2 Samuel 23:8 - Ohiatonhseratokénti

⁸ Ne kí꞉ken ne raotisenhnashón꞉ahs ne ronterí꞉ios ne Táwit rahonkwetaiéntakwé꞉ne ne Josheb-basshebeth Tahchemonró꞉non; rahón꞉a nohénton iehá꞉takwe kíʼ náhsen nihá꞉ti; ne wáratste raoshí꞉kwara tsi iasakotiatónhti ne shaté꞉kon tewenhniá꞉we nihá꞉ti ronhnón꞉kwe rahón꞉a wasakononwarhiá꞉kon nénskak iakaién꞉te.

2 Samuel 23:8 ပူးပေါင်းရင်းမြစ်များ

2 Samuel 10:7

Nó꞉nen ne Táwit sahariwáronhke, Joab iahotóri ó꞉ni ratiʼkwé꞉kon ne ronterí꞉io ahónhne ne ronterí꞉ios.

1 Kings 1:8

Ók ne Zadok né ratsihénstatsi, tánon ne Benaiah né꞉ne roʼníha ne Jehoiada, tánon ne Nathan rotokenséhakwe nenhné꞉e, tánon ne Shimei, Rei, tánon ne Táwit ronwahiathanónhnaʼkwe iáh nenhné꞉e Adonijah tethonwatswanónhnen.

1 Chronicles 11:10

Né kí꞉ken né tsi ratisennarónhnions ne Táwit raʼonkweʼtashón꞉as ronterí꞉ios. Né skát꞉ke ne ronátiakes nonkweʼshón꞉as Nisraeró꞉nonke, né ronhwaʼiénawaʼse tsi rononti꞉ióʼon, kwáh kíʼ tsi nihorahráts꞉ton ne Roiá꞉ner, tánon raʼtinikónrahre ne raʼonakerásehra nakashástsʼteke.

1 Chronicles 27:1

Né kí꞉ken ne tsi ratisenhnarónnions Nisraeʼró꞉nons nonnontsikowátsons tsi ratiwatsíraien ó꞉ni nononhtsikowátsons tsi ratitaraiénton tánon ne rahonhnonkwetaʼshónhas ne ronhteriwatsʼterístha ne rahioténhsera ne tsi kanakeraseráhien. Shewenhnitátʼtsons ne tsi nihiósehres thiʼkentsiokwahténions ne tewásenh-kaiéri tewennhniawehetsherásen nihá꞉ti ronhnón꞉kwe tenontʼtenihátha tsi ronhwatihioténstha né teshakoniarotáron ne rahsenhnówa né roteríhonte né wenhnítare.

1 Chronicles 27:2

Né kén hiotsétons né꞉ne ratisenhnowánens né ronaterihóntons ne sewenhnitátʼtsons: Né tiotserénton wenhnítare: Jashobeam né꞉ne roienkénʼen ne Zabdiel (thóh nón꞉we nihaiátarahkwe tsi ratitárahien ne Perez, ostónha ráhwere tsi ratitsiókwahien ne Judah) Né tekeníhaton wenhnítare: Dodai, Ahohi nón꞉we nitotʼwatsiríhnon (Né Mikloth né tekeníhaton ísrahte tsi rasenhnowánen í꞉ken) Nasénhaton nenhnítare: Benaiah: né꞉ne roienkénʼen ne Jehoiada ne ratsihénstatsi kènhʼne; rahónha sakohentenhséhaʼwe “Nasenhniwáhsen nihátikwe” (né roiénha né꞉ne Ammizabad tonhsahonátʼthaʼkwe tsi rahsenhnowánenhne ne tsi rahtitsiókwahien) Né kaieríhaton niwenhnítarahkwe: Asahel, né iathatekénha ne Joab (né꞉ne roiénha Zebadiah tonhsahonatʼthákwen) Né wískʼkhaton siwenhnítare: Shamhuth, Izhar nón꞉we nitotwatsiríhnon Né iá-iak khaton siwenhnítare: Ira né꞉ne ronikénʼen ne Ikkesh né꞉ne Tekoa ró꞉non Né tsatákhaton wenhnítare: Helez, né꞉ne Ephraimró꞉non né꞉ne Pelonró꞉non Né shatekónhaton wenhnítare: Sibbecai né꞉ne Hushahró꞉non (thóh nón꞉we nihaiátarahkwe tsi rahtitárahien ne Zerah, ostónha iáwere ne Judahró꞉non) Né tiotónhaton wenhnítare: Abiezer né꞉ne Anathothró꞉non tsi rahtinakerahseráien ne rahotitsiókwah ne Benjamin nitawénon Noieríhaton wenhnítare: Maharai né꞉ne Netophahró꞉non (tsi rahtitárahien ne Zerah nón꞉we nihaiátare) Énska iawénhre niwenhnítare: Benaiah né꞉ne Pirathonró꞉non tsi kanakeraseráien ne Ephraim ó꞉ni tsi ratitsiókwahien ne Ephraim nón꞉we nitáwe. Tekeniiawenhre niwenhnítare: Heldai né꞉ne Netophahró꞉non (né꞉ne Othniel nón꞉we tahawatsirahtátie)

1 Chronicles 27:32

Né Jonathan, né꞉ne kwáh Ronnontí꞉io Táwit rononhwáha í꞉ken, rorenhnáhonhne nasakotenhnikonhraʼshónterahse tánon roʼteweiénston. Ahónha tánon ne Jehiel né꞉ne roienkénʼen ne Hachmoni né꞉ne roterihóntaʼkwe nahsakohiatonhseraʼweiénsten ne ronnontí꞉io rahonekenteronhtsheraʼshónhas.

Judges 15:15

Ethòne wahastsienhtatʼtsénhri ne tewahóntes rarhiotsáke kènhne né꞉ne iáh wahónhnise tsi náhe thawenhé꞉hion. Watatʼtsakéthe tánon wákrakwe, tánon ne wáratsʼthe enskatewenhniawehetserásen niháti ronnónhkwe washakononhwarhiákon.