2 Samuel 24:24 - Ohiatonhseratokénti

²⁴ Ók ne ronnontí꞉io wahawénhase ne Araunah, “Iáh, ók enkonhninónki nakakariaktseriʼióhake; Kwáh iáh kíʼ thahiiatenastkwahtsahá꞉ten ne Roiá꞉ner akeNí꞉io ne iáh othènon tahonkakkaronhníhon.” Káti ne Táwit wahanínon ne iethetákwah kentská꞉ron ó꞉ni ne teotinákares tionnónskwarons ne ne wísk niwáhsen kawistará꞉kens iahát꞉kene.

2 Samuel 24:24 ပူးပေါင်းရင်းမြစ်များ

Genesis 23:11

“Iáh sènhshion takwatahónhsatat; kwáh kahentakwé꞉kon enkón꞉ion ó꞉ni nohshón꞉wah enkenikwé꞉kon; kén꞉ʼen raotihén꞉ton nakonkweʼtaʼshón꞉ʼa, í꞉se waʼkoniaʼtakweʼní꞉iohste, ne naón꞉ton nahsheiaʼtáta ne satehreʼónhskon.”

Genesis 23:13

Wahawènhahse ne Ephron, tshiehonathón꞉te né ronnonhontsaʼkwenʼí꞉io, “Tóka kwáh nek khók nahskwatahónhsatate! Kwáh enkonkáriaʼkse tsi shaʼtékena nétho kahén꞉ta; tsé꞉na tsi níktats, ne kíʼ naón꞉ton tho nón꞉we nakheiaʼtáta ne wakatereʼónhskon.”

Genesis 23:16

NʼAbraham waharihwanón꞉weʼne tsi nihariʼwanón꞉tonhs ne Ephron; tánon NʼAbraham wahokontsheriháhrhahse ne Ephron ne kahwistarà꞉ken tsi nahanà꞉ton tsi nahonathón꞉teʼne ne Hitró꞉nons, ne ne kaié꞉ri-tewenʼniáwe ní꞉kon kahwistarà꞉ken, ne taioianénhawe tsi ní꞉ioht tsi rotikariaʼktsheríson tsi ratikontsheriháhrha ne rontenhní꞉nons.

1 Chronicles 21:1

Né Sakoriwaros wahateniénten nashakoritstónhnien nonkweʼshón꞉as Nisraeʼró꞉nonke, ká꞉ti wahahónhnien ne Táwit niatahorihwaʼiéntaʼse nahasenhnaróhroʼke.

1 Chronicles 22:1

Ká꞉ti ne Táwit wahénron, “Kén kí꞉ken nón꞉we ne Raoʼnonsatokentiʼkó꞉wa ne Roiá꞉ner Ní꞉io nenhkaʼnonsónhniʼke. Kén nón꞉we ne ietienharákwah nenhkénhake tsi nón꞉we nonkweʼshón꞉as Nisraeʼró꞉nons nenhtatí꞉iesʼte naʼkonwanateskóntʼthake.”

Romans 12:17

Tóhka ónhkak iesateweiehnakshaténʼni, tóhsa thóh ní꞉ioht tsi ahonsashekáriakʼseh. Ne sateniénten thonátier tsi niʼiéhiere nónkwe ne tkariwaiéri.