2 Samuel 24:10 - Ohiatonhseratokénti

¹⁰ Ók onakènhke, ne Táwit wahawerhiasanónhwake tsioríhwa tsi sakoséhton nonkweʼókon. Ne Táwit wahawénhase ne Roiá꞉ner, “Wakeriwáneren kwáh teiotenonhianíton ne tsi niwakatiéren. Ók kíʼ nón꞉wa, Ó Saiá꞉ner, Wakaterénhnaien shonháke, éhren shasáwit ne nakenhí꞉tsera; asèken thóh niwatiéren ne kwáh í꞉ken teiotenonwarorítonhte.”

2 Samuel 24:10 ပူးပေါင်းရင်းမြစ်များ

2 Samuel 12:13

Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

2 Samuel 24:17

Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

1 Kings 8:35

“Né nó꞉nen entesónhneke nokenhnorésehra né karihónhnis ne shonkwetaʼshónhas tsi rotirihwáneren tsi nòkwah níse, tánon kíʼ nónen enshontatréwathe tánon kénʼen Ononsatokentíke entʼthónhne enkonhwarihwaníratse ne shasénhna tánon enhóntkaʼwe ne rahotirihwanerahákʼtsheras tsoríhwa tsi nisehrewáthon,

1 Chronicles 21:7

Né Rawenni꞉io iáh nenhʼné꞉e tehawerientiʼióʼon tsi naháwenhne, sók kíʼ washakoréwaʼte Nisraeʼró꞉nons.

1 Chronicles 21:8

Né Táwit wahawénhaʼse ne Rawenni꞉io, “Iorihowánen sakaterihwatéwathe ne karihwáneren tsi nátiere! Asatʼthontátʼtsheke saskenikónhrens. Teiotenonwaroríhtonhte tsi nakátiere.”

2 Chronicles 16:9

Né Roiá꞉ner kwáh í꞉ken tsi ákta ranikónhrahre ne tsi ionhontsáte, teshakówis ne kashastsʼténhsera tsi niháti né kwáh toneriasaháton tsi rotirihwatóken ne rahonháke. Tehiotenonhwaroríhtonhte tsi nashá꞉tiere, tánon káti kénʼen ienwathásawen tsi kwáh kíʼ tiókonhte tsi ensaterí꞉ioke.”

2 Chronicles 32:26

Khaʼrehkiʼó꞉nen, tsi nihiótha, né Hezekiah tánon nonhkweʼshón꞉as ne Jerusalem nón꞉we etʼthá꞉ke wahonthatónhni, tánon kí ne Roiá꞉ner iáh teshakorehwáton nonhkweʼshón꞉as tsitʼwarénheʼie ne Hezekiah.

Job Tánon ne Raoronhiakensera 7:21

Nontié꞉ren tsi iáh tesrá꞉kwas nakaterenhtawenré꞉tshera tánon é꞉ren sáwít nakerihwaneraháktshera? Asè꞉ken ó꞉nenh kwáh enkatiatiónhnite okénrahke; ní꞉se enstiatí꞉shake, ók iáh ki thóh tahonsakésehke.”

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Exodus 10:16

Ethòne kíʼ ne ronhnonhtí꞉io kasteríhenke tsi iasakóʼnonhke ne Mahís ó꞉ni ne Aaron tánon wahénron, “Wakeriwá꞉neren tsi nókwah ne Roiá꞉ner ó꞉ni nisèhke.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Hosea 14:2

Iasewáhaf nowén꞉nas tánon rahonhà꞉ke ne Roiá꞉ner nionshá꞉sewe; tsi sewénhas, “Akwé꞉kon é꞉ren sáwit ne kanhí꞉tshera; ne tséna nahó꞉then ne ioiánere, tánon kwáh kí ienhiakwáhthate tsi nitsakwahtateriwastá꞉ni.

Joel 2:12

Iehió꞉he shé꞉kon nón꞉wa, ráton ne Roiá꞉ner, kwáh sewerhiasakwé꞉kon akonhá꞉ke natontásewe, sewenhthón꞉tiet, tánon tesewasénhtho, tánon shewatsiónhnion;

Numbers 12:11

wahawénhase ne Mahís, “Asatʼthontáʼtsheʼke, sénʼshion, tóhsa thaʼtsiónhnien nahiakwahronhiáken kí꞉ken karewatá꞉tshera né akarihónhni tsi natehiotenonhwaroʼríhtonte nonhkwahrihwaneraháktshera.

St. Mark 7:22

Kanenskȣen, aiontatkaronni nonkȣe kaserohensera, kanikonrhaton, askennhatsera, atatkenronniatsera, kanaiesera.

John 1:29

Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

John 8:9

Neh kati nonen enhonronke neh nikaȣennoten, ȣahontatienterene ne raonerientakon; satiiatatshonha sahatiiakenne, neh taontierente nesenha rotikstenha tsiniiore akȣa iahontsahate; nese ȣaonni, iatonsahaonhahaste ne Iesos tanon nekenh tsiotonȣisen ehto katakȣe

Deuteronomy 32:6

Thóh ken ki ní꞉ioht tsi natsisewatié꞉raʼse ne Roiá꞉ner, tisewathonhnókthe, iáh tesewatotkhatsherá꞉ien? Raónha tsisewaní꞉ha í꞉ken, tsi sewahiatí꞉son, raónha tsi sewenhtiokonhnién꞉ni.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.

1 Samuel 13:13

Ne Samuel wahawénhaʼse ne Saul, “Teiotenonwaroríhtonhte tsi nashá꞉tiere; iáh tesatienawáston ne raorihwatátʼtshera ne Roiá꞉ner Saní꞉io, ne tsi nihiaʼnáhon. Ne Roiá꞉ner aorihwakwatá꞉kwen ne sanontiʼiotiéra thóh nón꞉we Israeronónke ne ne tsi nénhwe aʼkénhake,

1 Samuel 24:5

Onakènke ne Táwit wathó꞉kwahte rawerhiáne tsioríhwa tsi tahoharáhkwen ne tsi iatekaiósaien ne Saul tehatewehiaráhkwah.

1 Samuel 24:6

Ne raónha wasakawénhase ne raonkwetaʼshón꞉ʼahs, “Ne Roiá꞉ner roriwáston neh thóh kí꞉ken nahiʼiéhrase Natiá꞉ner, ne ne Roiá꞉ner roiatahrákwen, neh niaʼtahkanénhtseste nahiʼiatkónten; asèken ne ne Roiá꞉ner rohiatahrá꞉kwen.”

1 Samuel 26:21

Ehʼthó꞉ne ne Saul wahén꞉ron, “Tewakaterientawénhrie; tontasáket, konién꞉ʼa Táwit, asèken kwáh kiʼ iáh nonwénhton shé꞉kon tahonsakonkaréhwate, tsioríhwa nakatónnhets tsi nikanó꞉ron ne sahén꞉ton nón꞉wa wenhniseráte; Tewakatonʼnóktahkwe, tánon teiotenonʼianíton tsi watkaterientawénhrie.”