2 Samuel 24:14 - Ohiatonhseratokénti

¹⁴ Ehʼthóhʼne ne Táwit wahawénhase ne Gad, “Ní꞉i kwáh í꞉ken tsi kowáʼnenh tsi tewakanikónrare; áhnion thóh ietewahiatiénen rasnontsá꞉ke ne Roiá꞉ner, áhseken ne raotaniténron tsi nikowánen; ók tó꞉sa takerí꞉hon nèthoh iatiatsénenhne nónkwe akotshanáke.”

2 Samuel 24:14 ပူးပေါင်းရင်းမြစ်များ

2 Samuel 9:8

Ne Mephibosheth tonsahatentʼtsóten shé꞉kon tánon wahén꞉ron, “Í꞉i iáh sénha tewatiá꞉nere tsi ní꞉iot ne rawenhé꞉ion érhar kwáh tsi ní꞉iot ní꞉i?”

2 Kings 6:15

Oronhkéstsi nó꞉ia sahiórenhne ne Elisha rahonhátsera wahatkétsko, iahahiákenhne, tánon washakóken ne Syriaró꞉nons ronhterí꞉ios skát꞉ke ne rahotitsenenhó꞉kons tánon notsónhkwah rahotiseresónhas tehotinathánen tsi kanáthaien. Elisha sahorioriána, “Hionhkwehé꞉ion, sénʼshion! Onh nahitewáiere?”

1 Chronicles 21:13

Né Táwit wathorihwaseráhkwahse ne Gad, “Kwáh í꞉ken tsi tieiohnikonrók꞉tha tsi niwakatesenhnó꞉ten! Ók iáh kíʼ tatewakatonhontsóni nonkweʼshón꞉as ahiontʼréwaʼte. Kwáh kíʼ rahonhatsíwa ne Roiá꞉ner rakré꞉wat, tsioríhwa tsi nihotenhnithenráts꞉kon.”

Psalms 119:156

Tsi natehiotenonhianíton ne senhtérat í꞉ken Ó Saiá꞉ner, táskon natónnhets ne tsi nitewéhtha ne saiatorethátshera.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Psalms 130:7

Ó Israel, sará꞉rek rahonháke ne Roiá꞉ner! Asèken ne Roiá꞉ner ró꞉ien ne iorihwatóken kanoronhkwáhtshera, tánon ne rahónha róien ne kashaststenhserowánen nahonshasakoniákenʼte.

Psalms 145:9

Ne Roiá꞉ner onhkwetakwékon tsi torihwaiéri í꞉ken, tánon sakothénren ratikwékon tsi nisakohiatíshon.

Psalms 51:1

Takiténhrat Ó Sewenní꞉io, né tsioianénhaf ne iorihwaʼtó꞉ken sanoronkwátshera; né tsioianénhaf tsi niʼiawetowánen í꞉ken ne sanitenhrá꞉tshera sasehrón꞉ko nakerihwanerahát꞉tshera.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Proverbs 12:10

Tionkweʼtaié꞉ri tehshakotíhshnie raotitshenenʼó꞉kon, nok ne rotirihwanerenʼákskon shakotiiesáhtha nen né꞉ʼe.

Isaiah 47:6

Kheʼnakwáhsene nakonkwetaʼshónhas, Waketʼkénte tsi kwatsiratátie; Hiaʼkehiátʼkaʼwe thóh satsanàke, iáh othènon tesehnatónhni ne kenténhron; né꞉ne thoʼthí꞉ions washeʼhiónhnien ne saʼtientaniák꞉ta kwáh í꞉ken tsi iókste.

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

Jeremiah 39:17

Ók Í꞉i, ne Watiá꞉ner, kwáh entkónhne, tánon iáh tsiahiesátkaʼwe ronónhake ne setʼtsánis.

Lamentations 3:22

Ne Roiá꞉ner tsi iáh tseiotók:te ne rahononronkwátsera óni ne rahotaniténron sékon watátie,

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Micah 7:19

Kwáh kíʼ shé꞉kon tentre tánon ensheshonkwenténhre; kwáh kíʼ enharatatiéson nonkwahrihwaneraháktshera. Akwé꞉kon isehienhóti nonkwahrihwaneraháktsheras tsi nón꞉we ne kwáh tionó꞉tes kaniatarakeʼkowáhne.

Zechariah 1:15

tánon kwáh í꞉ken tsi keʼnhákwahse nonhkweshón꞉a ne ronaʼtsenhnón꞉ni sakʼthí꞉ken ó꞉ni skén꞉nenk í꞉ken. Asè꞉ken tsi nikarì꞉wes watienhawáhkonne nahkenhakwáhtshera tsi nokwáh nakonkweʼtahshón꞉a, né꞉tho onhkweshón꞉a sénha hiahonnhóhetste tsi wahonwahthironhiákente nakonkweʼtahshón꞉a.

John 12:27

Onen nonȣa ok osʼsontiȣakonnhaȣens; oh onte nahoten akerase? O rakeni! askiatanonstate nonȣa nikahaȣis; nese sane teȣakenienton tsi teȣakehnon.

Philippians 1:23

Kwá íken tsi iohníron tsi enkathaterákwase. Tewakathonwentióni nakiheie tanon Kerístos iahiakinikwékhaʼne, Asèken iawehthatsiáni ne iohiánere.

1 Samuel 13:6

Nó꞉nen ne NʼIsraerʼró꞉nons shasakotíken tsi ronanikonrokʼtáon (asèken ne ronterí꞉ios kwáh í꞉ken tsi ioní꞉ron tsi nahonterí꞉io), nonkwé꞉okon wahontashetánion tsi iostenrakarónhtons ó꞉ni tsi ioshonwéhnions tánon nostenrákes kassonhionniá꞉nions ó꞉ni ohontsokónsons tánon tsi nón꞉we nihatiʼnekará꞉kwa.