2 Samuel 21:6 - Ohiatonhseratokénti

⁶ áhnion ne tsá꞉ta nihonekenteronhtseráien ontionhá꞉ke tasheiaténiet, tánon í꞉i enhiakiniatérenke raohén꞉ton ne Roiá꞉ner ne Gibeon nón꞉we tsi thotenontáhere ne Roiá꞉ner.” Tánon ne ronnontí꞉io wahén꞉ron, “Kwáh kiʼ ienkeiát꞉kawe.”

2 Samuel 21:6 ပူးပေါင်းရင်းမြစ်များ

Genesis 40:19

ne náhsen nenwenhniserakéhaton ne Pharaoh enhianontsistóhskare tánon tsi ioròn꞉tote enhiaiaʼtihá꞉ren; tánon otsiʼtenʼokón꞉ʼahs enhatiʼwá꞉rake ne saieròn꞉ta.”

Genesis 40:22

ók wahohniá꞉terenke nenʼ ne ne ohén꞉ton ié꞉rate ranaʼtarón꞉ni, kwáh tsi kiʼ nihshakoʼnikonhraientahtén꞉ni ne Só꞉se.

2 Samuel 17:23

Nó꞉nenh ne Ahithophel sahatkátho nètho tsi nihotenikonráwi tsi iáh tehotíseron, wahokweniáren ne raotsénen tehahóntes tánon thóh nionsáre tsi thohʼnón꞉shote ne raohónʼa raonatowanénhken. Wahakwatá꞉ko ne raoriwashón꞉ahs, tánon wahatatniáterenhke; warénheʼie tánon thóh nón꞉we nahonwahiatá꞉ta ne roʼníha rotstenhrakáronhte.

2 Samuel 18:10

Rón꞉kwe wahatkátho, tánon wahoró꞉ri Joab, “Wahí꞉ken Absalom thoiaténton ne karí꞉ton tsioróntote.”

2 Samuel 19:28

Asèken ratikwé꞉kon ne rakení꞉ha raowátsire tehonaténhtion nahonwatinonwarhiá꞉khon raohén꞉ton natiá꞉ner ronnontí꞉io; ók thóh kiskwáren skát꞉ne tsi nihá꞉ti ne thóh teonatskáhon satekhwárane. Onhnahiotónhake ne sénha ahontianerenhseraién꞉take, nék, nahiʼianiténhtase ne ronnontí꞉io”

1 Chronicles 12:3

Né ninenhrakweʼní꞉iohtkwe ne Ahiezer tánon ne Joash, né sakohiohokonkénʼen ne Shemaah, né꞉ne Gibeah nón꞉we nihanákerekwe. Né kí꞉ken ne ronterí꞉iosʼkwe: Jeziel tánon ne Pelet, ne sakohiohokónhas ne Azmaveth Beracah tánon ne Jehu Anathoth nón꞉we nihanákereʼkwe Ishmaiah Gibeon nón꞉we nithawénon, rasennowaʼnénhne tsi raterí꞉iosʼkwe tánon rahónha ne saiáta ne sakohentenhséhawe ne “Áhsen-niwáhʼsen nihá꞉tikwe.” Jeremiah, Jahaziel, Johanan, tánon ne Jozabad, Gederah nón꞉we nothonénon Eluzai, Jerimoth, Bealiah, Shemariah, tánon ne Shephatiah, Hariph nón꞉we nithonénon Elkanah, Isshiah, Azarel, Joezer, tánon ne Jashobeam, né꞉ne rahotitaráhkon ne Korah ratiʼiátaraʼkwe Joelah tánon ne Zebadiah, né꞉ne sakohiohokónha ne Jeroham, Gedor nón꞉we nihanákerekwe

Ezra 6:11

Tánon ishiʼnón꞉we tsi nakerihwí꞉sa né꞉tho tó꞉ka ónhka iáh thahionhtewénhnaraʼkwe kí꞉ken kaianerénhsera, ne tekaronhtháronhwe enhiotsiónhake ne tsi rothinonhsó꞉tons, enkahiothí꞉iaton ne tsi iehiotʼthe, tánon ethò꞉ne tenhonwatihiatawéheste. Tánon ne tsi rothinonhshó꞉tons ononhwénhsehras enhionhniáthonke tsi enhiotsʼthokó꞉thonke.

Matthew 27:5

Ok eh tiionsahoti ononsatokentike, ehren sarete nok iahatatniaterenke.

Acts 13:21

Tánon nʼónen sahathiriwanónton ne Kanontiʼiótsera, ne Rawenni꞉io Saul wasakahonkwéton nehne Kish roiénha tánon nehne Benjamin raotiʼtiókwakon non nitawénon, nehne raónha asakonontí꞉ioʼke ne kaiéri niwásen niʼioseráke.

Deuteronomy 21:22

“Tó꞉ka shí꞉ken ónhkak ionhtatenonhwarià꞉kon ne kariwáksen iorihonhní꞉hon tánon ne oierónhta karontà꞉ke iakohiaténton,

Joshua 10:26

Ethò꞉ne ne Joshua washakononhwariaʼkónhnion ne ronhtinonhtí꞉ios tánon wísk nikarónhthakes tsi washakohiaʼtí꞉haren, thóh nón꞉we nihiorenhthónhakwe ne rahothiierónhtas tsi nió꞉re iahoʼkárawe.

Joshua 8:29

Wahonwanonhwarià꞉khon ne ronhnonhtí꞉io ne Ai tánon karonhtà꞉ke wahonwahiaʼtiháren tsi nió꞉re iahokárawe. Ne shiakarahkwénhne ne Joshua washakò꞉nahne ne rahoierónhta nahonshahatinihiontá꞉ko ne karonhtà꞉ke, tánon thóh nón꞉we iahonáhti ne tsi iehionthawehiaʼthákwa ne kaná꞉takon iotenhenrahkáronhthe. Ne wahatiroróksthe ne tehiotenonhianì꞉ton onénhia wahatitsthokó꞉ten, ki nón꞉wa nikahá꞉wi shé꞉kon é꞉tho ní꞉ioht tsi wè꞉ne.

1 Samuel 10:1

Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs:

1 Samuel 10:24

Samuel wahshakawénhaʼse nonkwetaʼkwé꞉kon, “Tsiʼsehwákens ken tsi nikáien ne Roiá꞉ner roʼiatarákwen? Kwáh iáh ónhka thóh tehaiató꞉ken tsi nítsion.” Tánon onhkweʼtakwé꞉kon watohtihénrethe, “Karí꞉wes arónhnheʼke ne ronontí꞉io!”

1 Samuel 10:26

Saul ó꞉ni sahaténti tsi thóh nónshoʼte ne Gibeah nionshá꞉re, tánon ne skátne nionsahónhne ne ronterí꞉ios tsi nihá꞉ti ne Ní꞉io washakonikonrá꞉reke nahonwatiátarase.

1 Samuel 11:4

Nó꞉nen shiaʼhónnewe ne ratiʼriwakarénies thóh nón꞉we ne Gibeah ne tsi thóhʼnón꞉sote ne Saul, ne wahontróriaʼte noriwashón꞉ʼahs tsi niʼiakothontèhon nonkweʼókons; tánon ratiʼkwé꞉kon nonkweʼókons wationséntho tsi nihotiwènte.

1 Samuel 24:21

Takerihwanírats nètho raosén꞉nakon ne Roiá꞉ner tsi iáh ní꞉se tasheiasáʼrhiake tsi wakwatsiratáhtie nó꞉nenh enwakiʼhéionke, tánon nètho ní꞉se tsi iáh tasetsenhnaráko ne tsi ronón꞉shote ne rakení꞉ha.”

1 Samuel 24:22

Káti ne Táwit wahorahrátsten ne Saul. Eʼthóhʼne kiʼ ó꞉nenh ne Saul sahaténhti tsi thóh nón꞉shote nionsáreh; ók ne Táwit tánon ne raonkwetashón꞉ʼahs sahontahsehtáhna tsi nón꞉we thóh natahséhtonhne.