2 Samuel 5:10 - Ohiatonhseratokénti

¹⁰ Tánon ne Táwit kwáh í꞉ken tsi wahashátstenhne tsi wasakohenténhse, asèken ne sakoiá꞉ne ne ratironhiakeró꞉nons, tsi nikweʼkón꞉ne ne raónha.

2 Samuel 5:10 ပူးပေါင်းရင်းမြစ်များ

Genesis 21:22

Né sikahá꞉wi ne Abimelech, wahiateró꞉shen ne Phicol ne ne rateriiohseraʼkweʼní꞉io í꞉ken né raotióhkwa ronterí꞉ios, ne Abimelech wahawènhahse ne Abraham, “Ne Rawenni꞉io kwáh senikwé꞉kon ne tsík nenhsátiere;

2 Samuel 3:1

Wateriʼioserehsonhne tsi natehón꞉terekwe raotiwátsires ne Saul tánon ne Táwit; Ne Táwit kwáh í꞉ken tsi tahashaststénhsere, ók ne raotiwátsire ne Saul tahonaseronnenhtonhátie nenhʼnéʼeh tsi nihatisháststekwe.

2 Samuel 7:9

tánon ní꞉i kwáh tenikweʼkonhátsies tsi nón꞉we nienhénse, tánon kwáh khesén꞉nion ratikwéʼkon ne ieshá꞉sons ne sahén꞉ton rónhnes; tánon ní꞉i kwáh enkonsennówanahte, kwáh tsi nihotisenhnótens ne ratisennhowánens ne tsi ionwentsá꞉te.

2 Samuel 8:14

Thóh washakóteron ne ronterí꞉ios thóh nón꞉we Edom; kwáh tsitnonwéhsons akwé꞉kon ne Edom tsi wasakóteron ne ronterí꞉ios, tánon ratikwé꞉kon ne Edomites ne wahón꞉ton ne Táwit raonhatsherashón꞉ahs. Tánon ne Roiá꞉ner tahá꞉wenh natesenhniétsheras ne Táwit ne kwáh tsikʼnonwéson nienhénreh.

2 Samuel 8:6

Eʼthóhʼne ne Táwit wasakó꞉teron ne ronterí꞉ios tsi nón꞉we nihathiteróntons ne Aramró꞉nons ne Damascusró꞉nons; tánon ne Aramró꞉nons ne wahón꞉ton ratinhá꞉tshera raohén꞉ton ne Táwit tánon tahatihásheron nowístas. Ne Roiá꞉ner taháwen naʼtesenhniétsheras ne Táwit ne kwáh tsikʼnonwéson niénhʼhenreh.

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Psalms 24:10

Ónhka nenhné꞉e kí꞉ken Ronnontí꞉io ne rohiatanerákwat? Né꞉ne Roiá꞉ner ne roshaststenhserowanenʼkówa, rahónha ne Ronnontí꞉io í꞉ken né꞉ne rohiatanerákwat. Selah

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Proverbs 4:18

Kí꞉ken oháha ronthahí꞉ne thotirihwaié꞉ri thóh ní꞉ioht tsi shí꞉ken takarahkwínekenʼne, sénha teioswatheʼonhátie tsi niió꞉re entiehkè꞉ne én꞉wawe.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Haggai 2:4

Nek kík sá꞉ka saʼnikonranirón꞉hak, Zerubbabel, rá꞉ton ne Roiá꞉ner; saʼnikonranirón꞉hak, Joshua, né Jehozadak, né꞉ne kwáh è꞉neken tókte ratsihénstatsi. Sewaʼnikonhranirón꞉hak, sewakwé꞉kon ne tionhontsakeró꞉nons, asè꞉ken skát꞉ne í꞉tewes ní꞉se, rá꞉ton ne Sakoiá꞉ner ne ratironhiakeró꞉nons.

Luke 2:52

Nok ne Iesos attokhatserakon tsi roteiarontie, nok ateriȣakȣarisiontserakon rahohenton ne Niio oni nonkȣeokon.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

1 Samuel 18:12

Ne Saul rotsániskwe ne Táwit tsioríhwa ne Roiá꞉ner tsi raónha nikwekonhátieskwe ók rotsatontakwénhni nenhʼné꞉eh ne Saul.

1 Samuel 18:14

Ne Táwit kwáh roterihwathentiénhniskwe akwé꞉kon tsi nenhaterihwathéntsiá꞉te; asèken nikwekonháties ne Roiá꞉ner.

1 Samuel 18:5

Ne Táwit ionsahahiákenhne tánon kwáh í꞉ken tsi wahoianerásten ne kwáh tsitnón꞉we ne Saul ienhoténieʼte; tsi nahá꞉wenhne, ne Saul thóh wahorihónten rahotitsiókwahkon ne ronterí꞉ios. Tanon ratikwé꞉kon ne ronterí꞉ios, iekaníhareh ne raonhá꞉tsheras ne Saul, wahatirihwahnírate.