2 Samuel 24:19 - Ohiatonhseratokénti

¹⁹ Wahateriwathéntsiate tsi nahariwísa ne Gad, Ne Táwit iahá꞉re, tsi nihothenáhon ne Roiá꞉ner.

2 Samuel 24:19 ပူးပေါင်းရင်းမြစ်များ

Genesis 6:22

Ne Noah kwáh akwé꞉kon tho naháiere tsi nahóhnhaʼne ne Rawenni꞉io.

2 Samuel 24:18

Thóh shiʼwenhniserátekwe ne Gad wahohiatórenhne ne Táwit tánon wahawénhase, “Wáhs thóh iahá꞉se shón꞉ni ietsienharákwah raohén꞉ton ne Roiá꞉ner thóh tsi rathetá꞉kwah oskwenhkará꞉ke ne Araunah ne ne Jebusró꞉non.”

2 Samuel 24:20

Nó꞉nenh ne Araunah watatʼkatónhnionwe, wahó꞉ke ne ronnontí꞉io tánon ne raonhatseraókons tahón꞉ne tsi nón꞉we níreskwe; tánon ne Araunah iahahiákenhne tánon wahathatsiatiénenhte raohénton ne ronnontí꞉io tsehakonsáien ohontsá꞉ke.

1 Chronicles 21:19

Né Táwit wahowénhnaraʼkwe ne Roiá꞉ner tánon thóh wàʼreʼthe, tsi ki nihoró꞉ri ne Gad.

2 Chronicles 20:20

Ohronkétsʼtsi nó꞉ia sahiórenhne nonhkweʼshón꞉as kaʼrahkonkówa niahónhne ákta ne Tekoa. Tsi niahonenonhátie, né Jehoshaphat kén kí nikawenhnó꞉tens tsi washakothárahse: “Tsiónkwe ne Judahró꞉nons ó꞉ni Jerusalemró꞉nons! Thóh nón꞉we nonhtasewé꞉tat rahonháke ne Roiá꞉ner Sewaní꞉io í꞉ken, tánon ki ensewahiataníronke enkénhake. Tasehwétat tsi nahoténsons ne rahonkweʼtashón꞉as ietsiró꞉ri, tánon kíʼ ensehwaterihwathénhtiaʼse.”

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Nehemiah 9:26

“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.

Hebrews 11:8

Tewehtákwen seh wahahónnien ne Abraham nahatewénhnaraʼkwe tsi nahóten ne Rawenni꞉io rohróhri tsi tkanakerahseráien niáre tsi nihorahratsʼténni ne Rawenni꞉io enháwenh. Wahatewénhtethe ne raonakeráhsera iáh tehotheriéntare kah nónwe niahawehnonhátie.