2 Samuel 23:14 - Ohiatonhseratokénti

¹⁴ Ne Táwit thóh ne nón꞉we nihenterónhtakwe atenhénrakon nosténhra watenhén꞉raien; tánon ne rahotiʼtsió꞉kwa Philistiaró꞉nons ronterí꞉ios thóh ne nón꞉we Bethlehem thónneskwe.

2 Samuel 23:14 ပူးပေါင်းရင်းမြစ်များ

Genesis 35:19

Katíʼ ne Rachel waʼkénheie, tánon tho nón꞉we naʼkonwaiaʼtáta tsi nieiothahí꞉non ne Ephrath (ne ne Bethlehem),

2 Samuel 5:17

Nó꞉nen ne Philistines sahatirihwáronhke nètho Táwit tsi ronwaiatahrákwen nahonhnontí꞉ioke ne Israeronónke, ratikwé꞉kon ne Philistiaró꞉nons iahón꞉ne wahonwaʼiatiʼshá꞉ka ne Táwit; ók ne Táwit waharihwáronhke tánon tho niaháre tsi tewatenhén꞉raien ne tekanatanák꞉ton.

1 Chronicles 12:16

Iahonterátste shotiʼtsiókwah ne ronhnónhkwe ne tsi ratiʼtsiókwahien ne Benjamin tánon ne Judah iahón꞉ne tsi tewatenhenró꞉te tsi nón꞉we tenhterónthakwe ne Táwit.

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.

1 Samuel 13:23

Nón꞉wa ne raotitió꞉kwas ne ronterí꞉ios ne Philistines iehonatʼthaʼhíten tsi niehiotohétston ne Michmash.

1 Samuel 13:4

Nó꞉nenh ratikwé꞉kon nIsraerʼronónke saonahthónhtene nètho Saul tsi sakosénhnion ne ronwanahtsatonhtakwénhni ne Philistine, tánon kwáh ó꞉ni nètho Israerʼró꞉nons wahonwatíshon ne Philistine, nonkweʼshón꞉áhs tahonwatínonke nahonwatiá꞉taraʼse ne Saul thóh nón꞉we Gilgal.

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 22:1

Ne Táwit éhʼren tontáhrehte neh nón꞉we tánon thóh nón꞉we iahatekwáhsen tsi tsostenrakáronte ne Adullam; nó꞉nen ne sakotsihokónʼahs tánon ratikwé꞉kon ne roní꞉ha raonónskon sahatirihwaronkánion, thóh niahón꞉ne tsítres.

1 Samuel 24:22

Káti ne Táwit wahorahrátsten ne Saul. Eʼthóhʼne kiʼ ó꞉nenh ne Saul sahaténhti tsi thóh nón꞉shote nionsáreh; ók ne Táwit tánon ne raonkwetashón꞉ʼahs sahontahsehtáhna tsi nón꞉we thóh natahséhtonhne.