2 Samuel 4:11 - Ohiatonhseratokénti

¹¹ Thóh káti shé꞉kon ní꞉kon, nó꞉nenh ne ronkwetahét꞉ken róhrio ne thronkweʼtaié꞉ri tho raonaktáhke ne kwáh raón꞉ha raonónskon! Tánon nón꞉wa iáh kén takeriwanón꞉ton ne raonekwénhsa ne í꞉sawe satshanáke, tánon naiesáthonte ne tsi ionwenhtsá꞉te?”

2 Samuel 4:11 ပူးပေါင်းရင်းမြစ်များ

Genesis 4:11

Tánon ó꞉nen wasatatkarón꞉ni onwenhtsá꞉ke nón꞉tawe, tsi watewáts꞉karawe naʼkaiè꞉na ne tsaʼtatekén꞉a raonekwènhsa ne shaʼtshahnàhke nonhtá꞉we.

Genesis 6:13

Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera.

Genesis 7:23

Ne Roiá꞉ner kwáh akwé꞉kon niaʼshakóhtonhte tsi nahó꞉ten ne iónhnhehkwe ne tsi nonhwentsá꞉ke onkweʼshón꞉ʼas, tánon ne kontitshé꞉nenʼs, tánon ne konté꞉sereʼs tánon notsiʼtenʼokón꞉ʼa ne tsi iówerare; kwáh wahonwanáhtonʼte ne tsi ionwenhtsá꞉te. Nek khók iatehshonatatén꞉ron tsi nihá꞉ti ne Noah ratikwekónhne ne kahón꞉wakon.

2 Samuel 16:8

Ne Roiá꞉ner wahiaré꞉wate neh tsi nisenonwarhiakónhnion ne Saul raowátsires, roʼnón꞉ha raʼotinatʼtekénʼen tsi nón꞉we tsisatenonhtiʼióston; tánon ne Roiá꞉ner ne tethó꞉wi ne kaʼnontiʼiótsera ne eʼtsiénha Absalom. Satkátho, kariwahetkénhsera thontesahrhóroʼke; asèken ní꞉se kwáh sehiaséhtha nashiaʼtóten.”

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Samuel 3:39

Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

Psalms 109:15

Thóh kaiéntat raohénton ne Roiá꞉ner iaiotʼkontakwénhake, tánon aiáwens tsi nahóten arehiáraʼke kwáh kíʼ akanikonhrénhʼen ne tsi iohontsate.

Psalms 9:12

Tsi nikáien né sakáriaks tsi nòkwah né shonaterihwatewáton wasakoiénterene né shakotironhiakéntha; iáh tehatarónhtsiens tsi natehonséntʼthos né kaienawaséhtshetra.

Exodus 21:12

“Ónhka akénhake naʼsakokónhreʼke tánon wahononhwarhiákon kwáh kíʼ enshonʼwanonhwarhiákon.

Exodus 9:15

Tó꞉ka ahonkanentsiaʼketsʼkwenke naʼkoniénhthonʼke ó꞉ni ne shonʼkwetashónʼa né kannrahtariné꞉tshera, kwáh tó꞉kenʼen tsi ahisahiaʼthatónhon.

Proverbs 2:22

Rawenni꞉io entehshakoiaʼtatihéntho ne ionkweʼtahétken tsi ionhwentsá꞉te tánon ne rotirihwanerenʼákskon tsi ní꞉ioht ne ahʼrhiotsionko né꞉ʼe kahontáksenʼs.

Proverbs 25:26

Tókaʼ ne tiakorihwaié꞉ri iaiontateʼnikonhrénhawe ne ionkweʼtahétken ne sehiahrahkwén꞉nis tsi kahnekáksen tsi nón꞉we tiohné꞉kote tókaʼ ó꞉ni kahnekaksá꞉ton.

Jeremiah 10:11

Í꞉se ne tiónkwe ó꞉nenk tsi enhientʼtsiró꞉ri nètho onkweshón꞉a ne kahiatónnis iáh rohnónha tehothíson ne tsi ionwenhtsiáte ó꞉ni ne tsi karonhiáte ónenhk tsi enhonwanáthonte. Kwáh ónen iáh kahnèka tahonshahatiʼierónnike ne tsi ionwenhtsiáte.)

Habakkuk 1:12

Iáh ken ní꞉se tho titeséhnon ne oksténhne, O Saiá꞉ner akení꞉io, nakáwenk iotokénti? Kwáh iáh taiakwenhé꞉ie. O Saiá꞉ner, ní꞉se seieronhnítston ne kariwenhtáhtshera; tánon í꞉se, O osténhra í꞉ken, ne sehrí꞉honte ne karehwathátshera.

Habakkuk 1:4

Káti ne kaianerénhsera saiosarehshá꞉ne tánon ne kaianérenh iáh nonhwén꞉ton tewatkwénies. Ne ronhnonkweʼtahétkens tesakotihonwarón꞉ni ne iakoiá꞉nereh— neh sewahón꞉ni ne kariwenhthátshera teiononwetsawehronhtàhon.

1 Sawátis 3:12

Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.