2 Samuel 21:16 - Ohiatonhseratokénti

¹⁶ Ishbi-benob, rahónha ne saiá꞉ta ne tahaʼwatsiratátie ne ratikowanénskwe, ne raoshí꞉kwara tsá꞉ta tsatesewasénhnon nikaʼkontseráke niʼiókste ne ne otsínekwar nikaristó꞉ten, tánon raónha ronwasheronhniáton náse ioteriʼiosthákwas, wahén꞉ron kwáh raónha enhonhnonwarhiákhon ne Táwit.

2 Samuel 21:16 ပူးပေါင်းရင်းမြစ်များ

Genesis 14:5

Ne kaieríhaton iawén꞉re shiiohserakehátie ne Chedorlaomer tánon ratikwé꞉kon ne rontinontí꞉ioʼs né skátne ratikwekonhátie wahshakotishén꞉ni ne Rephaim né꞉ne Ashteroth Karnaimʼke nón꞉we, ó꞉ni ne Zuzim né꞉ne Ham nón꞉we í꞉ken, ó꞉ni ne Emim ne ne Shaveh-Kiriathaim nón꞉we í꞉ken.

Genesis 6:4

Neʼthó sontakahá꞉wis tánon sénha nohnaʼkèn꞉ke, ratikkowá꞉nensʼkwe ratiʼterón꞉tahkwe nonhwentsá꞉ke, thó꞉non nithonathwatsirí꞉non né꞉ne ón꞉kwe kén꞉ne ne tsonathonwí꞉senʼs tánon ne rathironhiaʼkehró꞉nons. Né꞉ne kwáh rontatshináhstahkwe kén꞉ne ó꞉ni ratishennowanénʼne ne wahónnise tsi náhe tkén꞉ne.

2 Samuel 21:18

Ehʼthóhʼne ó꞉nenh nateriʼiósera thontáʼsawenh wahonterí꞉io ne Philistiaró꞉nons, thóh nón꞉we Gob; ehʼthóhʼne Sibbecai ne ne Hushathró꞉non wahononwarhiákhon Saph, ne raónha thóh nithotwatsirínon ne ratikowáʼnenskwe.

2 Samuel 21:20

Shé꞉kon sonteriʼioseraién꞉tane ne Gath nón꞉we, ehʼthóh nón꞉we nihanákerehkwe ne rónkwe teiotenonhianíton tsi rakowánenhne, iáh-iak natehasnonshón꞉tonkwe ne shaʼtsanakarátis, tánon iáh-iak natehahiakwiróntons ne shaʼshitakaratísons, tewásen kaiéri nakwé꞉kon; rahónha ó꞉ni thóh nón꞉we nithót watsirínon ne ratiʼkowanénskwe.

2 Samuel 21:22

Kí꞉ken kaiéri nihátikwe thóh nithonatwatsirínon ne ratikowanénhskwe thóh nón꞉we Gath; ne ronwatiʼnonwarhiakhónnion ne Táwit tánon ne raonkwetaʼshón꞉ahs.

2 Samuel 5:18

Nón꞉wa ne Philistines thóh nènon tánon wathonréhni thóh ahonrakwákon ne Rephaim.

Numbers 13:22

Né tahontiérenhte entiéne nokwáhti niahónhne ne tsi ionhontsáien tánon Hebron iahónhnewe, thóh nónhwe ne rahotitiókwas ne Ahiman, Sheshai, tánon ne Talmai, nihatinákeres né tahatiwatsiratátie ne ratiʼkowánenskwe ne ronhwatinatónkwah Anakim, nihatiʼnákerekwe. (Ne Hebron tsáta nihioserá꞉ke né ohénton nikanatónhni tsi ní꞉ioht ne Zoan né Egypt nónhwe.)

Numbers 13:28

Ók kíʼ nonhkweshón꞉ʼas né nónhwe nihienákere kwáh íken tsi ratishátste, tánon ne rahotinatashón꞉ʼas kwáh íken tsi kanatowánens tánon kwáh íken tsi iorihwaníron tsi tewakwahtaséhton tsi watenhénra꞉ien nosténhra. Tánon sénha iesehwahétʼken, wahakhíken tsi nithonatwatsiríhnon ne ratiʼkowánenhs né nónhwe.

Deuteronomy 1:28

Nonhtiéren tsi étho iahiákwe? Hionhkwaterónhni. Ne ronhnónkwe ne ieiethiʼiatoriónhne wahonkhiró꞉ri nétho nonhkweʼshón꞉a tsi sénha ratishátstes ó꞉ni ratinenhiésons tsi ní꞉ioht nonhkwahtsiákes, tánon tsi kanatowánens nónhwe nihatiʼterónhtons ne tekanatanáktons tsi tekensténrotes iéwas ne tsi tsotsikerarónhnions. Kwahiken tsi ratikowá꞉nenskwe thóh nónhwe iahonwathíken!’

Deuteronomy 2:10

Tehonatenonhianì꞉tons tsi nihatikowá꞉nens ratiʼtá꞉raien né꞉ne Emim ronwatí꞉iats né꞉ne Ar nónhwe nihatinakerè꞉kwe. Thóh nihatinenhié꞉sonhkwe tsi ní꞉ioht ne Anakim, ne nó꞉ia ratiʼtá꞉raien ne ratikowá꞉nens.

Deuteronomy 2:11

Tsi ní꞉ioht ne Anakim thóh ní꞉ioht tsi ronhwatihienʼté꞉riʼne né꞉ne Rephaim, ók né Moabites Emim wahonwatinaʼtónkwe.

Deuteronomy 2:21

Thóh nihatiʼnenhié꞉sonhskwe tsi ní꞉ioht ne Anakim. Ronatioʼkowanénhne, tánon ratiʼshátstekwe. Ók ki Roiá꞉ner shakotòn꞉ton, ne káti nahónton ne Ammonró꞉nons ahatiʼié꞉na ne raononhóntsas tánon thóh nónhwe nahontená꞉taien.

Deuteronomy 3:11

(Ne Ronhnonhtí꞉io Og raónha nonaʼkènkha iaʼtehotaténron tsi tahatiwatsiraʼtátie ne Rephaim. Ne raorónhto, onén꞉ia nahó꞉ten ionhnià꞉ton, iá꞉iak niwashì꞉take naʼtewataká꞉ron tánon kaié꞉ri iawénhre niwashì꞉take ní꞉ions, tioianénha tsi nikatokénston natenienʼténtsheras. Shé꞉kon enwá꞉ton naiontká꞉tho ne tsitkaná꞉taien ne Ammonró꞉non né꞉ne Rabbah nón꞉we.)

Deuteronomy 9:2

Nonhkweshón꞉as kwáh í꞉ken tsi ratinenhiésons ó꞉ni ratiʼshátstes; kwáh í꞉ken tsi ratikowá꞉nens, tánon sewariwarón꞉ken iáh ónhka tahiekwé꞉ni nahonwatisénhni.

Joshua 11:22

Iáh ne saiáta tsiatesothaténron ne Anakim ne tsi ionhontsá꞉ien ne Israerʼró꞉nonhke; tó꞉khara khók niháti, ethosà꞉ne, thóh nón꞉we iatonathátere né꞉ne Gaza, Gath, ó꞉ni ne Ashdod.

Joshua 15:14

Ne Caleb washakorekwáhthe tsi rathiwatsiratátie ne Anak ne tsi kanatowanénhke—tsi ratiʼtharaién꞉tons ne Sheshai, Ahiman, tánon ne Talmai.

1 Samuel 17:7

Tánon ne kániah ne raoién꞉kwireh thóh niká꞉tens kwáh ne ne tewahieʼwanonwaʼienwáhtha aorón꞉tah, tánon ne tsi iehionontsistóhareh ne raoién꞉kwireh káknonh ne wísk niwáhsen nikakontseráke niʼiókstʼte kwáh oristóskon; tánon ne rá꞉has ne raówenk teioniatasthá꞉kwah raohénton nieréhtha.