2 Samuel 4:1 - Ohiatonhseratokénti

¹ Nó꞉nen ne Saul roién꞉ha Ishbaal sahariwáronhke nètho Abner tsi thawehéion thóh nón꞉we Hebron, wahanikonrók꞉ten, tánon onhkweʼtakwé꞉kon ne Israerʼronónke waonhnikonrók꞉ten.

2 Samuel 4:1 ပူးပေါင်းရင်းမြစ်များ

2 Samuel 17:2

Kwáh thó꞉ne ienhiʼiatsiatónhti ne nó꞉nenh kwáh tenhowisenhé꞉ionke tánon ronikonroktáhon, tánon thenhiʼionhnaríkʼkhon; tánon ratikwé꞉kon ne ratikwekonhátie ne raónha kwáh kíʼ enhontèko. Kwáh nék khók enhinonwarhiákon ne ronnontí꞉io.

2 Samuel 2:8

Ók ne Abner ne roiénha ne Ner, ne raterihioserakweʼnhní꞉io ne Saul raotsió꞉kwas ronterí꞉ios, iehohiaténha ne Ish-bosheth; “Ne ne rónkwe natehénsera í꞉ken” ne roiénha ne Saul, tánon thóh niehoiaténha ne Mahanaim nón꞉we.

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

Ezra 4:4

Ethò꞉ne ki nonhkweshón꞉as ne thóh tsi ionhontsá꞉ien ratinákereʼkwe wahonteniénthen ne tasakonanikonhriákʼthen tánon nasakotiʼterónhkwen ne Sitaeró꞉nons tánon tsi tahonwathitásthe tsi ahonsahontenonhsón꞉ni.

Nehemiah 6:9

Aseʼken ratikwé꞉kon wahón꞉khiionhnien nahionkwahterón꞉ne, rontón꞉nionʼs, “Ne rontsá꞉nakes kwáh kíʼ enhiotsiiohá꞉ne tsi nòkwah ne raotiiotensera tánon iáh thóh thá꞉iawenhne.” Ó꞉nenh kíʼseshaststenseron ne katsá꞉nake.

Isaiah 13:7

Né káti aoríhwa kwáh akohtsanakwékon tsi enhiotsiʼió꞉haʼne, tánon onkwetakwékon nakawé꞉ri kwáh enkawisʼtanáwenhne,

Isaiah 35:3

Sheʼshatsténseron ne ietsanàhkes, tánon snírat ne iotsiʼióha iekwitsàkes.

Jeremiah 50:43

Ne Ronhnonhtí꞉io ne Babylon nónhwe wahaiéna noríhwa tsi nòkwah ne tehontátʼtions, tánon wahotsihióhaʼne tsi nahóteronhne. Kahteronhkwáhtshera tánon karonhiakénsehra wahotsakénsehrahkwe, tsi ní꞉ioht ne nónenh ne iónhkwe iowirahientáhsehre.

Jeremiah 6:24

“Wahakwariwahronhke,” ronton ne Jerusalemró꞉nons, “tionkwá꞉tianenhen; ne tehionkwawahnenh ne karonhiakensehra ó꞉ni ne kanonhwatʼthentshera tsi nʼi꞉ioht ne iónkwe ioronhiaken tsi iowirahienthasere.

Zephaniah 3:16

Ne thóh enwenhniserá꞉teke enkonwénhase ne Jerusalem, “Tó꞉sa satéron, ó꞉ni ní꞉se Zion! Tó꞉sa tasanéntʼtsen!”