2 Samuel 6:20 - Ohiatonhseratokénti

²⁰ Ne Táwit ionsáhreh ne tahonsahontátʼken ne raowá꞉tsireh. Ók ne Michal ne ne sakoién꞉ha ne Saul takaiá꞉kenʼne ne tahiatátken Táwit, tánon wakén꞉ron, “Kwáh ne ronnontí꞉io NÍsraerʼronónke wahatatʼtsenówanate nón꞉wa wennhniseráte, tsi wahathatenotstón꞉ni ahotihénton ne raonhatserashón꞉ʼahs konnón꞉kwe, tsi ní꞉ioht ne kwáh tsikhónkak ne teotenonwahroʼrítonhte rónkwe nontiérenk ahathatenhostónhni!”

2 Samuel 6:20 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

2 Samuel 6:14

Ne Táwit wathanónhniakwe raohén꞉ton ne Roiá꞉ner kwáh tsi nioshaststénhsera; ne Táwit neh teotsiakwaráhnen ne waniatarí꞉io ateniióntha.

2 Samuel 6:16

Ne raoneró꞉kwah ne raoteriwaseronniátshera ne Roiá꞉ner tsi ónh꞉we ne kanatowanénhken ne Táwit, Michal ne ne sakoién꞉ha ne Saul thontketóten tsi iononstonkwahkáronhte, tánon wahó꞉ken ne Táwit tehanitionkwahkwánions tánon teononniákwen rahohénton ne Roiá꞉ner; tánon nahón꞉ha wahokénron nawerhiá꞉ne.

2 Samuel 6:18

Nó꞉nenh ne Táwit sahá꞉sa tsi roteskón꞉tahkwe tánon tsi washakótatʼtse ne otsiokwahtokénti, washakoiathatériste nonkweʼókons thóh raosénhnakon ne Sakoiá꞉ner ne ratironhiakerónons,

2 Samuel 6:19

tánon wateshakorehniáten ne káhkhwa tsi ratinakeréhnion onkweʼtakwé꞉kon, ne ne kwáh kentsiokwakwékon NÍsraerʼronónke, thaʼtetsarónhkwen ronʼnón꞉kwe tánon ne konnón꞉kwe, satiʼiatátʼtions tasaká꞉wen énska teiotenatarakweʼnón꞉ni, kén nikawahrá꞉ha, tánon énska ne tkanén꞉hara watenátaronte. Ehʼthóhʼne ratikwé꞉kon nonkweʼókons tsi thotiʼnonshó꞉tons nionsaón꞉ne.

1 Chronicles 16:43

Ethó꞉ne ratiʼkwé꞉kon tsi thoʼtinonhshótons nionsahónhne, tánon ne Táwit tsi thóhʼnónhshoʼte nón꞉ne nionsáre né꞉ne skát꞉ke ahatikwekónhake ne rahowáʼtsire.

Job Tánon ne Raoronhiakensera 30:8

Ne ronwatiioʼokón꞉as ne thonatonhnókte; iáh teotishén꞉naien nón꞉kwes, ronwatiiaʼtinekén꞉en tsi ionwenhtsá꞉ien.

Psalms 101:2

Kwáh né enkatéweienste nát꞉sehre ne tkarihwaʼiéri tsi ní꞉ioht tsi akónnheke. Kátke entése nastiénawaʼse? Kwáh thóh karihwaʼkwahrishionhtsherákon nón꞉we nenhkathénhti nakenónskon;

Psalms 30:1

Kwáh enkonsenhnakaráthate, Ó Saiá꞉ner, asèken ʼI꞉se sestsiatákwen, tánon iáh tesherihwáwi ne hiónkshions nahiontsénhten.

Ecclesiastes 7:17

Ók tó꞉sa sóhtsi shonkwetahetkéntak tó꞉ka ó꞉ni kwáh íken tsi ahontesathonnókʼthake, kakʼnhikáien, onhnonhtiéren tsi ohénton ashí꞉heie nohénton niakáhewe?

St. Mark 14:66

Nok tsinikariȣes rotenhientakȣe ne Tier, skaiatat kannhatsera eh onȣe.

St. Mark 3:21

Siiahatiriȣaronke ne raoȣatsire ȣathotisterihen saonȣaiatisakha aseken iontonnionskȣe, tehanonȣaraȣenrie.

John 13:6

Kahre onen iaharaȣe tsi tenstskȣahere ne Simon Tier; tahenron neneh ne Tier: Saianer! enskasitohare kenh nekenhen?

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Judges 9:4

Tsáta niwáhsenh nikawístakes kawistarákens wahónhion thóh nitsawè꞉non né꞉ne raononhsatokentikówaʼne ne Baal-Ne꞉ne-Naterihwasehronhniátsera, tánon nètho ohwístha né washakónahne ne ratinikonhráthas ahonwatsátarase.

1 Samuel 14:49

Nón꞉wa ne raonekenterontsherashón꞉ʼahs ne Saul ne ne Jonathan, Ishvi, tánon Malchishua; tánon tsi niʼiotisenhnó꞉tens ne tekeniʼiáhse sakoiohʼokónhas neh kiʼ ne: tsi niʼiakosenhnóten ne tsiaʼkotsierénton iakawenhnakerá꞉ton ne ne Merab, tánon tsi niʼiakosenhnóten ne kén nitsiaʼkoiónha ne ne, Michal.

1 Samuel 18:20

Nón꞉wa ne Saul sakoién꞉ʼa Michal ronwanorón꞉kwa ne Táwit. Ne Saul wahonwaró꞉ri, tánon ne thóh nikarihóten tahonikonraiérite.