2 Samuel 7:16 - Ohiatonhseratokénti

¹⁶ Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

2 Samuel 7:16 ပူးပေါင်းရင်းမြစ်များ

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

2 Samuel 22:51

Rahónha noniká꞉ta í꞉ken ne kaiatakenhátshera raoriwá꞉ke ne raononhtí꞉io, tánon rawenéston ne ioriwató꞉ten kaʼnonronkwáhtshera rahonhá꞉ke ne rohiatará꞉kwen, rahonhá꞉ke ne Táwit ó꞉ni tsi nienhatwatsiríne ne tsi nénhwe enkénhake.

2 Samuel 7:13

Kwáh raón꞉ha enhakenonsónhnien nononsatokentiʼkówa, tánon kwáh oriwí꞉io enkónhni ne raonakerá꞉sera tsi nènhwe enkathá꞉tse.

2 Samuel 7:17

Thóh entsioianénhawe skát꞉ne akwé꞉kon kí꞉ken owenhnasón꞉ahs ó꞉ni skát꞉ne akwé꞉kon kí꞉ken tsi nonterihotaʼshión꞉ko, ne Nathan wahoró꞉ri ne Táwit.

1 Kings 2:4

Tó꞉ka entsewénhnaraʼkwe, ne Roiá꞉ner enhatsénawasʼthe narahrátseras né rósons nó꞉nen sahatró꞉ri swatsiratátie enhonhtkórasʼthe Nisraerʼró꞉nonhke kwáh tsi nikaríhwes enhonthenhnikonhráren nahontewénhnaraʼkwe ne rahorihwatátʼtseras enhotirihwatoʼkénhake kwáh ronerhiasakwékon ó꞉ni rahonahthonnhetseraʼkwékon.

1 Kings 9:5

Kwáh ki thóh nénhtiere tsi nihiʼiararatsthénhni ne ianikénʼen nó꞉nen sahí꞉rori nètho Israerronónhke tsi tiókonhte né enhonatkorastónhake tsi nienhatwatsírihne.

2 Kings 19:34

Kwáh enkaterí꞉ioʼse kí꞉ken kanatowanénke tánon entké꞉ne, né꞉ne ahoriwáke ne iaʼtetiáti akerenhsaronhtiéra tánon né tsoríhwa tsi niʼihiararatsʼténhni nakenhátsera Táwit.’”

2 Kings 8:19

ók kíʼ ne Roiá꞉ner iáh thóh tehonikonroténʼne naharihwátonhte ne Judah, tsioríhwa tsi rorarasténhni ne rahonhátsera Táwit tsi nienhatwatsírihne tsi tiotʼkonhónwe enhatikórake.

2 Chronicles 6:16

Ó꞉nenh kíʼ Saiá꞉ner Sení꞉io Nisraeʼró꞉nons, satienawakónhak nóia tsi nitsiarahratsʼténhni ne rakeníha nó꞉nen shastsró꞉ri tsi saiáta tsi niensatwatsiríhne tsi tiókonhte enhononhtí꞉ioke Nisraeʼró꞉nonke, ká꞉nion kíʼ thóh nenhotirihwatokénhaken tsi enhontewenhnaráhkwahke ne saianerénhsera tsi kíʼ né niʼiohtónhne ne rahónha.

Job Tánon ne Raoronhiakensera 36:7

Iáh ákte nón꞉we tiehatkátos tsi nón꞉we nihón꞉nes ne iakoiánere, sakoriwá꞉wis nahontkóraste tsi ní꞉ioht ne rontinontí꞉ios sakokskó꞉te tsi nén꞉we enkénhake, tánon wahotishenhnowá꞉nen.

Psalms 45:6

Ne Sanakeráhsera, O Ní꞉io, enkátake tsi nénweh! Né sáhnia né wenéstha tsi ioiánere tsi ní꞉ioht tsi sehiatkorástha ne shonkwetaʼshónhas;

Psalms 72:5

Waʼkaterénhnaien nonkweshón꞉has aiesahsenhnaiénseke kwáh tsi nikaríwes nenhtsekhenékha entkarahkwinekénhseke, tsi nikaríhwes nasonttenhnékha kará꞉kwah entkarahkwinekénsehke, tewaterehseranethárion nió꞉re.

Psalms 89:4

‘Iáh nék khók takónhniate ne tsi nienhsatwatsiríhne ne tiókonhte ronónha ahoʼtinontí꞉ioke, kwáh kíʼ enkhehiónhnien nahontkóraste né꞉ne tsi nénhwe enkénhake né nó꞉nen níse ensenhéionke.’” Selah

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Jeremiah 17:25

Ethóhʼne ne ronwahthinonhtí꞉ios ó꞉ni ne ieʼsehshakotiʼienhokónha entʼthontáwehiaʼthe tsi iotenhenrahkáronthe ne Jerusalem tánon kwáh ne sáhka tsi enhotiʼiénthake ne kanonhtiʼióstshera ahoshastsʼténsera tsi kíʼ niʼhiothónʼne ne Táwit roiénthaʼkwe. Skátke nonhkweshón꞉a ne Judah ó꞉ni ne Jerusalemró꞉nons, otsiónkwas enhothihonwisehréhson tánon kosáhtens enhothishátensehke, tánon ne tsi kanatowánen ne Jerusalem kwáh tiókonhte tsi enhionkwenéhake.

Jeremiah 33:17

Í꞉i, ne Watiá꞉ner, wahkaráhratsʼthe tsi kwáh tiókonhte tsi ne ne Táwit rahwahtsirahtátie enhatenonhtiʼióstheʼke ne Israeronónhke

Ezekiel 37:25

Kwáh thóh nónhwe nenhatinákerehke ne tsi ionhwenhtsáien ne thihiáwi nakeʼnhátshera Jacob, ne tsi ionhwenhtsáien ne sakotisotthonkonhkénʼen ratináhkerekwe. Kwáh et nónhwe nenhathiterónhtake né꞉ne tsi nénhwe, tánon káti ó꞉ni ne sakotiʼienokónha ó꞉ni tsi ienhontwatsírine. Ronhnontí꞉io tsi ní꞉ioht nakenhátshera Táwit né enshakotʼkórasthe tsi nénhwe.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Matthew 16:18

Nok ȣakonrori oni: ise ne Tier, nok etho oststenrake enkenonsonni nakenonsatokenti; iah oni nonȣenton tiiakonȣasenni nonatkonseraksen.

John 12:34

Tontahonniron nonkȣeokon: Onkȣaiatonsera ionkȣarori tsi henronnheke onȣe ne Keristos: oh kati nekenh niiotieren tsi saton enshatharatate nʼOnkȣe Roienha? Onka kati nekenh nonkȣe Roienha?

Hebrews 1:8

Tsi nòkwa ne Roiénha, tsi naʼiotónhake, Rawenni꞉io wahénron: “Ne Sanakeráhsera, O Ní꞉io, enkátake tsi nénweh! Né sáhnia né wenéstha tsi ioiánere tsi ní꞉ioht tsi sehiatkorástha ne shonkweʼtashónhas.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

1 Samuel 25:28

Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.