2 Samuel 23:10 - Ohiatonhseratokénti

¹⁰ ók iáh kí ne éhren tesawé꞉ton. Ne rahónha wasakononwarhiakhónnion ne Philistiaró꞉nons tsi niió꞉re iathanenhtsakénheie, kíʼ shá꞉ne ne ratshanáke thóh rosará꞉kwakon. Ne Roiá꞉ner tahahá꞉we kowánen atesenhniétshera nètho wenhniserátekwe. Eʼthó꞉ne nonkweʼókons rahonhá꞉ke nionsáien—ók ne khók nahonwatinenskwenhá꞉ton ne roʼnenhéions.

2 Samuel 23:10 ပူးပေါင်းရင်းမြစ်များ

2 Samuel 23:12

Ók thóh nón꞉we nathá꞉tane ne satekahetíhen taháh꞉ne, tánon wasakononwarhiakhónhnion ne Philistiaró꞉nons; tánon ne Roiá꞉ner taʼhá꞉hawe ne koʼwá꞉nenh atesenhniétshera ne thóh wenhniserá꞉tekwe.

2 Kings 5:1

Né Naaman, raónha ranenhrakwení꞉iokwe ne Syriaró꞉nons ronhterí꞉ios, kwáh í꞉ken tsi ronhwakweniénsthakwe tánon tehorensháronskwe ne Syriaró꞉non ronnontí꞉io, tsioríhwa tsi raonhá꞉ke ne Roiá꞉ner teshakówi ne Syriaró꞉nons ronterí꞉ios naʼtesenhniétsera. Kwáh í꞉ken tsi rasenhnowánenʼne tsi rashotarkénʼen, ók né roʼronhiakénthaʼkwe tsi rostá꞉wiskwe.

1 Chronicles 11:13

Táwit nòkwah raʼotsió꞉kwah wahatsátaʼre tsi wahonterí꞉io ne Philistiaró꞉nons né Pas Dammin nón꞉we. Teiotikonstónres tsi kaientʼ tón nón꞉we níreskwe nó꞉nen Nisraeʼró꞉nons shonsahontèʼko,

Psalms 108:13

Tsi entewaʼkwékonhke Sewenní꞉io kwáh kíʼ eniakwahtesénhni; kwáh kíʼ rahónha tesakoskwáhsehron ne hionkhíshons.

Psalms 144:10

tsi nikáien tesakówis natesenhniétsheras ne ronhtinontí꞉ios, rahónha shoniakéntha ne raonhátshera Táwit.

Psalms 68:12

“Né Rontinontí꞉ios tánon ne rahonhnonkwetashón꞉has ronhterí꞉ios, ronatèkwen, ronatèkwen!” Né konhnón꞉kwe ne tkonthíteron tsi iotinonshó꞉tons watkonthatsiakskónhaʼse tsi nahoténsons ne waʼtserón꞉kwen,

Isaiah 53:12

Né ká꞉ti aoríwa kwáh enhirákwaʼse ostónha skát꞉ne ne ratishátsʼtes, tánon kwáh thensakohiakhónhaʼse ne kanénskwen skát꞉ne ne ratiʼshátsʼtes; tsioríhwa tsi iahathatáʼkaʼwe ne kenheiátʼne, tánon éh nontahonwátaʼte tsi ní꞉ioht ne ionkwetaksénskwa; ethohʼsàne wahathá꞉wa ne karihwáneren ne iakotsiokowánen akorihwáke, tánon wasakoʼterenhnaiénhase ne iakorihwaneraháts꞉kon.

Romans 15:18

Entewakenikonrahkontákwen ó꞉ni nek khók enkatróri tsi nihoiéren ne Kerístos nakonháke nakheiasáriʼne ne iáhʼtehatiʼsitaeronons neh꞉ne ahonwawénnaraʼkwe ne Rawenni꞉io. Neh iorihónʼni tsi nikawennhóten wakathatíhon ó꞉ni nakeweiénʼna,

2 Corinthians 4:5

Iáh í꞉ʼi teiakwataterihwahnotá꞉nis. Nonkwaterihwahnotáhtshera ne tho Ié꞉sos Kerístos, raónha ne Roiá꞉ner. Raónha ó꞉ni iahshonkwató꞉ri nakwaioʼténhse.

Joshua 10:10

Ne Roiá꞉ner wasakahónhnien ne Amorʼró꞉nons nahonateronhniénten tsi nashakotí꞉ken ne Israerʼró꞉nons ronhterí꞉ios. Ne Israerʼró꞉nons wahonwanawenhthóseron ne Gibeon nón꞉we tánon sahonwananonhtatsnenhthákwen ne tsi iehiotohétston ne Beth Horon, iehonwanatiaʼtónhties tsi nió꞉re ne entiè꞉ne nokwá꞉ti ne Azekah ó꞉ni ne Makkedah.

Joshua 10:42

Ne Joshua washakoshén꞉ni ratikwé꞉kon ne ronhtinonhtí꞉ios ó꞉ni ne rahotinakeráseras né꞉ne énskak khók iahontarátsthe tiorì꞉wa ne Roiá꞉ner, Israerʼró꞉non Shá꞉koní꞉io, raónha washakoterí꞉iose Nisraerʼró꞉nons.

Joshua 11:8

Ne Roiá꞉ner thasaká꞉wen natesehniéntshera Nisraerʼró꞉nons tsi wahonwatishén꞉ni ne tehontaʼtsons; Nisraerʼró꞉nons iahonwanatiaʼtón꞉ti tánon sahonwatisehréson tsi nió꞉re ne othorè꞉ke nokwá꞉ti ne Misrephoth Maim tánon ne Sidon, tánon tsi nió꞉re ne nà꞉kon nokwá꞉ti nahonráhkwakon ne Mizpah. Nateriiósera iahontkónhthakwe tsi nió꞉re ne iáh ónhka tesrónhnhekwe ne tehontaʼtsons.

Judges 15:14

Shaháraʼwe ne Lehi nónhwe, ne Philistiaró꞉nons ratitátʼke tsi thontahonwátheraʼte, tehotihenrétha rahohénton. Thontahiawénhstsi ne rahoshastsʼténhsera ne Roiá꞉ner wahoshastsʼténhsheron, tánon wathasehrihietsákon ranenhtshákes tánon ratshanákes wáratsʼthe thóh ní꞉ioht tsi shí꞉ken ní꞉ioht nahiotsenhónhake nasehrí꞉ies.

Judges 15:18

Ethòne ónen ne Samson kwáh í꞉ken tsi wahoniatátʼten, sók kíʼ Roiá꞉ner iahonáton tánon wahénron, “Í꞉se táskon kí꞉ken kowánen atesenhniétshera; ónenh káti ken kaniatatʼthentséra enwakeríhiote tánon roʼnónha kí꞉ken iáh tehoneriása Philistiaró꞉nons enhiontiéna?”

1 Samuel 11:13

Ók ne Saul wahén꞉ron, “Iáh ónka tahionthaʼtenonwarhiáʼkhon nón꞉wa wenhniseráte, asèken ón꞉wa wenhniseráte ne Roiá꞉ner taháhaʼwe tsi sasahkonónstaʼte NʼIsraerʼró꞉nons.”

1 Samuel 14:23

Káti ne Roiá꞉ner atesenhniétshera tashaʼkáwen NʼIsraerʼró꞉nons nètho wenhniserátekwe. Nateriʼiósera kwáh iehiotohétston ne Beth-aven, tánon ne ronterí꞉ios ne ratikweʼkonhá꞉tiene ne Saul ne khaʼkwékʼton kakʼnònhne oiéri tewenhniaʼwehetsherásen nihátikwe. Nateriʼiósera iatewaré꞉ni ne tsi ionhniaʼrónhnion tsi kanakeraserá꞉ien ne Ephraimke.

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 17:53

Ne Israerʼró꞉nons tontahón꞉kete tsi sakotíserehne ne Philistiaró꞉nons, tánon wasakotinenskwenháton tsi ronahnataién꞉takwe.

1 Samuel 19:5

asèken thóh wahathatonhnáren ratsanáhke nó꞉nen shiaʼhotiatónhti ne Philistiaró꞉non, tánon ne Roiá꞉ner tahá꞉hawe kowánen atesenhniétshera nakwé꞉kon akorihwáke NʼIsraerʼronónke. Ní꞉se satʼkáton, tánon satonhnaráhon; onhnontiéren ká꞉ti tsi asherihwánerake tsi nòkwah ne iáh tehoníkon rón꞉kwe ne tsi atieʼnonhwarhiákon Táwit ne kwáh iáh othènon teiorihonhníhon?”