2 Samuel 2:9 - Ohiatonhseratokénti

⁹ Raónha waonontí꞉ioste ne Gilead, Asher, Jezreel, Ephraim, Benjamin, tánon kanakeraseraʼkwékon Israel.

2 Samuel 2:9 ပူးပေါင်းရင်းမြစ်များ

Genesis 30:13

Tánon Leah wakén꞉ron, “Tsi niwakatsennón꞉ni! Ó꞉nen ne konnón꞉kwe iotshennón꞉ni enionkenaʼtónhkwake”; sók kiʼ Asher wahoná꞉tonhkwe.

2 Samuel 2:10

Ne Ish-bosheth, “Ne ne rónkwe natehénsera í꞉ken” ne ne Saul roiénha, kaiéri-niwásen natehaʼoseriʼiákon nó꞉nen sahatenontí꞉ioste NʼIsraerʼronónke, tánon teioseráke ronontí꞉iokwe. Ók nonkweʼókons ne Judah ne ne taonwatswaʼnónhna Táwit.

2 Samuel 3:6

Tsi nikarí꞉weskwe wateriʼioseráien꞉takwe tsi natehón꞉tere ne raowátsire ne Saul ó꞉ni ne Táwit, ne Abner ne warón꞉niate nahasháststenhne tsi rawatsíraien ne Saul.

Psalms 108:8

Né Gilead Í꞉i nenhné꞉e akáwenk; Manasseh ó꞉ni; né Ephraim né nakanón꞉waʼrohre í꞉ken; né Judah né nakénia í꞉ken.

Joshua 16:5

Ne kí꞉ken ne rahotinakeráhsera ne Ephraimró꞉nons kahwá꞉tsires: ne tsi ronateristhatátie thóh natetsawé꞉non ne Ataroth Addar tsitkarahkwí꞉nekens nokwahtí꞉sons nenhtieʼné꞉sons ne Beth Horon,

Joshua 16:8

Ne tsi karisthatátie tsi iaʼtewatséntos nokwá꞉ti nietsawé꞉non né꞉ne Tappuah nón꞉we tioténtion tánon waʼkahionhó꞉sere ne Kanah tánon thóh iatehiothàhon ne Mediterranean Kaniatarakeʼkó꞉wa. Ne kí꞉ken iohontsá꞉ien thonhwaná꞉wi ne kahwá꞉tsires ne tsi ratitióhkwaien ne Ephraim nahonawenhkón꞉weke,

Joshua 16:9

skátke ne kanataiéntons ó꞉ni ne ionathakwénhrarons né꞉ne thóh konhtihià꞉ti ne tsi karisthatátie ne Manasseh, ók ki Ephraimró꞉nons thonwaná꞉wi.

Joshua 17:1

Ostónha nohóntsa ne tsi iaʼtewatséntos nokwá꞉ti ne Jordan ne thonwaná꞉wi ne tó꞉kara nihatiwatsirá꞉kes ne tsi nitotwatsirí꞉nonh ne Só꞉se roiénha thakowá꞉nen Manasseh. Machir, ne roiénha ne Gilead, ne totsténhakwe ne Manasseh roiénha tánon né꞉ne é꞉tsinn í꞉ken ne tsi waterí꞉io, káti ne Gilead ó꞉ni ne Bashan, ne tsitkarahkwí꞉nekens nokwá꞉ti ne Jordan, raónha thonwá꞉wi.

Joshua 18:11

Ne kanakeráhseras rahonà꞉wenk ne tsi rathiwatsí꞉raien ne rahothitióhkwas ne Benjamin ne tahatihén꞉ten tahonwénhnon nonhóntsa. Ne rahononhóntsa thóh nón꞉we nihiohontsá꞉ien tsi naʼtehón꞉tere ne Judah rahotitióhkwa tánon ne Só꞉se.

Joshua 18:20

Ne Jordan né꞉ne tsitkarahkwí꞉nekens nokwá꞉ti iotoristohétston. Ne kí꞉ken ne tsi ionateristhatá꞉tie ne ohontsaʼshón꞉as né꞉ne tsi rathiwatsí꞉raiens ne rahothitióhkwas ne Benjamin rotiienà꞉on nahonawenhkón꞉weke.

Joshua 19:18

Ne rahononhóntsas thóh í꞉kare ne Jezreel, Chesulloth, Shunem,

Joshua 22:9

Káti nonhkweshón꞉as ne rahothitióhkwakons ne Reuben, Gad, tánon ne nà꞉kon ne Manasseh sahonhtén꞉ti. Ehʼneiehathì꞉teron ne ronátiaʼkes Nisraerʼró꞉nons thóh tsi ionhontsá꞉ien ne Canaan tánon tahonthásawen thóh nionhsahónhne tsi thóh nonhontsá꞉ien, ne꞉ne tsi tiohontsá꞉ien ne Gilead, né꞉ne ronatiaʼthakwehniióston tsi nihorihwí꞉son ne Roiá꞉ner rahonhà꞉ke ne Mahís.

Judges 1:32

Nonhkweshón꞉as ne Asher skát꞉ke ratinákerekwe ne Canaanró꞉nons, tsík sénhak iáh tehonwatihiatinekénʼen.

1 Samuel 29:1

Ó꞉nen ne Philistines washakotiʼiataró꞉roke ratikwé꞉kon ne raotitsió꞉kwas ne ronterí꞉ios thóh nón꞉we Aphek, tsi ne ná꞉he NʼIsraerʼró꞉nons thóh ronathatoseróhtonkwe ákta tsi ionáhwerote ne Jezreel.