2 Samuel 22:44 - Ohiatonhseratokénti

⁴⁴ Saskeniá꞉kente tsi nòkwah ne ronteriʼioseranónwe onkweókons; waskatiénawaste í꞉i ohénton iatesét꞉taste tsi nòkwah ne ronhnonhontsakerónons; ne nonkwé꞉okons ne iáh tekheientérine wahontsió꞉tenhse.

2 Samuel 22:44 ပူးပေါင်းရင်းမြစ်များ

2 Samuel 19:14

Amasa waʼtesakonikonrakénhni ratikwé꞉kon nonkweʼókons ne Judah nón꞉we kwáh sakanikónrat wahonhnón꞉ni, tánon iahonwatewenhnateniéten ne ronnontí꞉io, “Thontá꞉se, sewakwé꞉kon ó꞉ni ratikwé꞉kon ne sanhatierashón꞉ahs.”

2 Samuel 19:9

Ratikwé꞉kon nonkweʼókons tehotiriwakénen kwáh ratikwé꞉kon tsi niateotitá꞉rakes NIsraerʼronónke, rontónhnions, “Ne ronnontí꞉io shashonkwahiatotarísi tsi nòkwah ne ionkísons, tánon shashonkwanónsthate tsi nòkwah ne Philistines; tánon ó꞉nen wahatèko ne tsi ionwenhtsá꞉ien ne raoríhwa Absalom.

2 Samuel 20:22

Ehʼthóhʼne ne iónkwe thóh niahá꞉he onhkwéʼne ne iaká꞉hawe ne aówenk tsi niiotenikonrón꞉ni. Tánon wahonwanontsístsiake ne Sheba ne roiénha ne Bichri, tánon thóh iahó꞉ti tsítʼres ne Joab. Káti ne raónha wahahonráwate ne iehonrawátsta, tánon éhren sahónhnete ne kanatowanénke, tánon ratikwé꞉kon tsi thotinonshó꞉tons nionsahónhne, ók ne Joab Jerusalem neh nionsá꞉re.

2 Samuel 3:1

Wateriʼioserehsonhne tsi natehón꞉terekwe raotiwátsires ne Saul tánon ne Táwit; Ne Táwit kwáh í꞉ken tsi tahashaststénhsere, ók ne raotiwátsire ne Saul tahonaseronnenhtonhátie nenhʼnéʼeh tsi nihatisháststekwe.

2 Samuel 5:1

Eʼthóhʼne ratikwé꞉kon tsi niotitsió꞉kwakes ne Israerʼronónke wahonwaiatórenhne Táwit thóh nón꞉we Hebron, tánon wahonníron, “Satkátho, ní꞉i tánon nonkwatsákes neh saonkwashót꞉tseras.

Psalms 110:6

Kwáh ne enhaterihwaʼthéntsate tsi ensakoríhwenhte nonkweshón꞉has, né thensakoreniáthen ne ronenhéions raotiʼieronhtashónhas; kwáh thenhanontsistotárosʼte né entʼtharohrók꞉te onhontsakwékon.

Psalms 18:43

Shastsiatáko tsi nihotiritstón꞉ni nonkweshónha; Í꞉i ohnón꞉tsi waskónhni tsi nòkwah nonhkweʼókon; nónhkwe ne iáh tekheientéri í꞉i akonkwé꞉ta waʼhón꞉ton.

Psalms 2:8

Takerihwanónhtons, tánon enkhehiónhnien ne thihononhontsátes í꞉se ensehiatakweʼní꞉ioke, tánon ne tsi iehiotonhontiokʼtaníhon í꞉se sáwenk enhwáton.

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Isaiah 55:5

Satʼkátho, ní꞉se kwáh iensheʼnónkʼkon ne ronhnonhontsaʼkeró꞉nons né꞉ne iáh teseienhtéris, tánon ne ronhnonhontsakeró꞉nons ne iáh teiesaientéri kwáh kí thentsesaratáte, né rahorihónhniat ne Roiá꞉ner sahʼNí꞉io íken, né꞉ne Rahonháhak khók Roʼiatatokénti íken NʼIsraerʼronónke, asèken í꞉se iahiaʼtanerakwáhton.

Isaiah 60:12

Asèken né ronhnonhontsakeró꞉nons tánon né kanontiʼiótsheras né iáh tahiesahiótenhse kwáh kí enhatiʼiatáton; nétho ronhnonhontsakeró꞉nons kwáh thóh kénʼen tsi enhatiʼrihwahiésha.

Isaiah 65:1

Waʼkathatewehʼienhnenhtáhonhne nahiontsatíshaʼke tsi nihákon né iáh teotirihwanón꞉ton, nahiontiaʼtatʼtsénhrion tsi nihiákon né iáh tehiontiaʼtisákkon. Wakíron, “Kénʼen í꞉kes, kénʼen í꞉kes,” né꞉ne ronnonhontsaʼkeró꞉nons né iáh tseotináton naksénhna.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Hosea 2:23

Tánon kwáh í꞉i entsienthó꞉serons nohontsá꞉ke. Tánon kwáh enkithénren ne Lo-ruhamah, tánon kwáh enhiiénhase ne Lo-ammi, “í꞉se nakonkwè꞉ta í꞉ken”; tánon kwáh enhénron, “í꞉se nakení꞉io í꞉ken.”

Romans 15:12

Tánon áreh, tsi niháwen ne Isaiah, “Tsi nithotwahtsirínon ne Jesse enhatotáshon, Éntʼreh nasakohentéseh ne iáh tehatiʼsitaerónons, tánon rahonháke non nenhatíʼien neh rahonaskanéktseras.”

Romans 9:25

Kén ní꞉ioht tsi ráwen neh kahiatonserákon ne Hosea: “Nonkwesónha iáh í꞉i tewakonkwéta thekèn꞉ne neh henkhenátonkwe ‘Ihi akonkweta.’ Ne rahotiʼtiókwa iáh thekhenoronkwákwe neh enkhenáthonkwe ne, ‘Tekanhóron.’

Deuteronomy 28:13

Ne Roiá꞉ner saNí꞉io ne enhión꞉ni nasehéntenhse nonkwehshón꞉a tánon iáh nashé꞉sere, kwáh tió꞉konte tsi enshahianerastén꞉ni ó꞉ni iáh nonhwénton tahisariwanó꞉ron tó꞉ka enhioriwatokénhake tsi enshatewénhnaraʼkwe akwé꞉kon ne rahoriwatà꞉tsheras né꞉tho tkwawí꞉hons nón꞉wa wenhniserá꞉te.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”