2 Samuel 3:10 - Ohiatonhseratokénti

¹⁰ ne tsi tentsenhnaténi ne kanakerásera tsi rawatsíraien ne Saul, tánon enhinontiʼiotserónhnien ne Táwit thóh nón꞉we Israeronónke ó꞉ni tsenwakwé꞉kon ne Judah, thóh entewatáhsawen Dan tsénwaʼwe ne Beer-sheba.”

2 Samuel 3:10 ပူးပေါင်းရင်းမြစ်များ

2 Samuel 17:11

Ók kíʼ tsi nikatenikonrá꞉wis ratikwé꞉kon nʼIsraerʼró꞉nons ronhnitsiokwarórok shonháke, thóh tewatásawen Dan tsi nióre ne Beer-sheba, kwáh ne ne onesarón꞉kwah natsiatʼtónhtse ne kaniatarakhekówane tsi nètho nahonatsió꞉kwaske, tánon thóh iaháse tsi tewaterí꞉io ní꞉se.

2 Samuel 24:2

Káti ne ronnontí꞉io wahawénhase ne Joab ó꞉ni ne ronteriʼioserakweʼní꞉ios ne rahón꞉a ratikwekonátieskwe, “Wáhs thóh niahásewe ratitsiokwakwékon NIsraerʼronónke, thóh tewatá꞉sawen Dan tsi niʼió꞉re ne Beer-sheba, tánon ietsisenhnarónhnion nonkweʼókons, káti neh nahonkateriénhtarane thóh nihá꞉ti neh nón꞉we.”

2 Samuel 3:11

Tánon ne Ishbaal iáh tehokwéʼnion tahoriwaserakwéni ne Abner shé꞉kon ne tiowénhna, tsioríhwa tsi nihotsániskwe.

2 Samuel 3:21

Nó꞉nen ne Abner wahawénhase ne Táwit, “Takeríhon ne iá꞉ke tánon akheiaʼtaróhroke ratikwé꞉kon NʼIsraerʼró꞉nons rahohénton natiá꞉ner ne ne ronnontí꞉io, ne nahón꞉ton nahonnónhni nateriwaseronniátshera skátne ní꞉se, tánon nètho ní꞉se ahón꞉ton asatenontí꞉ioste kwáh akwé꞉kon ne seriá꞉ne tsi nitesaskáneks.” Káti ne Táwit sahót꞉kawe ne Abner, tánon éh꞉ren sárehte skénnok thí꞉ken.

1 Kings 4:25

Kwáh tsi nikaríhwes rónhnhekwe, nonhkweshón꞉as ne Judah ó꞉ni Nisraerʼró꞉nonke kwáh skénnonhk tsi ní꞉ioht tsi ratinákerehkwe, sathiwatsirátʼtsons tsi rathinaharaiéntʼtoskwe ó꞉ni ne wisonhkówa ronatʼkwiró꞉thonkwe.

Judges 20:1

Onhkwetaʼkwékon Nisraerró꞉nonhke né꞉ne Dan thontásawen tsi nióre né othoréke nòkwahti ne Beersheba niaháhe thó꞉ne enhtiéne nòkwahti nonhsáwe, kwáh ó꞉ni thóh nihioiánere ne tsi ionhontsáien ne Gilead né꞉ne ná꞉kon nòkwahti, wathatirihwásnieʼne. Énskak khók tsi nónhwe nahonteróhroʼke né rahohénton ne Roiá꞉ner né꞉ne Mizpah nónhwe.

1 Samuel 15:28

Tánon ne Samuel wahawénhaʼse ne Saul, “Ne Roiá꞉ner kwáh waharátion ne sanakerá꞉sera NÍsraerʼronónke nisèke ne kwáh nón꞉wa wenhniseráte, tánon ne tashakáwen ne tesewatonhonsanéken, tsi ronónha sénha rotiʼiánere tsi ní꞉ioht ní꞉se.

1 Samuel 28:17

Ne Roiá꞉ner thóh nahiaiérase tsi kiʼ nihakróri; asèken ne Roiá꞉ner roráhtion ne kanakerásera ne sahtshanáke, tánon neh teshakówi ne tetiatonhontsanéken, Táwit.

1 Samuel 3:20

Tánon onkweʼtakwé꞉kon NʼIsraerʼró꞉nonke thóh thontásawenh Dan tsi nió꞉re ne Beer-sheba iakoteriéntaraʼkwe nètho Samuel tsi roriwatóken tsi roteriwanhotánis ne Roiá꞉ner.