2 Samuel 2:6 - Ohiatonhseratokénti

⁶ Ó꞉nen aiá꞉wenhs ne Roiá꞉ner aréhneste ne iorihwatóten kanoronkwáhtsera ó꞉ni kariwatokentítshera ne tionhá꞉ke! Tánon Í꞉i ó꞉ni tenkwariwaʼserákwase tsioríhwa tsi kí꞉ken thóh ne sewáiere.

2 Samuel 2:6 ပူးပေါင်းရင်းမြစ်များ

2 Samuel 10:2

Ne Táwit wahén꞉ron, “Ní꞉i kwáh neh enkaterihwathéntiaʼte karihwatóken tsi nòkwah ne Hanun ne ne roién꞉ha ne Nahash, kwáh kíʼ tsi nihoriwatókenʼne ne roní꞉ha nakonhá꞉ke.” Káti ne Táwit iashakoténiete ne ronaterihóntons ne tahathítaren raón꞉ha ne aorihwáke tsi nòkwah ne roní꞉ha. Nónen ne Táwit raonhatserashón꞉ahs iahontonhontsórenhne tsi tononhóntsaien ne Ammonró꞉nons,

2 Samuel 15:20

Ní꞉se ónkwak khók theténhre í꞉soh, tánon kwáh kén ní꞉ih akonrí꞉hon ne skát꞉ne tahitewahtá꞉wehre nonkwáhtiakes, akwé iáh tewakateriéntare kanón꞉we niahonkenonhá꞉tie. Wáhs sashá꞉ket, ionsasheiaténhaf ne shonkwetaʼshón꞉ahs; tánon aiáwens ne Roiá꞉ner aréhneste ioriwató꞉ken kanoronhkwáhtsera ó꞉ni kariwatokentítsera ne shonháke.”

2 Samuel 2:7

Neh kíʼ aoríhwa ne satshanáke akasháststeke, tánon akarihwásthake; asèken ne Saul iaiá꞉ner kénʼne rawenhé꞉ion, tánon nonkweʼókons ne Judah ne ronwaiaʼtarákwen nasakotenotí꞉ioste.”

2 Samuel 9:3

Ne ronnontí꞉io wahén꞉ron, “Ónka kén iastetsakothaténhron tsi rawahtsíraien ne Saul ne nahón꞉ton akéneste ne raothanitenhráhtshera ne Ní꞉io?” Ne Ziba wahawénhase ne ronnontí꞉io, “Ne iateothaténron ne Jonathan roiénha; ne raónha roshitakenhéion.”

2 Samuel 9:7

Ne Táwit wahawénhase ne raón꞉ha, “Tó꞉sa sateronníhak, asèken enkonhnatón꞉hase ne kenténhrat ne raoriwá꞉ke ne ianíha Jonathan; Ní꞉i kwáh tentʼkónhion akwé꞉kon ne raohontsakénʼen ne iashothkénʼen Saul, tánon ní꞉se iateshiá꞉ti khók tenshatskáon nakatekwáhraʼne tiotkonhón꞉we.”

Psalms 57:3

Kwáh karonhiáke nón꞉we thentarihwaseráko tánon enhakenónsthate; kwáh kíʼ ensakosénhni ne iónkshons. Selah Rawenni꞉io kwáh enrenéste ne iorihwaʼtó꞉ken raonoronkwáhtshera ó꞉ni ne raorihwatokentítshera.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Proverbs 14:22

Tenhsatén꞉tsha ne aiesaniáhese tánon aiesakwénienhste nakorèn꞉shon tókaʼ ne ensaióʼten ne tkarihwaié꞉ri. Tókaʼ ne ensaióʼten ne ioʼtáksen, kwáh tokén꞉ʼen tenhsaterienʼtawénrie.

Matthew 10:16

Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.

Matthew 5:44

Katon kati nii: Shenonȣehak ne iesasȣens, nok Teshenonȣeratonsek ne iesakenronni, sheiaterasȣiiosten ne iesakenronni, nok sheiaterennaiennihek ne teiesonnharikhons oni iesakenrenseronnis.

Matthew 5:7

Iakotaskat niakotaʼnitenraskon, aseken entsiontatitenre.

Joshua 2:14

Ne tenónhkwe wakonhwénhase, “Aiá꞉wens ne Rawenni꞉io ieháhaf ne tsi iakenónhne tó꞉ka thóh nenhiakení꞉hiere tsi nenhiakení꞉ron! Tó꞉ka iáh ónhka thaieʼtsirohriáhne tsi nihiatiatiérahkwe, kwáh ki entsiarahrátsten nó꞉nen ne Roiá꞉ner enteshón꞉tion kí꞉ken ionhontsá꞉ien, kwáh ki enhioianeréhake tsi tenhkwarihwasniése.”