2 Samuel 23:18 - Ohiatonhseratokénti

¹⁸ Nón꞉wa ne Abishai ne roiénha ne Zeruiah, ne iathatekenha énha ne Joab, rahónha sakohentenhséhakwe kíʼ áhsen nihwáhsen nihá꞉ti. Ne wáratste ne raoshí꞉kwara tsi wahonhterí꞉io ne áhsen tehonhnenhniáwe nihá꞉ti ronhnón꞉kwe tánon washakotinonwarhiakhónhnion, tánon wahasenhnowána tseská꞉te tsi nòkwa kíʼ áhsen nihá꞉ti.

2 Samuel 23:18 ပူးပေါင်းရင်းမြစ်များ

2 Samuel 10:10

ne roná꞉tsiakes ronnón꞉kwe ne ne wahotiéten ne entesakoniarotaró꞉ke ne iathatekénha Abishai, tánon raón꞉ha washakoweienénhtane niasakonatiatónhti ne Ammonró꞉nons.

2 Samuel 10:14

Nó꞉nenh ne Ammonró꞉nons sahonwatíken ne Aramró꞉nons wahontèko, kwáh nonʼné꞉e thóh nahatí꞉iere ne ronón꞉ha sahontèko raohén꞉ton ne Abishai, tánon iahatinatárane ne kanatowá꞉kenke. Ehʼthóhʼne ne Joab thóh nionsá꞉re ateriʼioseráke nahonterí꞉io ne Ammonró꞉nons, tánon iahá꞉rawe Jerusalemke.

2 Samuel 18:2

Tánon ne Táwit wateshakokʼkhashión꞉ko ne ronhterí꞉ios áhsen nahanitsiokónhni ⅓ ne ne entesakoniarohtaró꞉ke ne Joab, ⅓ ne ne entesakoniarotaró꞉ke me Abishai ne roní꞉ha ne ne Zeruiah, ne ne Joab iatatekénʼa, tánon ⅓ ne ne entesakoniarotaró꞉ke ne Ittai ne ne Gitró꞉non. Ne ronnontí꞉io wasakawénhase ne ronnónkwe, “Kwáh ó꞉ni í꞉i ientiákenhne nahí꞉tewe ní꞉se.”

2 Samuel 2:18

Ne áhsen niháti ne Zeruiah raonekenterontseraʼshón꞉ahs thóh rón꞉neskwe, ne ne Joab, Abishai, tánon ne Asahel. Nón꞉wa ne Asahel thóh natehó꞉ka tsi ní꞉ioht ne kahentakéha oskenón꞉ton.

2 Samuel 20:10

Ók ne Amasa iáh ne tehoktóken nasá꞉re ne Joab ratshanáke ráhawe; ne Joab ranekwentá꞉ke nón꞉we nahoién꞉te káti ne raokaróstha takaiá꞉kenhne ohontsá꞉ke iakaiéntaʼne, tánon warénheie. Iáh kíʼ teshoién꞉ton ne tekení꞉haton iahonshón꞉terastste. Ehʼthón꞉ne ne Joab tánon ne iathatekénʼen Abishai wahonwahiatiʼsák꞉kha ne Sheba ne roiénha ne Bichri.

2 Samuel 23:19

Rahón꞉ha sénha rasenhnowanénhne tsi ní꞉iot kíʼ áhsen nihwáhsen nihá꞉ti, tánon neh iahá꞉ton wahateriʼioserakweʼniʼióne; ók iáh kíʼ nonwénton tiehèro neh nahasennowanénhke tsi ní꞉iot kíʼ áhsen nihá꞉ti.

2 Samuel 3:30

Káti ne Joab tánon ne iatahtekénʼha Abishai wahonwásehte ne Abner tsioríhwa tsi raón꞉ha rononwarhiá꞉khon ne rontahtekénʼha Asahel ne tsi waterí꞉iokwe ne Gibeon nón꞉we.

1 Chronicles 2:16

Tékeni ó꞉ni teoiatasetsheraʼiéntaʼkwe, né꞉ne Zeruiah tánon ne Abigail. Né Jesse sakoiénha Zeruiah áhsenh nènhʼne niʼiakonekenteronhtsheraʼiéntaʼkwe: né꞉ne Abishai, Joab, tánon ne Asahel.

Ecclesiastes 4:12

Né tehionkwétahke enwáhton nahnihióthate ne tó꞉sa ahontahonwanahtsiathónti tsi ní꞉ioht ne tionkwéta khók akénhake. Naserí꞉ie násen niwaseriʼiétake tekawahtáse tsi ionhniáton kwáh íken tsi ioníronh ne tahiéhiake.