2 Samuel 24:18 - Ohiatonhseratokénti

¹⁸ Thóh shiʼwenhniserátekwe ne Gad wahohiatórenhne ne Táwit tánon wahawénhase, “Wáhs thóh iahá꞉se shón꞉ni ietsienharákwah raohén꞉ton ne Roiá꞉ner thóh tsi rathetá꞉kwah oskwenhkará꞉ke ne Araunah ne ne Jebusró꞉non.”

2 Samuel 24:18 ပူးပေါင်းရင်းမြစ်များ

Genesis 50:10

Shiahón꞉newe ne tsi ietheʼtáhkwa ne Atad nón꞉we ne ne ieiotohétston ne Jordan, thóh nón꞉we kwáh í꞉ken tsi waʼtewatenón꞉ianihteʼ onttsiʼtó꞉ko tsi naʼakoʼnikonhraksèn꞉seron; tánon ne Só꞉se ne wahateriwahténtiaʼte nahotshón꞉nionʼse ne roʼníha tsi niioterihwíson naiontshón꞉nion ne ne tsá꞉ta nón꞉ta nikarí꞉wes.

2 Samuel 24:11

Nó꞉nen ne Táwit sahatkétsko noronhkéne, ne raowénhna ne Roiá꞉ner iahón꞉we rahonháke ne rotokènse Gad, ne ne Táwit rahonkwéta rotokénse, ratónhnions,

2 Samuel 24:19

Wahateriwathéntsiate tsi nahariwísa ne Gad, Ne Táwit iahá꞉re, tsi nihothenáhon ne Roiá꞉ner.

2 Chronicles 3:1

Ne Ronnontí꞉io Táwit, né꞉ne Solomon roʼníha, ó꞉nenk roráhkwen tsi nón꞉we nenhatenonhsónhni Nononsatokentiʼkówa. Né꞉ne Jerusalem nón꞉we, né꞉ne tsi Ionónte ne Moriah, thóh nón꞉we ne Roiá꞉ner nihothotashénhni ne Táwit, tsi nón꞉we ne Araunah né꞉ne Jebusite rásthakwe nenhawáheʼke. Ronnontí꞉io Solomon tahatásahwenh ne kahioténhsera

Zechariah 9:7

Kwáh iáh ó꞉nen tahonshahatiwáhrake nahionekwenhsá꞉rahke, tó꞉ka ó꞉ni ne thé꞉nen karihwáston ne káʼkhwas. Rathikwé꞉kon ne ronahthaténron kwáh Í꞉i akonkwè꞉ta enhónton tánon thó꞉nenh hióton tsi enhothitharahiénhtahke ne rahothitióhkwakon ne Judah. Ekron ó꞉ni Í꞉i akonkwè꞉ta enhónton, tsi ki ní꞉ioht ne Jebusites.