2 Samuel 23:4 - Ohiatonhseratokénti

⁴ thóh ní꞉iot kwáh ne ne tsi nateioswát꞉te noronkéne, kwáh tsi ní꞉iot tsi tahiohrakwinekenhenhá꞉tsie kwáh iáh othènon teiotsatarónhnion norónhneke, tsi natehiokaráhiat nó꞉nenh iokennorenhserentá꞉hon éʼneken tsi kahentáien.

2 Samuel 23:4 ပူးပေါင်းရင်းမြစ်များ

Psalms 110:3

Né shonkwetaʼshónhas kwáh thóh nenhotinikonhrothénhake tsi ienhonthatátʼkawe naieshatsátarahse nenhtewenhniseráteke ensehwaʼterí꞉io ne ieshá꞉shons né onontatokentíke nón꞉we tsi nentʼkaráhkenhne nonronkéne, tsi ní꞉ioht ne iohá꞉weien thóh ní꞉ioht ne shonkwetaʼshónhas ne kenhnitotihiónsas tsi entʼtonhne shonháke.

Psalms 72:6

Waʼkaterénhnaien thóh nahahiatoténhake tsi ní꞉ioht ne iohkenhnó꞉ron tsi nón꞉we nikaientʼthóhseron, tsi ní꞉ioht tsi iohtsatará꞉ties tsi iokenhnó꞉res nonhwenhtsáke.

Psalms 89:36

Kwáh tsiókonte tsi enhawaʼtsirahthátse, tánon kwáh enkathenhnikonhráren ne raonakerásehra tsi nikaríhwes enkarahkokʼthá꞉ke.

Proverbs 4:18

Kí꞉ken oháha ronthahí꞉ne thotirihwaié꞉ri thóh ní꞉ioht tsi shí꞉ken takarahkwínekenʼne, sénha teioswatheʼonhátie tsi niió꞉re entiehkè꞉ne én꞉wawe.

Isaiah 18:4

Asèken ne aorihwàke ne Roiá꞉ner wahakénhase: Kwáh kí sák thenkénhake tsi entkatkátho tsi nón꞉we tkí꞉teron kwáh tsi ní꞉ioht tsi niwé꞉ne tsi nihiotaríhen tsi iorákote, kwáh tsi ní꞉ioht iotshátare ne ioháweien tsi niʼhiotaríhen tsi nihieienhtwákwas.

Isaiah 4:2

Né éʼtho enwenhniseráteke ne raonhá꞉te ne Roiá꞉ner kwáh kí í꞉ken tsi enwatehiáron tánon enkowanénhake ó꞉ni enwatʼkatotseriʼióhake tánon enhiorihwanerakwáhtonhke, tánon tsi nahoténsons ne kaienthóseras watonhniátha nonhontsáke kwáh kí ne enhontenáieste tánon ne raotiʼiatanerakwátshera enkénhake niaʼtehonathaténron NʼIsraerʼronónke.

Isaiah 60:1

Téstann, tesaswát꞉tek; asèken né saswathetsheraʼónhwe, tánon ne raoʼiatanerakwáhtshera ne Roiá꞉ner thontʼkétsko shonháke.

Isaiah 60:3

Né ronhnonhontsakeʼró꞉nons kwáh saswatʼthetseráke nenhtónh꞉ne, tánon ne rontiʼnontí꞉ios ne thenotiswathéten tsi nenhsárenhne.

Hosea 6:3

Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

Hosea 6:5

Ne káti aorì꞉wa kherontsá꞉kon rotitokénse nón꞉we nitsawé꞉non, Khenonwarhiá꞉khon tsi nitsawé꞉non owén꞉na ne tsitsaká꞉ronte, tánon nakerihwenhthátsera ohén꞉ton niewé꞉tha tsi ní꞉ioht ne teioswát꞉te.

Micah 5:7

Ethò꞉ne ne niatehonathaténhron ne Jacob, kwáh kí raotinenrí꞉hen enhenteróntake, kwáh thóh nenhatiiatothénhake tsi ní꞉ioht ne iohawé꞉ien né꞉ne Roiá꞉ner tesakoteniethénhni, tsi ní꞉ioht ne iotsatará꞉ties nohontá꞉kes, ne ne iáh tehoterá꞉rats ne rónkwe iáh ó꞉ni tehiakoteráhrats nonkweshón꞉as.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

John 1:7

Neh raniente nahatkatto nok ahatrori tsinonkati ne kasȣathetsera eh naontaȣe akȣekon aontaiaketakȣe Raonhake.

Deuteronomy 32:2

Nakerihonhnienhní꞉tshera thóh ní꞉ioht tsi entewasénhne tsi ní꞉ioht ne iostharathénions nenhiokén꞉nore tánon thóh nenhiá꞉wenhne nonhontsà꞉ke tsi ní꞉ioht ne iohawé꞉ien. Nakewenhnahó꞉kons entewasénhne tsi ní꞉ioht ne iotsatharátses nenhionatstaraté꞉ni ne ohonwá꞉rahses, tsi ní꞉ioht ne skenénha tsi ní꞉ioht tsi iokenhnó꞉ron ne ohonthásehke.

Judges 5:31

Aiáwens kíʼ ratikwékon ne shasóhtar thóh ní꞉ioht tsi ahonhníheie, O Saiá꞉ner, ók aiáwens ne sateró꞉seras thóh ní꞉ioht tsi tahononhkwetátʼtheke tsi ní꞉ioht ne tahiorakwenhnikenhátie! Tánon káti skénnenk thikènʼne ne tsi ionhontsáien né꞉ne kaiéri niwásenh nihiosehráke kènhʼne.