2 Samuel 24:25 - Ohiatonhseratokénti

²⁵ Ehʼthóhʼne ó꞉nen ne Táwit wahahónnhnien ne ietsienharákwah ne Roiá꞉ner, tánon wahatenaskwáhstsahate ó꞉ni iahá꞉thate ne atakarihtétsera. Káti ne Roiá꞉ner watariwaserá꞉ko ne raoterénnaient nonhón꞉tsa aoriwá꞉ke, tánon ne kanratarinétsera tsi tonhsontkaraténi éhren sáwete NIsraerʼronónke.

2 Samuel 24:25 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 22:9

Nó꞉nen shiahá꞉newe tsi tiotenatakwèn꞉rare tsi nón꞉we nihonaʼtón꞉ni ne Rawenni꞉io, nʼAbraham thóh nón꞉we nahrón꞉ni ne ietsenhahráhkhwa tánon wahakwatakwenhá꞉ton tsi ni꞉ioht tsi wahaientahrón꞉nion. Waʼthonentsterènkhon ne roièn꞉ʼa Isaac, tánon ietsenharahkwà꞉ke wahoiaʼtá꞉ren, é꞉neken tsi nihoientahrónnion.

Genesis 8:20

Eʼthó꞉ne ne Noah wahaón꞉nien ne Roiá꞉ner ietsenhahráhkhwa, tánon iahshakoiaʼténhawe ne ionatkwénienʼs katshenenʼó꞉kon ó꞉ni tsi nihá꞉ti ne ronatkwénienʼs notsiʼtenʼokón꞉ʼas, wahshakotiaʼtátshaʼahte ne ietsenhahrahkwà꞉ke.

2 Samuel 21:14

Wahatihiatátha ne raostsienʼshón꞉ahs ne Saul ó꞉ni ne oanekenteronhtsershón꞉ahs Jonathan thóh tsi watonhontsá꞉ien ne Benjamin thóh nón꞉we Zela, thóh raotsatonkwákon ne roní꞉ha Kish; akwé thóh nahatí꞉iere tsi nisakorí꞉honte ne ronnontí꞉io. Ne shonteweʼienénhtane, ne Ní꞉io watharihwaseráko naterénhnaient ne tsi ionwenhtsá꞉te.

2 Samuel 24:14

Ehʼthóhʼne ne Táwit wahawénhase ne Gad, “Ní꞉i kwáh í꞉ken tsi kowáʼnenh tsi tewakanikónrare; áhnion thóh ietewahiatiénen rasnontsá꞉ke ne Roiá꞉ner, áhseken ne raotaniténron tsi nikowánen; ók tó꞉sa takerí꞉hon nèthoh iatiatsénenhne nónkwe akotshanáke.”

1 Kings 1:1

Ne Ronhnonhtí꞉io Táwit ónenh kwáh thóh tsi nihosksthénha, tánon ethosáne ne rahonhatseraʼsónhas áhsires wahonwáraʼse, iáh kíʼ tewátonskwe nahohiathataríhen.

Ezekiel 16:42

Ethòne enwahtó꞉hetsthe nakenahkwáhtshera, tánon skénʼnonk tenskáton. Kwáh iáh tahonshonkenahkwenhénhake iáh ó꞉ni shé꞉kon tahonshonkathekefʼféntake.

Numbers 17:13

Tó꞉ka ónhka ákta nahontáien ne tsi watóhsehrohte kwáh enhiaiéheie, kwáh kíʼ thóh nihioiánere tsi ní꞉ioht nahionkwenhéionhke!”

Judges 21:4

Ohʼronhkéstsi nó꞉ia sahiórenhne nonhkweshón꞉as wahontʼkétsko tánon thóh nónhwe nahonnónhni ietsienharákwah. Wahatíthaʼte ne skaríhwa í꞉ken karihwihiosehokónhas tánon tó꞉ka niháti ne kaʼtshénens ratiʼhiathakwékon tsi wahonwanateskónhten.

Judges 6:24

Ne Gideon kwáh éhtho nónhwe nahahónhnien ne Roiá꞉ner ietsienharákwah tánon né wahanátonhkwe “Ne Roiá꞉ner Skénnon íken.” (Shé꞉kon kíʼ thóh nónhwe ne Ophrah tkáien, né kíʼ rahonawenkʼhónwe ne Abiezer kentára.)

1 Samuel 13:9

Káti ne Saul wahén꞉ron, “Taietsihiaténhaf ne kontitshénens kénʼen akʼkénton nakheʼiatsiatatʼtsaháhte, tánon ne ahontakaiéstonʼke natakaritétsera.” Tánon raón꞉ha wasakotsatatʼtsaháhte.

1 Samuel 14:35

Tánon ne Saul wahahónhnien ietsenhahráhkwa ne Roiá꞉ner; ne ne tontiérenhte wahahónhnien ne ietsenhará꞉kwa ne Roiá꞉ner.

1 Samuel 7:17

Eʼthó꞉hʼne énsraʼwe ne Ramah, asèken thóh nón꞉we nihononshótaʼkwe; rahón꞉ha sakohkó꞉rakwe NʼIsraerʼró꞉nons neh nón꞉we, tánon wahahónhnien ietsenharákwa ne Roiá꞉ner.

1 Samuel 7:9

Káti ne Samuel iahoiaténhaʼwe ne ne shé꞉kon nihanónkera teonakarontónha owí꞉ra tánon ne iahá꞉taʼte raiatakwékon waotsatá꞉tshaʼahte ne wahotátʼtse Roiá꞉ner; Samuel wathaséntho rahonháke ne Roiá꞉ner ne raotiʼrí꞉wake NʼIsraerʼró꞉nons, tánon ne Roiá꞉ner watoriwaʼserákwaʼse.