2 Samuel 21:21 - Ohiatonhseratokénti

²¹ Nó꞉nenh thaʼsakoiéron nʼIsraerʼró꞉nons, Jonathan ne roiénha ne Táwit iathatekén꞉a Shimei, rahónha wahononwarhiákhon.

2 Samuel 21:21 ပူးပေါင်းရင်းမြစ်များ

2 Samuel 13:3

Ók ne Amnon rothorosénhtakwe Jonadab ronwáiatsʼkwe, ne ne roién꞉ha ne Táwit iatatekénʼa Shimeah; tánon ne Jonadab kwáh i꞉ken tsi ratenikonratʼtòkha rónkwe.

2 Samuel 21:20

Shé꞉kon sonteriʼioseraién꞉tane ne Gath nón꞉we, ehʼthóh nón꞉we nihanákerehkwe ne rónkwe teiotenonhianíton tsi rakowánenhne, iáh-iak natehasnonshón꞉tonkwe ne shaʼtsanakarátis, tánon iáh-iak natehahiakwiróntons ne shaʼshitakaratísons, tewásen kaiéri nakwé꞉kon; rahónha ó꞉ni thóh nón꞉we nithót watsirínon ne ratiʼkowanénskwe.

2 Samuel 21:22

Kí꞉ken kaiéri nihátikwe thóh nithonatwatsirínon ne ratikowanénhskwe thóh nón꞉we Gath; ne ronwatiʼnonwarhiakhónnion ne Táwit tánon ne raonkwetaʼshón꞉ahs.

2 Kings 19:13

Kaniehonénons ne rontinontí꞉ios ne tsi kanatowánens ne Hamath, Arpad, Sepharvaim, Hena, tánon ne Ivvah?”

1 Chronicles 2:13

Né Jesse tsáta nènh꞉ʼne nihonekenteronhtsheraʼiéntaʼkwe. Tsi ratisenhnaʼrónhnion né iosehron tsi nithotíʼionskwe: Eliab, Abinadab, Shammah,

1 Chronicles 27:32

Né Jonathan, né꞉ne kwáh Ronnontí꞉io Táwit rononhwáha í꞉ken, rorenhnáhonhne nasakotenhnikonhraʼshónterahse tánon roʼteweiénston. Ahónha tánon ne Jehiel né꞉ne roienkénʼen ne Hachmoni né꞉ne roterihóntaʼkwe nahsakohiatonhseraʼweiénsten ne ronnontí꞉io rahonekenteronhtsheraʼshónhas.

1 Samuel 16:9

Eʼthó꞉ne ne Jesse wahahónhnien ne Shammah nahatóhetste. Tánon wahén꞉ron, “Iáh nonné꞉eh ne Roiá꞉ner tehohiatarákwen kí꞉ken.”

1 Samuel 17:10

Tánon ne Philistiaró꞉non wahén꞉ron, “Ónwa wenhniseráte wakhenenrót꞉thase NʼIsraerʼró꞉nons! Tationkwéton, ne nahón꞉ton skát꞉ne tsi ahiʼtewaterí꞉io.”

1 Samuel 17:3

Ne Philistines tho wathatínaʼne tsi ionontáhereh ne ská꞉ti nokwáhti tánon NʼIsraerʼró꞉nons í꞉se neh nahonontáʼti nontahatítahne, ne ne tsi natetsiá꞉tereh norón꞉wahkon.

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”