2 Samuel 24:17 - Ohiatonhseratokénti

¹⁷ Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

2 Samuel 24:17 ပူးပေါင်းရင်းမြစ်များ

Genesis 18:23

Eʼthó꞉ne ne Abraham raiaʼtákta ne Roiá꞉ner niaʼhá꞉re, tánon wahén꞉ron, “Kwáh kenh né iáh teiakohnhí꞉kon tánon né iakohnhí꞉kon skátne tsi enhsheiátonʼte?

Genesis 44:33

Tókaʼ katíʼ nón꞉wa, nahsathón꞉tate tseríhon ne sahnhá꞉tshera kén꞉ʼen ré꞉shek tsi ní꞉ioht ne raksá꞉ʼa ne ranáhskwa ahá꞉ton raonhá꞉ke natiá꞉nehr; tánon tsheríhon ne raksá꞉ʼa shón꞉ne ne rontateʼkoʼokón꞉ʼa.

2 Samuel 12:13

Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

2 Samuel 24:10

Ók onakènhke, ne Táwit wahawerhiasanónhwake tsioríhwa tsi sakoséhton nonkweʼókon. Ne Táwit wahawénhase ne Roiá꞉ner, “Wakeriwáneren kwáh teiotenonhianíton ne tsi niwakatiéren. Ók kíʼ nón꞉wa, Ó Saiá꞉ner, Wakaterénhnaien shonháke, éhren shasáwit ne nakenhí꞉tsera; asèken thóh niwatiéren ne kwáh í꞉ken teiotenonwarorítonhte.”

2 Samuel 7:8

Nón꞉wa ne káti tsi nahó꞉ten entsró꞉ri nakenhá꞉tshera Táwit: Ratón꞉ne Sakoroniakerónons: Í꞉i iekonnónkon ne tsikonwatiterontákwah ne watenhenrowanénhke, tsi shenikonrahrátsieskwe teiotinakarontónha ne naseiatenontí꞉ioste nakonkwetashón꞉ahs Israerʼró꞉nons;

1 Kings 22:17

Né Micaiah watharihwaseráko, “Khékens Nisraerʼró꞉nons rahotisóh꞉tar tehonarénion tsi hionhniarónhnions tsi ní꞉ioht ne teiotinakaronhtónʼas iáh tehiotí꞉ien ne shaʼkónonhne. Tánon ne Roiá꞉ner wahénron, ‘Kí꞉ken ronhnónhkwe iáh tehothí꞉ien ne sakohénthenhse; sheʼríhon kwáh skénhnonk tsi sonhthénhti.’”

Job Tánon ne Raoronhiakensera 42:6

ne káti aoríhwa wakatát꞉kenron, tánon sakaʼtát꞉rewate thóh okenrá꞉ke tánon ne wakenrón꞉takwen nón꞉we.”

Job Tánon ne Raoronhiakensera 7:20

Tó꞉ka shí꞉ken akerihwanérake, onh ne nisehierá꞉se né꞉tho, í꞉se ne shenikónhrare nonkweshón꞉as? Nontié꞉ren ní꞉se tsi ne waskonhniá꞉te ne teshohiahástha? Í꞉ih ken wakonreniatsté꞉then?

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Psalms 44:11

Thóh naskwahiatóthenhste tsi ní꞉ioht ne teiotinakaronhtónha konwanawentʼthósere, tánon iateskwaréniate natʼtéshon nón꞉we tionhontsaiénton.

Psalms 74:1

Ó Sewenní꞉io nontséren tsi thóh kíʼ ní꞉ioht tsi waskwahkénron kwáh kén tsi nénhwe enkénhake? Kwáh kén tsi nénhwe ensehnhákwaʼse ne shonkwetaʼshónha?

Psalms 78:71

tsi nón꞉we nisakonikonhrá꞉rakwe ne ionatewíraien teiotinakaronhtónhas iahó꞉nonhke né nasakonikonhraratiésehkes ne rahonkwetaʼshón꞉a Jacob, né Israerʼró꞉nons asakonikonhraratiésehke.

Exodus 10:16

Ethòne kíʼ ne ronhnonhtí꞉io kasteríhenke tsi iasakóʼnonhke ne Mahís ó꞉ni ne Aaron tánon wahénron, “Wakeriwá꞉neren tsi nókwah ne Roiá꞉ner ó꞉ni nisèhke.

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Jonah 1:12

Jonah waʼthariʼwaserá꞉ko, “Awénke iaʼtakwaiaʼtón꞉ti, tánon thó꞉ne ki tenskawerí꞉iaʼke. Wakaterién꞉tare tsi í꞉i akerí꞉wa tsi kén꞉en ionkwaié꞉nen ki kawerowá꞉nen.”

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”