnionwe; kwáh nék khók tsi ónkwe íken, nontseren níse ahshehiatennikonráren?

Exodus 3:11

Ók kí ne Mahís wahawénhase ne Rawenni꞉io, “Iáh ní꞉i onhkakʼkó꞉wa tèken. Ónh ní꞉ioht tsi akʼkwéni ne Ronhnonhtí꞉ioʼke niáke tánon ne tahonthakhehiaʼtínekenʼwe ne lsraeró꞉nons ne Egypt nónhwe?”

Isaiah 37:14

Né Hezekiah wahaiéna né kahiatónhsera tsi nontahát꞉kaʼwe ratsanáke ne rariwakarénies tánon wahawenhnaʼnhó꞉ten; eʼthó꞉ne ne Hezekiah iahá꞉re raononsatokentiʼkó꞉wane ne Roiá꞉ner tánon wathaʼtakwáhrite raohénton ne Roiá꞉ner.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Judges 6:15

Ne Gideon watharihwasehráko, “Ók Saiá꞉ner, onh ní꞉ioht tsi ahonsakheʼniákente Israerʼró꞉nons? Tsi niwakitaró꞉ten né ahonháʼa iáh tethatishástste tsi hionhkwenhtsókwahien ne Manasseh, tánon í꞉i tsiahonháʼa ken nitetsenhnáha natwatsirákon.”

Ruth 2:10

Ruth onhwentsà꞉ke niió꞉re waʼtiontsà꞉kete iahonwatárhahse ne Boaz, “Oh niiotié꞉ren tsi teskwaʼnikónhrhare tánon oh niiotié꞉ren tsi enteskeriʼwaierítshe nonhwentsakaionʼró꞉non?”

1 Samuel 15:17

Samuel wahén꞉ron, “Thohʼsáne kénk ní꞉sa tsi nateskánereh, kwáh kén í꞉se ohén꞉ton iésheʼte ne raotiʼtsiokwáhkon ne Israeronónhke? Ne ne Roiá꞉ner í꞉se iahiatarákwen nahisanontí꞉ioke Israeronónke.

1 Samuel 18:18

Ne Táwit wahawénhase ne Saul, “Ónhka ónhte ní꞉i tánon ónhka nakwátsireh í꞉ken, ne rakení꞉ha raowátsireh Israerʼronónke ne eh thatíteron, nètho ní꞉i ronontí꞉io rakwenón꞉sa aká꞉ton?”

1 Samuel 9:21

Ne Saul tsi wathariwaserá꞉ko, “Ní꞉i kwáh nek khók tsi Benjaminró꞉non na tiathó꞉ten, ne ne kwáh ken nithotitiokwá꞉ʼa NÍsraerʼronónke, tánon natwátsire ne ne kwáh ehʼtàke rontatónhnis akweʼtsiniʼkawatsirákes ne tsi rotiʼtiókwaiens ne Benjaminró꞉nons. Ón꞉kati nihioʼtiéren tsi èhʼthoh ní꞉iot tsi waʼsekthárhaʼse?”