2 Samuel 3:1 - Ohiatonhseratokénti

¹ Wateriʼioserehsonhne tsi natehón꞉terekwe raotiwátsires ne Saul tánon ne Táwit; Ne Táwit kwáh í꞉ken tsi tahashaststénhsere, ók ne raotiwátsire ne Saul tahonaseronnenhtonhátie nenhʼnéʼeh tsi nihatisháststekwe.

2 Samuel 3:1 ပူးပေါင်းရင်းမြစ်များ

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

2 Samuel 2:17

Nateriʼiósera tsi natewatenoniániʼte nètho wenhniserátekwe; tánon ne Abner ó꞉ni ne ronhnón꞉kwe Israerʼronónke wahonwatisénhni ne ne raonhatserashón꞉ahs Táwit.

2 Samuel 2:28

Joab wahathátiste ne ieonrawátstah tánon kanenhrakwé꞉kon nonkweʼókons wahthaʼtítahne; iáh kíʼ ó꞉nen tesheshakotísehron NʼIsraerʼró꞉nons khéhs ne ne ahonsahonateriwaʼthentsiá꞉ton nateriʼiósera ne kénʼen wahó꞉tsete.

2 Samuel 22:44

Saskeniá꞉kente tsi nòkwah ne ronteriʼioseranónwe onkweókons; waskatiénawaste í꞉i ohénton iatesét꞉taste tsi nòkwah ne ronhnonhontsakerónons; ne nonkwé꞉okons ne iáh tekheientérine wahontsió꞉tenhse.

2 Samuel 3:6

Tsi nikarí꞉weskwe wateriʼioseráien꞉takwe tsi natehón꞉tere ne raowátsire ne Saul ó꞉ni ne Táwit, ne Abner ne warón꞉niate nahasháststenhne tsi rawatsíraien ne Saul.

2 Samuel 5:10

Tánon ne Táwit kwáh í꞉ken tsi wahashátstenhne tsi wasakohenténhse, asèken ne sakoiá꞉ne ne ratironhiakeró꞉nons, tsi nikweʼkón꞉ne ne raónha.

1 Kings 14:30

Tsi nikaríwes kí꞉ken ne Rehoboam tánon ne Jeroboam tsi kwáh tsiokonhtákwenh ronaterí꞉io tsi natehiátere.

1 Kings 15:16

Ne Ronhnontí꞉io Asa né Judah nónhwe tánon ne Ronhnontí꞉io Baasha Nisraerʼró꞉nonke iehothikonhthákwen ronahterí꞉io tsi natehiátere kwáh tsi nikaríhwes ronaterihón꞉thaʼkwe.

1 Kings 15:32

Né Ronhnonhtí꞉io Asa ne Judah nónhwe tánon ne Ronhnontí꞉io ne Baasha Nisraerʼró꞉nonke nónhwe iehothikonhthákwen tsi ronaterí꞉io tsi naʼtehiátere kwáh tsi nikaríhwes ronaterihónhthaʼkwe.

1 Chronicles 11:9

Né Táwit tahashastsʼtén꞉seʼre nenhné꞉e, tsioríhwa ne Roiá꞉ner Roshastsʼtenhseroʼwá꞉nen tsi nikwé꞉kon.

1 Chronicles 3:1

Né ní꞉ioht, né tsi nithotíhions, né Táwit raonekenhteronhtsheraʼsónhas né ronakakeráhton tsi náhe Hebron nón꞉we iéresʼkwe: Né Amnon, né꞉ne ronisténha í꞉ken ne Ahinoam né꞉ne Jezreel nitsawénon Né Daniel, né꞉ne ronisténha kènʼne ne Abigail né Carmel nitsawénon né Absalom, né꞉ne ronisténha kenʼne ne Maacah, né sakoienhkʼenʼen ne Ronnontí꞉iokwe Talmai né Geshur nitsawʼenon né Adonijah, né꞉ne ronisténha kenʼne ne Haggith né Shephatiah, né꞉ne ronistenhakwe ne Abital né Ithream, né꞉ne roniténhaʼkwe ne Eglah

Esther 6:13

Wahshakohró꞉ri ne ró꞉ne tánon rontenroʼshón꞉ʼa akwé꞉kon tsi nahoiaʼtawénhseron. Thó꞉ne ne ró꞉ne tánon rontenroʼshón꞉ʼa ne ronttokhaʼtsherí꞉io wahonwahró꞉ri, “Ó꞉nen tontáhsawen sationhátie ne saʼshatsténhsera tsi nonkwá꞉ti ne Mordecai. Sitaeró꞉non nahaiaʼtò꞉ten tánon iáh thahskwé꞉ni ahtshehsén꞉ni. Orihwí꞉io tsi enhiaʼshén꞉ni.”

Esther 9:4

Akwé꞉kon tsi nikanakeráhsera ronaterién꞉tare ne Mordecai tsi ó꞉nen roʼshatstenhserá꞉ien kanontiioʼtsherá꞉kon iotehiaróntie ne raoʼshatsténhsera.

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Job Tánon ne Raoronhiakensera 8:7

Ethosà꞉ne tsi nithisatáshawe iáh tesatatkowánenhkwe, ki tsi niahisenonhátie kwáh ki eniokwátstonke.

Psalms 18:43

Shastsiatáko tsi nihotiritstón꞉ni nonkweshónha; Í꞉i ohnón꞉tsi waskónhni tsi nòkwah nonhkweʼókon; nónhkwe ne iáh tekheientéri í꞉i akonkwé꞉ta waʼhón꞉ton.

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Psalms 84:7

Waʼhontóhetste ne waʼthenhenraiéntons nosténhras; “Rahónha ne Rawenni꞉io kwáh tsesakowenní꞉io nakorénhshons niʼiohokónhas.”

Galatians 5:17

Asèken kíʼ tiónkwe tsi nahóten tehionkwatonwentió꞉ni tsi naitewátiere iotʼkónte ne Rahonikónra ne Rawenni꞉io tsi neh natehotonwentiónni tsi naitewátiere, tánon tsi nahóten ne Rahonikónra ne Rawenni꞉io tehotonwentió꞉ni tsi naitewátiere iotʼkónte nehne tiónkwe tsi nahóten tehionkwatonwentió꞉ni tsi naitewátiere. Tetsáron kí꞉ken tehiatátʼtions, tánon neh kí꞉ken kéntons tsi iáh tahónton thóh náshiere tsi naʼtesatonwentió꞉ni.

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Revelation 6:2

Iakatkáto, tánon thóh í꞉rate kanaskwaráken! Ne roʼshe rahanénhawe; anonwaró꞉re taʼón꞉ion, tánon iahaiá꞉kenhne ne tsi karón꞉iate ne nahatesénhniete tánon nahateʼshénhni.