2 Samuel 23:20 - Ohiatonhseratokénti

²⁰ Ne Benaiah ne roiénha ne Jehoiada kwáh í꞉ken tsi rasenhnowanénhne tsi raterí꞉ioskwe kènʼne Kabzeel nón꞉we nihanákerehkwe, ne roʼioténtenskwe ne iorihowánens; Kwáh ó꞉ni iehosnenhtón꞉ne nosonkwákon tánon iahanonwarhiákhon kénreks neh shiʼwenhniserátekwe satehionhokwatásekwe.

2 Samuel 23:20 ပူးပေါင်းရင်းမြစ်များ

2 Samuel 1:23

Ne Saul tánon ne Jonathan kwáh í꞉ken tsi ronwatinorónhkwahkwe ó꞉ni ronwahtikweniénstahkwe! Tsi ninónnhekwe ó꞉ni ne kenheiát꞉ne iáh kiʼ tatehonwatikháshion; ronhnón꞉ha sén꞉ha teotikhá꞉kwe tsi ní꞉ioht nakweskówa, ronhnónha sén꞉ha tenishástekwe tsi ní꞉ioht ne kénreks.

2 Samuel 20:23

Nón꞉wa ne Joab rahónha tesakoniaró꞉taron ratikwé꞉kon ne ronterí꞉ios NIsraerʼronónke; Benaiah ne ne roiénh ne Jehoiada rahónha ne tesakoniaró꞉taron ne Cherethites ó꞉ni ne Pelethites;

2 Samuel 23:19

Rahón꞉ha sénha rasenhnowanénhne tsi ní꞉iot kíʼ áhsen nihwáhsen nihá꞉ti, tánon neh iahá꞉ton wahateriʼioserakweʼniʼióne; ók iáh kíʼ nonwénton tiehèro neh nahasennowanénhke tsi ní꞉iot kíʼ áhsen nihá꞉ti.

2 Samuel 23:21

Tánon roʼnonwarhiákhon Egyptró꞉non, ne ne ranekenterón꞉takwe rónkwe. Ne Egyptró꞉non rashikwarenháwakwe; ók ne Benaiah ratahtserenháwakwe nenhné꞉e, wahoshikwarákwa ne Egyptró꞉non, tánon wahononwarhiá꞉khon ne kwáh rahón꞉a raoshí꞉kwara wáratste.

2 Samuel 23:22

Thóh kíʼ nihoieránion ne Benaiah ne roiénha ne Jehoiada, tánon wathaténtsa ne kaʼsénhna tseská꞉te kiʼ asenhnihá꞉ti ronterí꞉ios.

2 Samuel 8:18

Ne Benaiah ne ne roʼníha ne Jehoiada neh sakohentenhséhakwe ne Cherethites tánon ne Pelethites; tánon ne Táwit roién꞉ha ne ratsihénstatsi kènhne.

1 Kings 1:26

Ók iáh kíʼ ní꞉i tehakonhkaráwi, sénshie, ó꞉ni ne Zadok ne ratsihénstatsi ó꞉ni ne Benaiah ó꞉ni ne Solomon.

1 Kings 1:38

Káti ne Zadok, Nathan, Benaiah, ó꞉ni ne kanonhtiʼiótsera ronhwatiʼhiathánonhne, ne Solomon Ronhnonhtí꞉io rahotshénen tewahóntes kahiáthake wahonskwáhren tánon wahonthenró꞉sen tsi niahónhne ne Gihon Tsonáweroʼte.

1 Kings 1:8

Ók ne Zadok né ratsihénstatsi, tánon ne Benaiah né꞉ne roʼníha ne Jehoiada, tánon ne Nathan rotokenséhakwe nenhné꞉e, tánon ne Shimei, Rei, tánon ne Táwit ronwahiathanónhnaʼkwe iáh nenhné꞉e Adonijah tethonwatswanónhnen.

1 Kings 2:46

Ethòne kíʼ ne ronhnonhtí꞉io wahó꞉nahne ne Benaiah, iahá꞉re tánon wahononhwarhiákon ne Shimei. Ó꞉nenh kíʼ ne Solomon kwáh hiatehahiáti tsi roʼterihwatsʼteríston.

1 Chronicles 12:8

Né kí꞉ken ne raʼotisenhnasónhas ne ratisennowásens, rotirenhnáhons ronterí꞉ios né rahotiʼtsiókwahkon ne Gad ratiʼiátare ronónha ronhwatsataráhni ne Táwit rahotsiókwas né iahontsathénke tsi tewatenhénroʼte shíe꞉reskwe. Rotirenhnáhons náhonste ne tehioniaʼtástha ó꞉ni nashí꞉kwahras, ehʼnihiót꞉teron tsi nihatiʼiatótens tsi ní꞉ioht ne kénreks tánon thóh naʼtehotíkas tsi ní꞉ioht ne oskenónton onontakónha.

1 Chronicles 18:17

Né Benaiah né꞉ne roienkénʼen ne Jehoiada rahónha ne sakonikonhráhraʼkwe ne Táwit ronhwaʼiathanónhnaʼkwe; tánon ne Ronnontí꞉io Táwit roiénha kwáh ne í꞉ken tsi tiotenák꞉thaʼte tsi ní꞉ioht tsi roterihónthaʼkwe.

Exodus 15:15

Nohénton iehonʼnéton ne Edom roʼtíterons; Ne Moab ne ratiʼshatsʼtes roʼnónhkwe roʼthiiatihʼshónhkwa; nonhkweshón꞉ʼa ne Canaan nónwe wahonhnikonhrók꞉ten.

Joshua 15:21

Ne kwáh ahí꞉non nió꞉re tkaná꞉taien nenhtiè꞉ne nón꞉we ronónha rahonákwenk, tsi niká꞉ien ne ákta tsi karistatátie ne Edom, tánon ne Kabzeel, Eder, Jagur,