2 Samuel 22:31 - Ohiatonhseratokénti

³¹ Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

2 Samuel 22:31 ပူးပေါင်းရင်းမြစ်များ

2 Samuel 22:3

Akení꞉io í꞉ken, akisténra, rahonháke nón꞉we nikataséhta, akatrenhostákwa ó꞉ni ne ne kashaststénsera natiatakenatiéra, ne nakatenhenranirát꞉tsera ó꞉ni tsi katasehtá꞉kwa, ne sakeskontákwen; í꞉se stsiatanónstats tsi nòkwah ne kaʼniakatsʼthénshera.

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Job Tánon ne Raoronhiakensera 34:10

“É꞉tho káti, takwatahónsatat, tsi ní꞉tion ne sewaʼnikonraientáskon, ahí꞉non ít꞉ken tsi nahontá꞉we ne Rawenni꞉io ne thé꞉nen nahá꞉iere ne karihwahét꞉ken, tánon tsi nahontá꞉we ne Roshatstenhserowanenhkó꞉wa ne thé꞉nnen nahá꞉iere ne iáh teioiá꞉nere.

Psalms 119:140

Tsi nahoténsons takarahrátstenhni kwáh í꞉ken tsi orihwí꞉io í꞉ken! Tsi niió꞉re tsi kerihwahnorónhkwah!

Psalms 12:6

Ne raowenhnashónhas ne Roiá꞉ner né꞉ne kwáh orihwiʼiohónwe í꞉ken, tsi ní꞉ioht ne kawistaráken aóskon iónhni né karistákon, watkénhse tsáta niʼiorihwáken.

Psalms 145:17

Né Roiá꞉ner akwékon tkarihwaiéris ne raoweiénhnas, tánon thorihwaiéri akwékon tsi nihatseránions.

Psalms 18:30

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

Psalms 2:7

Kwáh enkerihó꞉wanate ne Roiá꞉ner tsi nitsisewarihwatáti: Wahakénhase, “I꞉se ne konhiénha; ónhwa wenhniseráte í꞉ih ne ianíha wakáton.

Psalms 35:2

Sattháwa ne tehioniatastákwa tánon ne niwá꞉a iontrenhosthákwa, tánon téstann nastiénawaʼse!

Psalms 84:9

Tsiatatérist nonkwanontí꞉io, Ó Sewenní꞉io, né꞉ne ronhnontí꞉io í꞉se tsiatará꞉kwen.

Psalms 91:4

kwáh enhiaróhroʼke tsi ní꞉ioht ne kítʼkit tsi iakohiataséhtha nakohiohʼokónha kanerahontsiókon, tánon ranerahontsiókonh nón꞉we nisataséhthaʼkwe; ne Rawenni꞉io rorihwaʼtóken kwáh kíʼ enhiaiatanónsthate tsi ní꞉ioht ne tehioniatasthákwa.

Proverbs 30:5

“Rawenni꞉io iáh nonwén꞉ton thaonsahoʼnikónhrhen nahò꞉ten enhahrhá꞉ratsteʼ. Tho kiʼ í꞉rate nahshakoiaʼtanónhstate nónhka ionhská꞉neks.

Ecclesiastes 3:14

Wahkateriéntare kwáh tsi nahoténshons ne Rawenni꞉io kén nienháiere tsi nénwe tsi enʼioianeréhake. Iáh taskwéni ne iáshesʼthe tóka niʼó꞉ni nahontashatókʼthaʼkwe. Tánon tioríhwa tsi nihaiérha ne Rawenni꞉io né tsi ashontiónnien tatsitewarensahrónhsehke.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Matthew 5:48

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!