2 Samuel 2:1 - Ohiatonhseratokénti

¹ Shontóhetste kí꞉ken ne Táwit wahoriwanóntonhse ne Roiá꞉ner, “Kwáh kén iá꞉ke kaknikáiens ne kanatowánens ne Judah?” Ne Roiá꞉ner wahá꞉wenhase, “Wáhs thóh iaʼháse.” Ne Táwit wahén꞉ron, “Kaʼónte niʼkáien ne kanatowánens nón꞉we niá꞉ke?” Wahén꞉ron, “Hebron nón꞉we niaháse.”

2 Samuel 2:1 ပူးပေါင်းရင်းမြစ်များ

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Genesis 32:2

tánon nó꞉nen ne Jacob sahshakó꞉ken wahén꞉ron, “Ne kén꞉ʼen ne ne Rawenni꞉io rotená꞉taien!” Sók kíʼ neh nón꞉we Mahanaim wahahsèn꞉non.

2 Samuel 15:7

Tsi iahontók꞉ten ne kaiéri niʼioserá꞉ke ne Absalom wahawénhase ne ronnontí꞉io, “Asatthóntate takerí꞉hon ne iá꞉ke thóh nón꞉we Hebron tánon aká꞉rhiake tsi niwakarharátston rahonhá꞉ke ne Roiá꞉ner.

2 Samuel 2:11

Tsi nikaríwas nètho Táwit ronontí꞉iokwe neh nón꞉we Hebron rononháke nonkweʼókons ne Judah ne ne tsá꞉ta niʼioserákekwe tánon iáh-iak niwenhnítakeʼne.

2 Samuel 5:19

Ne Táwit wahoriwanóntonhse ne Roiá꞉ner, “Kwáh kén iá꞉ke niakeiaʼtiatónhti ne Philistines? Kwáh ní꞉se entesehiát꞉kaʼwe thóh katshanáke?” Ne Roiá꞉ner wahawénhase ne Táwit, “Wáhs thóh iahá꞉se; asèken kwáh oriwiʼiohónwe ienkheiát꞉kaʼwe ne Philistines thóh satshanáke.”

2 Samuel 5:23

Nó꞉nen ne Táwit sahoriwahnóntonhse ne Roiá꞉ner, wahén꞉ron, “Ní꞉se kwáh iáh thóh tsiá꞉se; wáhs sehiakwahtáse rahtísonne nontáse, tánon thóh nontáhse tsi ensehiatórenhne ákta nokwáhti tsi iorontótons ne iotshokó꞉tons.

1 Kings 2:11

Kaiéri niwáhsen nihiosehráke roʼnonhtíhiokwe Nisraerʼró꞉nonke, tsáta nihioseráke rotkorásthonhne ne Hebron nónhwe tánon asenhniwásen-ásen nihioseráke ne Jerusalem nónhwe.

1 Chronicles 29:7

kén ní꞉ioht tsi tahatiʼiestánion nakahioténhʼen Nononsatokentiʼkó꞉waʼne: 380,000 nikakonhtseráke owistanóron, 760,000 nikakonhtseráke kawistaráken, 1,350,000 nikakonhtseráke teiotʼtsinokwáhronhte karístatsi, 7,500,000 nikakonhtseráke karístatsi.

2 Chronicles 11:10

Zorah, Aijalon, tánon Hebron.

Psalms 143:8

Takeríhon nahonkatʼtónhtene ne iorihwatóken sanoronhkwáhtshera noronhkéne, asèken í꞉seke nón꞉we nihtewaketákwen. Takerihónhnien tsi nihiohahóten akatʼthahíta, asèken í꞉seke nón꞉we nikaterénhnaiens.

Psalms 27:4

Tioríhwa riʼrihwanonhtónhni ne Roiá꞉ner, nètho kwáh enkésahke: né꞉ne raonónskon ne Roiá꞉nerakiterón꞉take kwáh tsi niaʼtewenhniseráke tsi nikónnhes, né nakatkátho ne é ne Roiá꞉ner, ne nahirihwaʼnón꞉tonhse ne Rawenni꞉io nahakerihwakwahríshiaʼse akwé꞉kon tsi nihiotónhase.

Ezekiel 36:37

Ne Ronhnontí꞉io Roiá꞉ner ráton, “Kwáh shé꞉kon ensetkheríhon ne Israerʼró꞉nons nahonsahionkeriwahnónhtonhse nakhehiénawase, tánon kwáh enkheríhon nahonatiokowáhna tsi ní꞉ioht ne teiotinahkaronhtónha katshénenhs.

Numbers 13:22

Né tahontiérenhte entiéne nokwáhti niahónhne ne tsi ionhontsáien tánon Hebron iahónhnewe, thóh nónhwe ne rahotitiókwas ne Ahiman, Sheshai, tánon ne Talmai, nihatinákeres né tahatiwatsiratátie ne ratiʼkowánenskwe ne ronhwatinatónkwah Anakim, nihatiʼnákerekwe. (Ne Hebron tsáta nihioserá꞉ke né ohénton nikanatónhni tsi ní꞉ioht ne Zoan né Egypt nónhwe.)

Numbers 27:21

Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

Joshua 15:13

Kwáh ne Roiá꞉ner tsi nihorihón꞉te ne Joshua, ostónha ne tsi kanakerahserá꞉ien ne Judah Caleb thonwá꞉wi ne roiénha ne Jephunneh, thóh nithawé꞉non ne rahotitióhkwakon ne Judah. Wahaié꞉na ne Hebron, ne kanatowá꞉nen né꞉ne rahotinathakén꞉en ne Arba, ne kaʼní꞉sera í꞉ken ne Anak.

Judges 1:1

Sarénheie ne Joshua nonhkweshón꞉as Nisraerʼró꞉nonke wahonwarihwanónh꞉tonhse ne Roiá꞉ner, “Kanikáien ne tsi nihionkwenhtsówa entiakwahtiérenhte ne iahiakhihiatsatónhti ne Canaanró꞉nons?”

1 Samuel 10:22

Sók kiʼ á꞉re shé꞉kon sahonwariwaʼnóntonhse ne Roiá꞉ner, “Nètho rón꞉kwe kénʼen kénh nithaʼwénon?” Tánon ne Roiá꞉ner wahén꞉ron, “Sewatʼkátho, iehotatiataséh꞉ton tsi nón꞉we nihionthaʼkweniaientákwa ne ionteriʼiosthákwas.”

1 Samuel 23:2

Ne Táwit wahorihwanóntonhse ne Roiá꞉ner, “Kwáh kén iá꞉ke tánon iakheiaʼtiatónhti kí꞉ken Philistiaró꞉nons?” Ne Roiá꞉ner wahawénhaʼse ne Táwit, “Wáhs tánon iasehiaʼtiatónhti ne Philistiaró꞉nons tánon sehnónstat ne Keilah.”

1 Samuel 23:4

Eʼthóhʼne kiʼ ne Táwit shé꞉kon sahoriwahnóntonse ne Roiá꞉ner. Ne Roiá꞉ner watorihwaserákwahse, “Hén, wáhs thóh iahá꞉se Keilah; asèken ne Philistiaró꞉nons thóh shasanáhke iekheiát꞉kaʼwe.”

1 Samuel 30:31

thóh nón꞉we Hebron, atenathakwékons tsi nonwésons ne Táwit tánon ne raonkweʼtashón꞉ʼahs teonatstikáfen.