2 Samuel 22:48 - Ohiatonhseratokénti

⁴⁸ ne ne Ní꞉io rahón꞉a rátsnienons nakhesenhni ne iónkshons tánon tesakohiá꞉tenhas nonkwé꞉okons atianerenhseró꞉kon,

2 Samuel 22:48 ပူးပေါင်းရင်းမြစ်များ

2 Samuel 18:19

Ehʼthóhʼne Ahimaaz ne ne roiénha ne Zadok wahén꞉ron, “Ahnion takerí꞉hon niatakarátate, tánon iakeriwénhawe ne kariwí꞉io rahonháke ne ronnontí꞉io nètho Roiá꞉ner tsi sahohiatotarí꞉si tsi nòkwah ne raotishaststénsera ne ronwásons.”

2 Samuel 18:31

Ehʼthóhʼne ne Cushró꞉non wárawe; tánon ne Cushró꞉non wahén꞉ron, “Kaʼriwí꞉io ne raoriwá꞉ke natiá꞉ner ne ronnontí꞉io! Asèken ne Roiá꞉ner kwáh sahiaiatotarísi ní꞉se tsi nòkwah ne raotishaststénsera ratikwé꞉kon ne tethotitáhon niaiesatiaʼtónti.”

2 Samuel 4:8

Ianí꞉hawe ne raonón꞉tsi ne Ishbaal ronnontí꞉ioke ne Táwit thóhnónwe Hebron tánon wahonwénhase ne ronnontí꞉io, “Kòh kí꞉ken raonón꞉tsi ne Ishbaal, ne roienkénʼen ne Saul, ne tetsatátʼtionskwe, raón꞉ha réhsakskwe ne tsi són꞉nhe; ne Roiá꞉ner sahokáriakʼse natiá꞉ner ne ne ronnontí꞉io nón꞉wa wenhniseráte raonháke ne Saul ó꞉ni ne raowáhtsire.”

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 144:2

Rahónha tákenes tánon tehakatsiatháton, ne nakáwenk ne waskwáhere tánon shatsatákwas, rahonháke nónhwe nitewaketákwen né꞉ne skenenkówak í꞉ken. Rahónha shakosénhnies nonkweshónhas tánon í꞉i rakonhkwetáwis nakhehiatkórasʼte.

Psalms 94:1

Ó Saiá꞉ner, Í꞉se ne Sewenní꞉io ne sehrewátha, sathaténest, Saiá꞉ner, Sewenní꞉io í꞉se ne sehrewátha!

1 Corinthians 15:25

Asèken ne Kerístos ónenk tsi entaniaróhtaroke tsi nío꞉re ne Rawenni꞉io enshakosénni ratikwékon ne ronwáhsons tánon rahshitókon nónwe nenhonataténronhke.

Deuteronomy 32:35

Ne Roiá꞉ner kwáh se enshakarià꞉ke tánon enshakorewáthe; ienkáhewe nó꞉nen enhatihiatiénenhne; ne raonenhnísera táwe nahonnateraswáksenʼne.

1 Samuel 24:12

Aiá꞉wens ne Roiá꞉ner tahahiató꞉rehte ón꞉ka ne tethenihiáse tetiaterientawénhris! Aiá꞉wenhs í꞉se ahiaré꞉wate asèken tsi nisehweiennóten tsi takát꞉konte, asèken ní꞉i kwáh kiʼ iáh thakonkaré꞉wate ne knahótenk ahontakarihónhni.

1 Samuel 25:30

Nó꞉nen ne Roiá꞉ner tho nihoiéren tsi nòkwah natiá꞉ner ne tahioianénhawe akwé꞉kon ne ioiá꞉nere nètho tsi nihothátiʼon ní꞉se sarihwá꞉ke, tánon í꞉se iahiatahráhkwen nasenhéntense Israerʼronónke,

1 Samuel 25:39

Nó꞉nen ne Táwit saharihwáronke nètho Nabal tsi rawenhé꞉ion, wahén꞉ron. “Tehonwanonweráton ne Roiá꞉ner tsi raónha seh ionshahárehke ne kanikonrakarewátshera tsi niwatienáon ne thóh ratshanáke ne Nabal, tánon ní꞉i éhren wahatiatenháwiʼte tsi nòkwah ne kariwahetkénseraʼne Roiá꞉ner tonsahakarahténi ne kariwahetkénsera tsi nihoieránion ne Nabal ne iatehaiáti.” Eʼthóhʼne ó꞉nen ne Táwit iahaténiete tánon washakótatʼtse ne Abigail, nahotíniaʼke.