2 Samuel 21:12 - Ohiatonhseratokénti

¹² Ne Táwit iaʼhá꞉re tánon iahá꞉ko ne raostsienʼshó꞉ahs ne Saul ó꞉ni ne raonekenteronhtserashón꞉ahs ne Jonathan ne ne ronhnón꞉kwe thóh nithonénon tsi watonhontsáien ne Jabesh-gilead, ne ronhnón꞉ha thóh nón꞉we thonwatiʼiatanénhskwen tsi tsiontʼkerontákwa ne Beth-shan, thóh nón꞉we ne Philistiaró꞉nons nahatiʼnihiontón꞉nion raotiʼierón꞉tas, ne thóh shiwenhniserá꞉tekwe ne Philistiaró꞉nons sahonwanonwarhiákhon Saul thóh nón꞉we Gilboa.

2 Samuel 21:12 ပူးပေါင်းရင်းမြစ်များ

2 Samuel 1:21

Í꞉se ne tsi ionontarónhnions ne Gilboa, kwáh tó꞉sa othènon aioháweiaste khéhs nahisakénhnore, khéhs nahonsahiokwátston ne kahentákes! Asèken thóh nón꞉we ne ratrenostákwah ne roshaststenserowánen naʼtekentiónston, ne ratrenostáhkwah ne Saul, iáh shé꞉kon tahonsawenhiená꞉ronke nonwénhton.

2 Samuel 1:6

Ne kennithoiónha ne rorioriánions wahén꞉ron, “Tsi nahá꞉wenhne thóh í꞉keskwe tsi Ionón꞉te ne Gilboa; tánon thóh nón꞉we ne Saul ne rotenhnitserotakwen ne raoshí꞉kwara, iáh tehiahonhnisèhon ne otsiónkwas káseres ó꞉ni ne rotisátens rahiatákʼta wahón꞉nehte.

2 Samuel 2:4

Ehʼthóhʼne nonkweʼó꞉kons ne Judah tahón꞉ne, tánon thóh nón꞉we naonwahiataráko ne Táwit asakotenontí꞉ioste ne Judahró꞉nons. Nó꞉nen saonwaró꞉ri ne Táwit, “Ne nonkweʼó꞉kons ne Jabesh Gilead ronwaʼiatáten ne Saul,”

2 Samuel 21:11

Nó꞉nenh ne Táwit sahonwaró꞉ri tsi niwaʼtsé꞉ra ne Rizpah,

2 Samuel 21:13

Ne Táwit thóh nón꞉we natethó꞉ha ne raostsienhshón꞉a ne Saul ó꞉ni ne raotistsienshón꞉ahs ne raonekenteronhtseraʼshón꞉ahs Jonathan; tánon sahatistsienʼtarohrók꞉khon tsi niháti ne ronwatiniáteren.

1 Chronicles 10:1

Ne Philistiaró꞉nons waʼonterí꞉io ne Israerʼró꞉nons ne tsi tionónte ne Gilboa. Ronatiokowáʼnen Nisraeʼró꞉nons waʼonwatinonwaʼriákon né nón꞉we, tánon ne ronátiakes, thóh raʼiátare ne Ronnontí꞉io Saul ó꞉ni ne sakoiohokónhas, wahontèko.

1 Chronicles 10:12

né kwáh thotinikonratʼtsáni ronhnón꞉kwe iahónhne tánon iahatíko ne rahoierónhta ne Saul ó꞉ni ne sakohiohokónhas tánon Jabesh niahatíhaʼwe. Karíhton kaʼronthó꞉kon nón꞉we nahonwaʼiatháta tánon tsáta nón꞉ta nikaʼríh꞉wes waʼhonnentón꞉tieʼte.

1 Chronicles 10:8

Sewenní꞉sera onakènhke shiʼioteriʼioserenhtáʼon ne Philistiaró꞉nons iahón꞉ne waʼhatiʼnenskwenháton ne ronenhéions rahotiʼieronhtaʼshónhas, tánon wahatiʼtsénhri ne rahotiʼierónhtas ne Saul tánon ne sakoiohokónhas tsi tsionón꞉te ne Gilboa kaʼkerónhtaʼkwe.

Joshua 17:11

Ne nón꞉we ne tsi kanakerahserá꞉ien ne Issachar ó꞉ni ne Asher, Manasseh ronatienawátston ne Beth Shan ó꞉ni ne Ibleam, skátke ne aktónhties kanathaiéntons, tánon ó꞉ni ne Dor (né nénhne ne tsitkawenò꞉te nón꞉we ítken), né Endor, Taanach, Megiddo, tánon nakthatieʼshón꞉as kanataiéntons.

1 Samuel 28:4

Ne Philistines wahontkenhní꞉sa, tánon tahón꞉ne ó꞉ni wahonthatoserohtónhnion thóh nón꞉we ne Shunem. Ne Saul washakoiataróhroke kaʼnenrahkwékon NʼIsraerʼronónke, tánon thóh nón꞉we nahonthatoserohtónhnion Gilboa.

1 Samuel 31:1

Nón꞉wa ne Philistines ronaterí꞉iokwe ne Israerʼró꞉nons tánon ne ronhnón꞉kwe wahontèko raotihén꞉ton ne Philistines, tánon ronatsiokowánen wahatiʼiátsenenhne tánon wahonwatinonwarhiákhon thóh tsi ionón꞉te ne Gilboa.

1 Samuel 31:3

Naterihiósera kateronkwáhtsera wahó꞉rane ne Saul; ne ronhenhnénhawe wahonwahiatatʼtsénhri, tánon kwáh í꞉ken tsi wahonwakarewathánion.

1 Samuel 31:4

Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.