2 Samuel 3:39 - Ohiatonhseratokénti

³⁹ Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

2 Samuel 3:39 ပူးပေါင်းရင်းမြစ်များ

2 Samuel 16:10

Ók ne ronnontí꞉io wahén꞉ron, “Iáh neh othènon tesariwá꞉ke, í꞉se ne tsisewahiohʼokón꞉ahs ne Zeruiah? Tó꞉kaʼ ratewenhnatʼsathánions tsió꞉riwa tsi Roiá꞉ner wahawénhase, ‘Skenrenhserón꞉ni ne Táwit,’ onkàti ní꞉se nashí꞉ron, ‘Nontiéren tsi thóh náshiere?’”

2 Samuel 19:13

Tánon tsi sewénhas ne Amasa, ‘Ní꞉se iáh kén í꞉i tetiaʼtaténon? Káti aiá꞉wens ne Ní꞉io thóh nahatiérase, ó꞉ni sénha ishiʼnón, tó꞉ka ní꞉se iáh ó꞉nen í꞉se thatesheseniarotárion nakitsió꞉kwa ronterí꞉ios ne kénʼen ienwatásawen, ne raonaktáke Joab.’”

2 Samuel 19:22

Ók ne Táwit wahén꞉ron, “Ónhʼní꞉se nakonhierá꞉se, Í꞉se ne raonekenteronhtserashón꞉ahs ne Zeruiah, nètho ní꞉se tsi kwáh ákte nòkwahti tentisewáthane nakonhá꞉ke? Kwáh kénk ónhkak ahiontatenonwarhiá꞉kkhon ne Israerʼronónke nón꞉wa senhniserá꞉te? Asèken ní꞉i kwáh iáh tewakateriéntare nón꞉wa wenhniserá꞉te tsi í꞉i wakenontí꞉io NIsraerʼronónke?”

2 Samuel 3:38

Tánon ne ronnontí꞉io wasakawénhase ne raonhatserashón꞉ʼahs, “Iáh kén ní꞉se tesewateriéntahre nètho ronnontí꞉io ó꞉ni tsi nironkwetowáhnen tsi ronwanonwahrhiákhon nón꞉wa wenhniseráte ne Israeronónhke?

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

1 Kings 2:9

Ók iáh kíʼ tehiówenk né kénk tsahonhsáre ne tó꞉sa othènen wahonwaréwaʼthe. Sateriénthare tsi nenhshié꞉re, tánon ónenk tsi né enshaterihwathéntsaʼte nahonwanonhwaʼrhiákon.”

1 Chronicles 22:5

Né Táwit wáʼrehre, “Nononsatokentiʼkówa ne riʼiénha Solomon enhanonsónhni onhtewá꞉hi tsi nenhiononsaʼnerahkwahtónhake tánon oʼontsakwé꞉kon tsi enkasenhnowá꞉nenhke. Ók kén niʼthohiónha tánon iáh tehorenhnáhon, ók kíʼ í꞉i entkathásawen naʼkeweienénhtaʼne.” Sók kíʼ ne Táwit iawetatʼtsáni ne iontenonsonhniáta waʼharóhroʼke nahaweienénhtaʼne nohénton arénheʼie.

1 Chronicles 29:1

Ne Ronnontí꞉io Táwit washakorihowaná꞉ten ratikwé꞉kon ne ronatsataró꞉ronhne: “Né riʼiénha Solomon tsi rahónha né Rawenni꞉io roiataráhkwen, ók shé꞉kon kí꞉ken nithoʼiónha tánon iáh teharihwaientéris. Né kahioténhsera nakahioténhen tsi nikahiotenhseroʼwánen, asèken iáh kíʼ ónhkwe tehiakonónsa tèken ók né꞉ne Raononhsatokentikowa í꞉ken ne Roiá꞉ner Ní꞉io.

2 Chronicles 13:7

Onakènhke washakohiataróhroʼke ne kentiókwahs né iáh othènen tehatirihwásthas ratinikonhráhthas, tánon thonthahonwanahnón꞉tonhse tsi nihotinikonhró꞉ten tsi nòkwah ne Rehoboam né꞉ne roʼníha ne Solomon, né Rehoboam sóhtsi kén nitonhiónha naharihwaienteríheke né tó꞉sa ashakothakátsʼthaʼte.

Psalms 101:8

Kwáh niaʼtehioronhkhetseráke tsi enkhehiátonhte ratikwékon ne rotirihwáʼneren ne tsi ionhwenhtsáte, kwáh ratikwékon éhʼren enkhehiathenháwiʼte ne karihwaʼhetʼkénsera rotihióthens ne raonátakon ne Roiá꞉ner.

Psalms 28:4

Seʼré꞉wat ne tsi nihonatsiéren, tánon né tiohianénhaf tsi nihatiʼweienhnák꞉sen; sahshekárhiaks ne tiohiaiénhaf tsi nihothihiothénhon ne ronhtshaná꞉kes; taʼséhʼhion tsi natehonathéntion.

Psalms 62:12

tánon ne iorihwatóken kanoronkwáhtshera í꞉se sáhwenk, Ó Saiá꞉ner. Asèken kwáh kíʼ í꞉se ratikwékon tesehserihwaʼsehrakwénhnis né entsoianénhawe tsi nihotihiothénʼen.

Psalms 7:16

Tánon né shotíras ne raothakontátshera, tánon né kakaronhniátshera nakóren sakorakwénhni ranontsíne saká꞉rane.

Psalms 75:10

Kwáh kíʼ thensakoʼshaststenseriáke ne ionkwetahét꞉kens, ók ne raotiʼshaststénhseras ne tionkwetaiéris kwáh nené꞉e enwaʼtehiáron.

Exodus 21:12

“Ónhka akénhake naʼsakokónhreʼke tánon wahononhwarhiákon kwáh kíʼ enshonʼwanonhwarhiákon.

Proverbs 20:8

Ronontí꞉io tehshakoiaʼtoréhtha tánon roterién꞉tare nó꞉nen enhatkáhtho iáh tetkariwaié꞉ri.

Proverbs 25:5

É꞉ren sheiaʼtenhá꞉wiht ne iáh tethotirihwaié꞉ri ne ronontí꞉io ronwaʼnikonhrá꞉wis; sók ne raokoráhtshera enweʼnéhake tsi ioterihwakwaríhshion.

Isaiah 3:11

Enshontateriwásten ne rotiníkon! Tsioríwa oriwiioʼónwe tsi enwahekʼkénhake ne raotiʼriwàke, asèken ne ne ratitsanáke tsi nihioioténhen.

Isaiah 7:4

Tánon tsró꞉ri, rathaʼtenhnikonhrá꞉ren, sakthiʼkénhak, tánon tóh꞉sa teshonnaríkʼkhon, ne ne akeniʼrihónhni kíʼken tekatsinaharáke ioienkwárote tsi ioʼtsinaharatéken-ne tsi nahotinakónhniaʼte ne Rezin tánon ne Syria, tánon ne raonekenteronhtsheraʼshónhas ne Remaliah.

Jeremiah 38:5

Ronnonhtí꞉io Zedekiah wahtariwahsehráhko, “Kwáh ioiánereh, káti, kwáh thóh nahsewáier tsi nísehwehre ne rahonháke; Iáh takʼkwéni ne thakwáhtasʼthe.”

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Romans 13:4

neh kíʼ tsi Rawenni꞉io rahonkwetaʼsónhas í꞉se sariwáke tsi rotihióte. Nók tokáha kariwáksen tsi nensátiereh, ehʼthóhʼne kíʼ setʼtsanísek, Asèken neh rahothisasténsera kwáh íken tsi hioníron nensakotiréhwaʼte. Rawenni꞉io seh rahonkwethasónhas tánon Rawenni꞉io rahorehwahthátsera rónstha nónka ensakotiréhwaʼte ne kariwáksen tsi nenhóntiereh.

2 Timothy 4:14

Alexander ne raristakerónon kwáh wéso tsi ratʼkaronníʼon; ne Roiá꞉ner tehorihwaserákwase tsi nihotiéren.

Judges 9:57

Tánon kíʼ ó꞉ni ne Rawenni꞉io washakahónhnien ne ronhnónhkwes ne Shechem nahatironhiáken tsi nòkwah ne rahotirihwaneraháktsheras, kwáh kíʼ tsi ní꞉ioht ne Jotham, né꞉ne Gideon roiénha, tsi nihó꞉nen nó꞉nenh enhonwatiréwaʼthe.