2 Samuel 2:13 - Ohiatonhseratokénti

¹³ Joab ne ne roiénha ne Zeruiah, tánon ne raonhatserashón꞉ahs ne Táwit, iaháre tánon wathontátken tsi tionáweroʼte ne Gibeon. Skentsió꞉kwa thóh wahón꞉tsien skáti nòkwahti ne tsi ionáwerote, ne ronátsiakes ákte neh nòkwati tahón꞉tsien ne tsi ionáwerote.

2 Samuel 2:13 ပူးပေါင်းရင်းမြစ်များ

2 Samuel 2:18

Ne áhsen niháti ne Zeruiah raonekenterontseraʼshón꞉ahs thóh rón꞉neskwe, ne ne Joab, Abishai, tánon ne Asahel. Nón꞉wa ne Asahel thóh natehó꞉ka tsi ní꞉ioht ne kahentakéha oskenón꞉ton.

2 Samuel 20:23

Nón꞉wa ne Joab rahónha tesakoniaró꞉taron ratikwé꞉kon ne ronterí꞉ios NIsraerʼronónke; Benaiah ne ne roiénh ne Jehoiada rahónha ne tesakoniaró꞉taron ne Cherethites ó꞉ni ne Pelethites;

2 Samuel 20:8

Nó꞉nenh thóh nón꞉we sheʼhónhnes ne tsitkanenhiowánenh neh thóh nón꞉we Gibeon, Amasa thontaʼsakoterá꞉te. Nón꞉wa ne Joab ne rotieronhniá꞉ton ne ronteriʼiosthákwah tánon roʼtiatánenh etʼwasharóron tsi watetaʼhástha násare etʼhiotá꞉ron rahí꞉hiake; tsi niaháre onthasharótsi ohontsá꞉ke iakaién꞉tane.

2 Samuel 23:24

Tsi nihá꞉tikwe ne áhsen niwáhsen ne ne Asahel ne iathatekénha ne Joab; Elhanan ne roiénha ne Dodo Bethlehemró꞉non;

2 Samuel 8:16

Ne Joab ne ne roní꞉ha ne Zeruiah neh sakoteriwatsterístase ronterí꞉ios; Jehoshaphat ne ne roní꞉ha ne Ahilud ne sakohiatónhniskwe;

1 Kings 1:7

Joab watnhitháren (né꞉ne ronwaiénha ne Zeruiah tánon ne Abiathar né꞉ne ratsihénstatsi íken), tánon wahonwararátsʼthen tsi enthonwatswanónhna tsi níhreʼre.

1 Kings 2:5

“Tánon shé꞉kon ó꞉ia nahó꞉ten. Sèhiaʼre tsi nahó꞉ten ne Joab tsi nihatiéraʼse tsi nisakononhwarhiákon ne tenihiáse Nisraerʼró꞉nons theʼnhiʼsenhnowánen ne Israerʼró꞉nons rahotiʼsohtár, Abner né roʼníha ne Ner tánon ne Amasa né꞉ne roʼníha ne Jether. Sèhiaʼre kén tsi ní꞉ioht tsi sakoséhton né skénnonhk thiʼkènhne né shiʼkaháwisʼkwe né tsi ahonsahatʼkárhiakʼthe né ronenhéions tsi nihotirihwakanonhníhon ne shiʼwaterí꞉ioʼkwe. Waʼshakononhwarhiakónhnion ne iáh othènen tehotiníkon ronhnónhkwe, tánon kíʼ ónenh í꞉i né sewaʼkatherihwaʼkéte tsi nihotséren tánon wakeronhiáken tsi niaʼtehioné꞉non.

1 Chronicles 11:6

Ne Táwit wahén꞉ron, “Nenhthaʼtiérenhte ne rónhkwe nenshakononwariáʼkon ne Jebusites né kíʼ raʼsennowáʼnen enháton tsi nòkwah ne ronterí꞉ios!” ne Joab, né ronisténha né꞉ne Zeruiah, wahanenríhsere iashakotiatónhti tánon rahón꞉a kíʼ rasennowáʼnen wahá꞉ton.

1 Chronicles 2:16

Tékeni ó꞉ni teoiatasetsheraʼiéntaʼkwe, né꞉ne Zeruiah tánon ne Abigail. Né Jesse sakoiénha Zeruiah áhsenh nènhʼne niʼiakonekenteronhtsheraʼiéntaʼkwe: né꞉ne Abishai, Joab, tánon ne Asahel.

Jeremiah 41:12

Sók kíʼ ne ronnónhkwe wahonwahiathisákʼkha tánon thóh nónhwe iahonwahnónhterahne ne kowáhnenh tionaweróh꞉te ne ne Gibeon nónhwe.

1 Samuel 26:6

Ehʼthóhʼne ne Táwit wahawénhase ne Ahimelech ne ne Hitró꞉non, ó꞉ni ne Joabʼs iatahtekèn꞉ha Abishai ne ne roién꞉ha ne Zeruiah, “Raón꞉ha kwáh neh enhiá꞉kene tsi thóh tahtohseró꞉te ne Saul?” Ne Abishai wahén꞉ron, “Kwáh kiʼ í꞉i thóhh ién꞉tene.”