2 Samuel 6:5 - Ohiatonhseratokénti

⁵ Táwit tánon ratikwé꞉kon NʼIsraeró꞉nons teotinonniakwenhátsie ó꞉ni teotirihwakwenhátsie raohén꞉ton ne Roiá꞉ner kwáh tsi nihotishaststénhsera, ratiʼrenhnotáhtsie ó꞉ni rotinakwahehátsie ó꞉ni ronaterenhnotátsie ne onowakówah ó꞉ni ne kén nikanakwáhas ó꞉ni ne ionterakarehrasthákwah ó꞉ni ne teiotwasakweʼnón꞉ni.

2 Samuel 6:5 ပူးပေါင်းရင်းမြစ်များ

2 Kings 3:15

Ónenh káti tatʼtsiathénhaf ne ratherenhnót꞉tha né í꞉hne.” Kíʼ tsi nihotherenhnó꞉thaʼkwe ne raterenhnót꞉tha ne raoʼnowaʼkó꞉wa karensotarahrónnion, ne rahoshaststénsera ne Roiá꞉ner wahohiatórenhne ne Elisha,

1 Chronicles 13:8

tsi ná꞉he ne Táwit tánon nonkweʼshón꞉as tsi nihotishastsʼténsera tehotinonhniákwen né nahonwakwéʼniensʼte ne Rawenni꞉io. Waʼthatirihwakwáhnion ó꞉ni waʼhonterenhnothónhnions ne ionterenhnotaʼkwahsónhas—onowakówas, ienakwahethákwahs, tehiotwasakwenónhni, tánon ne iehonrahwáts꞉tha.

1 Chronicles 15:28

Ká꞉ti ratikwé꞉kon Nisraeʼró꞉nons wakonwaʼtsatóntʼthaʼse tsi niahatíhaʼwe Naterihwaseronniátshera Oneró꞉kwah ne tsi niahónhne ne Jerusalem tehotihenréthaʼne tsi nihonatʼtsenhnínon, kawenhnotáʼtse ne kahonrahwatsʼkówa ó꞉ni ne iehonrahwáts꞉tha, tánon ne tehiotwashakweʼnónhnis, tánon tsi niʼkarenhnotátse nonowaʼkówa.

2 Chronicles 20:28

Shiaʼhónhnewe ne kanatowanénhke, Ononsatokentiʼkówaʼne niahónhne karenhnothátse ne onowakówas tánon ne iehonhrawatsthákwas.

Psalms 47:5

Né Rawenni꞉io ionsahattharáthate raonitskwárane ionhsahá꞉tien. Tehiakohenrétha tsi nihiakoktsienhnónhni, tánon ne ronhterenhnót꞉tha rotihonrawáʼton tsi nonhsahattharáthate ne Roiá꞉ner.

Daniel 3:10

Sanontí꞉io sarihowanáhton kwáh tsi niiohstó꞉re enthontáhsawen nahonterennò꞉ten, kwáh onkweʼtakwé꞉kon taiontshá꞉kete ó꞉ni akonwahsénnaien ne ohwistanó꞉ron kaiaʼtón꞉ni,

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Daniel 3:5

Ensewathón꞉teʼne tsi entkarennó꞉taʼne ne iehonrawátstha, ne entióhsere ne teiehoroʼtahrénhohs, karenhsohtáron oʼnowaʼkó꞉wa, tánon enhontià꞉taren ne oiáʼshon niiohtánion ne ionterennotahkhwaʼshón꞉ʼa. Kwáh tsi niiohstó꞉re. ne enthontáhsawen ne ahonterennó꞉ten, tensewatshá꞉kete tánon ensewahsénnaien ne ohwistanó꞉ron kaiatón꞉ni ne ronnontí꞉io Nebuchadnezzar roiatonnisehrakétskwen.

Daniel 3:7

Kwáh káti, tsi niiohstó꞉re wahonathón꞉teʼne ne ionterennotáhkhwa, kwáh tsi niaʼteienekwénhsake ne onkwehshón꞉ʼa, tsi niaʼteionhsóhkwake, ó꞉ni tsi niaʼteiewénnake, waʼthontshá꞉kete ne akonwahsénnaien ne ohwistanó꞉ron kaiaʼtón꞉ni tsi niká꞉ien ne Ronontí꞉io Nebuchadnezzar roiatonnisehrakétskwen.

Amos 5:23

Ahé꞉ren sewahá꞉wit nakonhá꞉ke tsi nihiowénhte ne sewarenhnashón꞉as; kwáh kí iáh thakatahónsathate tsi nikarén꞉note ne sewanowakó꞉was ne karenhsotáron.

Amos 6:5

Shonwéskwahni nahserennarasthánion nasaterenhnó꞉ten ne karenhsotáron onowakó꞉wa, kwáh kí tsi nihiotónhne ne Táwit teharihwákwahkwe tánon raterenhnotʼthakwe;

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.

1 Samuel 16:16

Áhnionh kiʼ ó꞉nenh nonkwahiá꞉ner sakó꞉nhan ne raoʼnhatsherashón꞉ʼahs tsi ronónha teiesarihwásnieʼse nahonnonhkwetísahke ón꞉kak ne rorenhnáhon ahaterenhnó꞉ten ne iehonrawátsta; tánon nó꞉nenh ne kanikonrahetkénsera ne toteniéton Ní꞉io enshatiénhase, ne rahón꞉ha kwáh kiʼ enhaterenhnóten, tánon ní꞉se kwáh kí enshonní꞉ione.”