2 Samuel 22:35 - Ohiatonhseratokénti

³⁵ Raʼrihonniénhnis ne katshanákes nateriʼiósehra, ne ká꞉ti ne kenenhtiákes nakakwéni takassáhkete ne tehiotwís꞉taron otsínekwar karístatsi nahó꞉ten ionhniáton aénna.

2 Samuel 22:35 ပူးပေါင်းရင်းမြစ်များ

Job Tánon ne Raoronhiakensera 20:24

Enhatéko tsi nón꞉we niká꞉ien ne karístatsi ionterihiosthákwah; ne kaièn꞉kwire ne kwénis nikaristóten ne iotsiweiotí꞉ie iehióhare thenhohiatóhetste.

Psalms 144:1

Tehonwanonhweráton ne Roiá꞉ner, né nakené꞉tsera! Rahónha rakerihonhniénhnis ne katshanáke naterihiósehra, tánon ne kesnonsákes nahonterí꞉ioʼke;

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Ezekiel 39:3

Ethòne entʼthíkwahthe ne rahohénhna ne sanhekwáhti nahanenhtsáti tánon ne rahoiénkwires ne saweientethákwen nahanenhtsáti.

1 Samuel 17:45

Ók ne Táwit wahawénhase ne Philistiaró꞉non, “Ní꞉se akonhá꞉ke nontáhse sasharenháwi tánon kaiénkwireh ó꞉ni ne iesahniontsethákwa; ók kiʼ ní꞉i shonháke nontáhke thóh raosenhná꞉kon ne Sakoiá꞉ner ne ratironhiakeró꞉nons, ne ne sakoNí꞉io í꞉ken ne ronterí꞉ios NʼIsraerʼronónke, tsi nikáien ní꞉se entsenhnaksáton.