2 Samuel 3:35 - Ohiatonhseratokénti

³⁵ Ehʼthóhʼne onkwetahkwékon tahón꞉ne nahonwaréhker ne Táwit ne knahótenk ará꞉ke tsík sénhak shé꞉kon iawenhniserón꞉te; ók ne Táwit kwáh í꞉ken tsi wahará꞉ratste, ratón꞉nions, “Káti aiá꞉wenhs ne Ní꞉io thóh nahatiérase, tánon sénha íshiʼnon, tó꞉kaʼ akatenatahrát꞉kenhse khéhs ne tsík nahó꞉tenk akénhake nohén꞉ton iakará꞉kwenhne!”

2 Samuel 3:35 ပူးပေါင်းရင်းမြစ်များ

2 Samuel 1:12

Wahontiónhnion tánon wathonséntʼtho, tánon wahonenhtónhtsiete kwáh tsahokárawe ne ne Saul tánon ne roiénha Jonathan raotirihwáke, tánon ne ronwaterí꞉iose ne Roiá꞉ner ó꞉ni tsi ratiwatsiratátsie Israerʼró꞉nons, tsioríhwa tsi ne rotiʼiatsenénhton nasarehkó꞉wa.

2 Samuel 12:17

Ne rotikstenokón꞉ahs ne tsi ronónshote rahiaták꞉ta wahthatítane, ronwaretiárons ne tahontaʼhatkétsko nonhontsáke; ók iáh tehathóntats, khéhs ó꞉ni ne skát꞉ne tahontón꞉te.

2 Samuel 3:34

Ne shatshanáke iáh tekawanérenhkwe, ne shashitáhke iáh tekaronkwasanérenhkwe; tsi ní꞉ioht ne tieiá꞉ta waheiatsenénhne raotihén꞉ton ne ionkwetahetkénskwa ní꞉se iesanonwarhiákhon.” Tánon ratikwé꞉kon nonkweʼókons tonsahonwasénthose shé꞉kon.

2 Samuel 3:36

Onkweʼtakwé꞉kon ahiónt꞉toke, tánon wahakawerientí꞉io; kwáh tsi ní꞉ioht norihwakwé꞉kon ne ronnontí꞉io tsi tesakonikonraiérits nonkweʼtahkwé꞉kon.

2 Samuel 3:9

Káti aiá꞉wens ne Ní꞉io thóh nahoiérase ne Abner tánon aiá꞉wens iahá꞉ieste! Asèken tsi nahóten ne Roiá꞉ner rorahratsténhni ne Táwit, ní꞉i kwáh kiʼ enkerihwaiérite ne raonhá꞉ke,

1 Chronicles 10:12

né kwáh thotinikonratʼtsáni ronhnón꞉kwe iahónhne tánon iahatíko ne rahoierónhta ne Saul ó꞉ni ne sakohiohokónhas tánon Jabesh niahatíhaʼwe. Karíhton kaʼronthó꞉kon nón꞉we nahonwaʼiatháta tánon tsáta nón꞉ta nikaʼríh꞉wes waʼhonnentón꞉tieʼte.

Jeremiah 16:7

Kwáh iáh ónhka skátke thatahiontskáhon iáh ó꞉ni thaʼhatinikírah naʼhionthatenikonhrahníraʼthe nónen ne tehionthatenorónkwah enhiahiéheʼie. Kwáh iáh ónhka thaʼiénesthe ne kanikonhraniráttshera, akwékon iáh ó꞉ni ne ónhka wahakóthonse ne kanísehra tó꞉ka ó꞉ni kanisténsera.

Ezekiel 24:17

Tó꞉sa iakoʼthónthen tsi nahteshasénhtos. Tó꞉sa sanonhtsistós꞉konk tikénhak tó꞉sa ó꞉ni saskawetós꞉konhk kenhak né꞉ne awénesthe tsi satʼtshónhnion. Tó꞉sa sehró꞉rok ne skonhsáhke tó꞉sa ó꞉ni ne ísek tsi nahóten ne ronhtsiónhnions rónhneks.”

Ezekiel 24:22

Ethòne étho nenhsehwáhiere tsi niwahtiéren. Kwáh iáh tahisehwahróhrohke ne sehwakonhsákes iáh ó꞉ni tahísehwake ne kákʼkhwa ne rónhneks ne ronhtsiónhnions.

Judges 20:26

Ethòne ó꞉nenh kwáh kanenhrakwékon Nisraerró꞉nonke Bethel niahónhne tánon wahontsónhnion rahohénton ne Roiá꞉ner tánon iáh othènen tatehonaskáhon kwáh tsik tsiahókaraʼwe. Iahatítaʼte ne ská꞉rih í꞉ken karihwihiosehokónhas tánon kwáh rahiatakwékon ne katshénen tsi wahonwateskónhten—thóh akwékon rahohénton ne Roiá꞉ner.

Ruth 1:17

Tsi nón꞉ nenhsíheie tho kiʼ niʼ ní꞉i nón꞉ nenkíheie, tho nón꞉we neniontià꞉tata. Tóka káti ne Roiá꞉ner ne tiaonhá꞉ʼa ahakʼrewáhte, nek enkakwé꞉ni ne kenhéion, taionkenikáhsi tóka enkoniatewén꞉teʼte!”

1 Samuel 3:17

Eli wahén꞉ron, “Onhnahó꞉ten nètho wahiaró꞉ri? Tó꞉sa takatashéten. Aiá꞉wenhs ne Ní꞉io kwáh thóken꞉en ahiawéwate tó꞉ka ní꞉se asheriwásehte knahótenk tsi nó꞉kwa ní꞉i akwé꞉kon nètho iaró꞉ri.”