2 Samuel 5:7 - Ohiatonhseratokénti

⁷ Iáh kíʼ othénon teioriʼontákwen ne Táwit wahaiéna ne tekanatanát꞉ton ne Zion, nón꞉wa ne ne kanatowanénhke ne Táwit.

2 Samuel 5:7 ပူးပေါင်းရင်းမြစ်များ

2 Samuel 5:8

Táwit ráwenh nètho wenhniserátekwe, “Ónhka akén꞉hake ne thénen ahonwatiʼién꞉te ne Jebusites, tsi rontonréhtha nón꞉we nihonwatí꞉ient tsi iensakonatsiatónhti ne iontsinhokátha ó꞉ni ne teieronhwékon, ne ne tsi nihá꞉ti ne ronwásons Táwit.” Thóh nón꞉we niwáton, “Ne teieronwékon ó꞉ni ne iáh tèhiens kwáh kíʼ iáh tsaiontáweiaʼte ne Roiá꞉ner raonónskon.”

2 Samuel 5:9

Ne Táwit rotsienawáston ne tekanatanát꞉ton watenhén꞉raien, tánon ne wahasénhnon ne raonatowaʼnénhke ne Táwit. Ne Táwit wahanatonniánion akwé꞉kon naktón꞉tsies thóh tontásawen ne Millow kanaskwákon.

2 Samuel 6:10

Káti ne Táwit iáh tehothontáton niahóhake noneró꞉kwah ne raoteriwaseronniátshera ne Roiá꞉ner ne raón꞉ha ahatenhnikonrá꞉ren thóh tsi kanatowaʼʼnénhke ne Táwit; khèkhok ne Táwit thóh niahá꞉hawe tsi thohnónshoʼte ne Obed-edom ne ne Gitró꞉non.

2 Samuel 6:12

Tsi niwatró꞉ri ne Ronnontí꞉io Táwit, “Ne Roiá꞉ner tsi sakoiathaʼteríston tsi nihawatsíra ne Obed-edom tánon akwé꞉kon tsi nahó꞉ten ahoién꞉take ne raón꞉ha, ne iorión꞉nion ne raoneró꞉kwah nateriwaseronniátshera ne Ní꞉io.” Káti ne Táwit iahá꞉re tánon tahá꞉hawe ne raoneró꞉kwah ne raoteriwaʼseronniátshera ne Ní꞉io ne tsi thohnónshaʼte ne Obed-edom thóh niahá꞉hawe kanatowanénhke ne Táwit tsi nihotonhnáhereh;

2 Samuel 6:16

Ne raoneró꞉kwah ne raoteriwaseronniátshera ne Roiá꞉ner tsi ónh꞉we ne kanatowanénhken ne Táwit, Michal ne ne sakoién꞉ha ne Saul thontketóten tsi iononstonkwahkáronhte, tánon wahó꞉ken ne Táwit tehanitionkwahkwánions tánon teononniákwen rahohénton ne Roiá꞉ner; tánon nahón꞉ha wahokénron nawerhiá꞉ne.

1 Kings 2:10

Táwit warénheie tánon Táwit rahonáthakon nónhwe wahonwahiatháta.

1 Kings 3:1

Ne Solomon waʼthiaterihwáiesʼte ne ronhnonhtí꞉io ne Egypt ne tsi wahotíniake ne sakoiénha. Tashakohiathénhaʼwe ne thóh nónhwe ne Táwit rahonáthakon nónhwe naienákereke tsi nióre iahanonhshí꞉sa ne rahononhtiʼiótsera kanónh꞉sa, ó꞉ni Nononhsatokentiʼkówa, tánon wahathenhenróten tsi wathanatánaʼke ne Jerusalem.

1 Kings 8:1

Ethòne ónenh ne Ronhnonhtí꞉io Solomon iasakonónkʼkhon ratikwékon ne shakotihenthénhse ne tsi ratitsiókwaiens tánon ne tsi ratitáraiens Nisraerʼró꞉nonke nahonthahónhne rahohénton ne Jerusalem nónhwe né nahónton niakáhake ne Roiá꞉ner Rahoterihwaʼsehrionhniátshera Nonerokwáhkon í꞉wa Zion nónhwe nenhthatíhaʼwe, né꞉ne Táwit Rahonátakon íken, Ononsatokentíke nienká꞉hake.

1 Kings 9:24

Nónen ne Solomon saʼtesakonathákwahte ne sakotsténha, né꞉ne Pharaoh sakoiénha, tsi kanatowanénhke ne Táwit tahionhthénhti thóh niahá꞉he nonón꞉saʼse ranonhsonhniénhni, ethóhʼne ónen wahanonhsónhni tsi ronhtienhthákwah ne só꞉tar.

1 Chronicles 11:7

Tsioríhwa ne Táwit atenhénraʼkon né iahataʼtíteron, né kíʼ sakonwaʼná꞉tonkwe “Táwit Raʼonátakon.”

2 Chronicles 24:16

Wahonwaiatháta tsi nón꞉we nihonwatiʼiathatahásta ne kanontiʼiótsheras né꞉ne Táwit raonátakon nón꞉we né tsi wahatikwéhnienste tsi nishakotiérahse nonhkweʼshón꞉as ne Israerʼró꞉nonke, ó꞉ni ne Rawenni꞉io, ó꞉ni Nononsatokentikówa.

2 Chronicles 5:2

Ethòne ó꞉nen ne Ronnontí꞉iokwe Solomon iashakonónkʼkon ratikwé꞉kon ne sakotihéntenhse ne tsi ratitsiókwahiens ó꞉ni tsi ratitáraiens Nisraeʼró꞉nons nahontkenhnísa ne Jerusalem nón꞉we, né nahónton nahontahatíhaʼwe ne Roiá꞉ner Raoterihwasehronhniátshera Oneró꞉kwah né Zion nón꞉we, né꞉ne Táwit raonátakon í꞉ken, tánon Ononsatokentiʼkówaʼne niahatíhawe.

Nehemiah 3:15

Tánon ne Shallum né꞉ne roʼníha ne Colhozeh, rahónha ne rakó꞉ra í꞉ken ne kanatowanénhke Mizpah, sahasehrón꞉ni ne tsi watnekí꞉ne iotenhenrakáronte; rahónha sahrónhni tánon waharó꞉roke tánon wahanhowanihiotónhnion tánon wahakwathakwenhá꞉ton ne watenienʼtarósthas tanon ne tewateristarenkwákwas. Kwáh ó꞉ni sahakwahtakwenhá꞉ton nasontakéhsons ne tsi watnekaientákwas ne Shelah tsi niió꞉re ne ronnontí꞉io thotetháien tánon kwáh tsi niió꞉re ne tsi ierastentháhkwa tsi nieiawé꞉non ne tsit kaná꞉taien ne Táwit.

Psalms 132:13

Asèken ne Roiá꞉ner Zion nón꞉we nihotatenaktarakwénhni; thóh nón꞉we nihoskanékon nahenterónhtaʼke:

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 48:12

Né rahonkwetashón꞉has ne Rawenni꞉io takésonk tsiahónʼne tsi akwékon nontahónʼnete tsi watonhkwahtáse ne Zion, tánon ratikenhenhiónnions tsi kanikatótons,

Psalms 48:3

Aʼthenhénrakon ne Rawenni꞉io rothatenéston tsi kwáh oriwí꞉io entesakóne nonkweshón꞉ha nó꞉nen ne rahónha ratikwékon.

Psalms 51:18

Ó Sewenní꞉io, tasarihwaiérik tsi nòkwah ne Zion tánon tiénawas; sahshathenhenronniánion ne Jerusalem,

Psalms 87:2

sénha ranorónhkwa tsi ní꞉ioht ne ákte nón꞉we nikanátaiens ne Israerró꞉nonhke sénha ne ranorónhkwa ne kanatowanénhke ne Jerusalem.

Psalms 9:11

Thetserihwákwas ne kanonweratónhsera ne Roiá꞉ner, ne rotkoráston né Zion nón꞉we nihénteron. Satʼró꞉ri ne raohioténhsera nonhkwé꞉ne.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 59:20

Tánon kwáh iénhraʼwe ne Zion nón꞉we né꞉ne sakoʼiatákwas í꞉ken, né tsi nihiá꞉kon né Jacob rawatsiraʼtátie tsi nihá꞉ti ne teshonatkaraténion tsi nó꞉kwah ne raoʼtirihwaneraháktshera, rá꞉ton ne Roiá꞉ner.

Jeremiah 21:13

I꞉se, Jerusalem, thóh tsiskwáhere éhneken nahonráhkwahkons, tsi ní꞉ioht ne oststénrah iehiokéhthoʼte ne kahentáhke. Ók entiaterí꞉io. Sáhton iáh ónhka tahiekwéni ne iahieshatiathónti tó꞉ka ó꞉ni iaʼthahonnhótʼkaweh ne tsi sahtenhénroʼthe.

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Romans 9:33

nowennaʼtokénti neh watroriátha: “Satkátho, watsiéntatse tho nón꞉we Zion onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko. Onhkakíʼok nenthonwétakwe iáh tahonsahiontateriwásten.”

Hebrews 12:22

Khé꞉khok, Tsi ionontáhere ne Zion nontáh꞉se tánon ne rahonátakon ne ronhnheʼónwe Ní꞉io, ne karonhiakékha Jerusalem, skát꞉ke ne tewenniawehetsheráksens niháti ratironhiakerónons.

Revelation 14:1

Ethò꞉ne iakatkáto, tánon thóh í꞉rate teonakarontónha owí꞉ra tsi ionón꞉te ne Zion! Tánon ne ratikwé꞉kon ne énska tewenhniáwe kaiéri niwáhsen-kaié꞉ri niwenhniaweheʼtseráhsen nihá꞉ti né꞉ne rahónha tánon ne roʼní꞉ha raotishén꞉na ne tehonwatiiatónkwen ratikwenhká꞉rakes.